Top Stories

இயோங்பாங், ஏப்ரல்.25-  அரசாங்க அதிகாரிகள் மற்றும் ராணுவ அதிகாரிகள் மத்தியில் வடகொரியா தலைவர் கிம் ஜோங் யுன் உரையாற்றும் போது தூங்கிய இராணுவத் தலைவருக்கு மரண தண்டனை விதிக்கப்படலாம் என்று தெரிகிறது. 
உலக நாடுகளை அச்சுறுத்தும் வகையில் மேற்கொண்டு வந்த அணுவாயுத சோதனையை வடகொரியா இனி நடத்தாது என அந்நாட்டின் தலைவர் கிம் ஜோங் யுன் அண்மையில் அறிவித்திருந்தார்.
இது தொடர்பான ஆலோசனை கூட்டம் கடந்த வாரம் நடந்தது. கூட்டத்திலும் முக்கிய இராணுவத் தலைவர்கள் அதிகாரிகள் கலந்து கொண்டனர்.
கூட்டத்தினரிடையே கிம் ஜோங் யுன் உரையாற்றி கொண்டிருந்த போது மூத்த   இராணுவத் தலைவரான ரி மவுங் சூ ( வயது 84) தலையை குனிந்தவாறு தூங்கியுள்ளார்.
இதையடுத்து கிம் ஜோங்கின்  கோபத்துக்கு ஆளான மவுங்குக்கு மரண தண்டனை விதிக்கப்படலாம் என தெரிய வந்துள்ளது. ஏனெனில், இதற்கு முன்னர் நாட்டின் துணை பிரதமர் கிம் யங் ஜின் என்பவர், இது போன்ற முக்கிய கூட்டத்தின் போது தூங்கியதால் அவருக்கு மரண தண்டனை விதிக்கப்பட்டது.
இது போல் மேலும் சிலருக்கு மரண தண்டனை கிம் ஜோங் யுன் அரசால் விதிக்கப்பட்டுள்ளது. அதே நேரத்தில் ரி மவுங் சூ வயது முதிர்வு காரணமாக அசதியில் தூங்கியிருக்கலாம் எனவும் அவர் தலையை தொங்க போட்டிருந்தாலும் விரல்கள் அசைந்தது எனவும் சிலர் சமூக வலைதளங்களில் கருத்து தெரிவித்துள்ளனர்.

தோக்கியோ, ஏப்ரல் 25- ஜப்பான் கடல் பகுதியில் ரஷ்ய கடற்படையினர் போர்ப் பயிற்சி மேற்கொண்டுள்ள சம்பவம் அம்பலமாகி உள்ளது. 

ரஷ்ய கடற்படையை சேர்ந்த திரிபுட் மற்றும் விநோகிராடப் உள்ளிட்ட கப்பல்கள்- நீர்மூழ்கி கப்பல்கள் இந்த போர் பயிற்சியில் ஈடுபட்டுள்ளன. 

நடுக்கடலில் உள்ள இலக்குகளை ரஷ்ய கப்பலில் உள்ள பீரங்கிகள் குறிவைத்து தாக்கி அழித்தன. பயிற்சியின் போது ஏவுகணைகளும் ராக்கெட்டுகளும் சீறிப் பாய்ந்து கடலில் இருந்த இலக்குகளை துல்லியமாகத் தாக்கின. 

ரஷ்ய கடற்படையின் 30 போர்க் கப்பல்கள் 20 ஜெட் மற்றும் ஹெலிகாப்டர்கள் இந்த போர்ப் பயிற்சியில் ஈடுபட்டுள்ளன. சிரியா மீது அண்மையில் அமெரிக்கா, பிரான்ஸ்,  பிரிட்டன் உள்ளிட்ட நாடுகள் தாக்குதல் நடத்தின.

இதற்கு ரஷ்யா எதிர்ப்பு தெரிவித்தது. இதனால் மூன்றாம் உலகப் போர் நடப்பது குறித்து பேச்சுகள் அதிகரிக்கத் தொடங்கியுள்ளன. இந்தச் சூழலில் ரஷ்யா இந்தப் போர்ப் பயிற்சியை மேற்கொண்டுள்ளது  என்பது குறிப்பிடத்தக்கது.

லண்டன், ஏப்ரல்.25-  சுமார் 34 ஆண்டுகளுக்கு முன் இளவரசர் ஹர்ரி பிறந்துதும் அவரை கையில் வைத்துக் கொண்டு, எப்படி இளவரசி டயானா ஒரு சிவப்பு நிற உடையில் மருத்துவமனையை விட்டு வெளியே வந்தாரோ, அதே போல் இம்முறை இளவரசி கேத் தனது மூன்றாவது குழந்தையை கையில் வைத்துக் கொண்டு வெள்ளை காலருடன் கூடிய சிவப்பு நிற உடையில் வந்ததைக் கண்டதும் மக்கள் இளவரசி டயானாவை நினைவுகூறத் தவறவில்லை.

ஊடகங்கள் சில டயானாவின் புகைப்படங்களையும் கேத் புகைப்படங்களையும் ஒப்பிட்டு பார்க்கும் வகையில் இரு படங்களை இணைந்து ஒப்பீடு செய்துள்ளனர்.

குட்டி இளவரசர் பிறந்தது, புனித ஜார்ஜ் தினத்தன்று என்பதால் அவருக்கு மரியாதை செலுத்தும் விதத்தில் பிரிட்டன் கொடியில் உள்ள சிவப்பு மற்றும் வெண்மை நிறங்களைக் கொண்ட உடையை கேத் அணிந்திருந்ததாகவும் சிலர் கருதினர்.

இளவரசி கேத் ஆண் குழந்தை ஒன்றை ஈன்றெடுத்தார் என்கிற அரண்மனை அதிகார 'டுவிட்டர்' கணக்கில் செய்தி வெளியிடப்பட்டிருந்த நிலையில் பொதுமக்களும் ராஜ விசுவாசிகளும் இளவரசரின் முகத்தைக் காண்பதற்காக ஆர்வத்துடன் மருத்துவமனை முன் கூடியிருந்தனர். 

மாலை ஆறு மணியளவில் மருத்துவமனை கதவுகள் திறக்கப்பட்ட நிலையில் சிவப்பு உடையில் இரண்டாம் டயானா இளவரசி கேத் புதிய இளவரசருடன்  வெளியே வந்தார், கூடியிருந்த மக்கள் மகிழ்ச்சியில்ஆரவாரம் எழுப்பினர். 

காரின் பின் இருக்கையில் கேத் அமர்ந்திருக்க, இளவரசர் வில்லியம் காரை ஓட்டிச் சென்றார்.  டயானாவை பல விஷயங்களில் நினைவுபடுத்தும் இளவரசி கேத் தன் மகளுக்கு "சார்லெட் எலிசபெத் டயானா" என பெயர் வைத்திருப்பது குறிப்பிடத்தக்கது.

 

லண்டன், ஏப்ரல்.24- இங்குள்ள இளம் பெண்கள் மீது கத்தியால் கொலைவெறி தாக்குதல் நடத்திய இளம்பெண் ஒருவரை போலிசார் அதிரடியாக கைது செய்துள்ளனர்.

லண்டன் சுற்று வட்டார பகுதியில் அண்மைய காலமாக பொதுமக்கள் மீது கத்தி  கொலைவெறி தாக்குதல் சம்பவம் அதிகரித்து வருகிறது.

இதில் பலர் படுகாயங்களுடன் தப்பியுள்ள நிலையில் இது வரை 60 பேர் கொல்லப்பட்டுள்ளதாகவும் போலீஸ் தரப்பு உறுதிப்படுத்தியுள்ளது.

இந்நிலையில் மேற்கு கென்சிங்டன் பகுதியில் இருந்து மாலை 5.30 மணியளவில் பெருநகர்  போலிசாருக்கு தொலைபேசி தகவல் ஒன்று கிடைத்துள்ளது. அதில் இரண்டு பெண்கள் கத்தியால் தாக்கப்பட்டு குற்றுயிரான நிலையில் இருப்பதாக கூறப்பட்டிருந்தது.

இதனையடுத்து சம்பவம் நடந்த பகுதிக்கு விரைந்த பெருநகர் போலிசார் அவர்களை மீட்டு ஹெலிகாப்டர் ஆம்புலன்ஸ் மூலம் மருத்துவமனையில் சேர்த்துள்ளனர்.

இந்த விவகாரம் தொடர்பில் இளம் பெண் ஒருவரை கைது செய்துள்ளதாக போலிஸ் தரப்பு தகவல் வெளியிட்டுள்ளது. தாக்குதல் நடத்தியதன் காரணம் தொடர்பில் விசாரணை மேற்கொள்ளப்பட்டு வருவதாகவும் போலிசார் தெரிவித்துள்ளனர்.

ராக்கா, ஏப்ரல்.24- சிரியாவில் உள்ள கால்பந்து திடலில் கொத்து கொத்தாக சடலங்கள் கண்டெடுக்கப்பட்டுள்ள சம்பவம் பரபரப்பை ஏற்படுத்தியுள்ளது.  .எஸ். தீவிரவாத இயக்கத்தின் முன்னாள் கோட்டையாக கருதப்பட்டு வரும் ரக்கா நகரில் தான் இச்சடலங்கள் கண்டெடுக்கப்பட்டுள்ளதாக உள்ளூர் ஊடகங்கள் செய்தி வெளியிட்டுள்ளன.

200க்கும் மேற்பட்ட சடலங்கள்   புதைக்கப்பட்டிருந்ததாகவும் அதில் பெரும்பாலான சடலங்கள் சிரிய ராணுவ வீரர்களுடையது எனவும் தெரிய வந்துள்ளது.  தீவிரவாத இயக்கத்தினரால் ராணுவ வீரர்கள் கொல்லப்பட்டுள்ளார்கள்

 

அதே நேரத்தில் 500 சடலங்கள் அங்கு கண்டெடுக்கப் பட்டதாக ஷாமான் அல் வாசி என்னும் ஆன் லைன் செய்தி நிறுவனம் தெரிவித்துள்ளது. உயிரிழந்தவர்கள் குறித்து தனித்தனி அடையாளங்கள் இன்னும் தெரியவில்லை, அது குறித்து விசாரணை நடைபெற்று வருகிறது.

ரக்கா நிகரில் அடிக்கடி தீவிரவாத இயக்கத்தினருக்கும் ராணுவத்தினருக்கும் இடையில் சண்டை நடக்கும்.  அப்படி நடந்த சண்டையில் ஆயிரக்கனக்கானோர் இதுவரை கொல்லப் பட்டிருக்கலாம் என தெரியவந்துள்ளது.

டோரோண்டோ, ஏப்ரல்.24- கனடாவில் வட டோரோன்டோவிலுள்ல மிகவும் பரபரப்பான "யோங்கோ ஸ்திரிட்" பகுதியில் பொதுமக்கள் மீது  வாகனமோட்டி ஒருவர் வாகனத்த்தினால் மோதி  உயிர்சேதத்தை ஏற்படுத்தியுள்ள சம்பவம் அதிர்ச்சியை ஏற்படுத்தியது

இந்த அதிர்ச்சி அளிக்கும் சம்பவமானது பிஞ்ச் அவெனியூ பகுதியில் நிகழ்ந்துள்ளது. இதில் 9 பேர் கொல்லப்பட்டனர். 16 பேர் படுகாயத்துடன் மருத்துவமனையில் அனுமதிப்பட்டுள்ளனர் என போலீஸ் தகவல் கூறுகின்றது.

உள்ளூர் நேரப்படி சுமார் 1.30 மணியளவில் வெள்ளை நிற வாகனத்தில் விரைந்து வந்த அந்த காரோட்டி பொதுமக்கள் மீது மோதியுள்ளார். விபத்துக்குரிய வாகனம் மற்றும் அதன் ஓட்டுனரான அலெக் மினாசியன் (வயது 25) என்பவர் உடனடியாக கைது செய்துள்ளதாக கூறும் போலீசார், விபத்தின் காரணம் குறித்து விசாரணை நடைபெற்று வருவதாக தெரிவித்துள்ளனர்.

இதனிடையே விபத்து குறித்து கண்காணித்து வருவதாகவும் சம்பவத்தின் போது முதலில் உதவிக்கு வந்த பொதுமக்களை பாராட்டுவதாகவும் பிரதமர் ஐஸ்டின் ட்ரூடோ தெரிவித்துள்ளார்.

இந்த விபத்தில் படுகாயமடைந்த 7  பேர் தீவிரச் சிகிச்சை பிரிவில் அனுமதிக்கப்பட்டுள்ளதாகவும் தொடர்ந்து அவர்களின் நிலை தொடர்ந்து கண்காணிக்கப்பட்டு வருவதாகவும் மருத்துவமனை வட்டாரங்கள் தெரிவித்துள்ளன.

நியூயார்க், ஏப்ரல்.24- கூகுள் நிறுவனம் தனது தலைமைச் செயல் அதிகாரி .சுந்தர் பிச்சைக்கு வழங்கிய ரூ. 2,508 கோடி மதிப்பிலான பங்குகள் இன்று அவர் வசமாகின்றன.

அமெரிக்கா- தலைமையிடமாக கொண்டு செயல்படும் இணைய தேடுபொறி தொழில் நுட்ப நிறுவனம் கூகுள், இதன் தலைமைச்  செயல் அதிகாரி பதவி உயர்வு பெறுவதற்கு முன் 2014 இல் அவருக்கு ஏராளமான பங்குகள் கூகுள் நிறுவனம் வழங்கியது. 

கூகுள் நிறுவன விதிமுறைப்படி அதன் அதிகாரிக்கு வழங்கப்படும் பங்குளை மூன்று ஆண்டுகளுக்கு விற்க முடியாது. இந்நிலையில்  இந்தப் பங்குகள் வழங்கப்பட்டு மூன்று ஆண்டுகள் முடிவடைவதால் அந்தப் பங்குகள்  மீதான முழு உரிமையும் சுந்தர் பிச்சை  வசமாகிறது.

கடந்த 2014இல் வழங்கப்பட்ட அந்த பங்குளின் தற்போதைய மதிப்பு 2,508 கோடி ரூபாயாக கணக்கிடப்பட்டுள்ளது. அதே போல் 2015 மற்றும் 2016 ஆம் ஆண்டிலும் சுந்தர் பிச்சைக்கு பல பங்குகளை கூகுள் நிறுவனம் வழங்கியுள்ளது என்பதும் குறிப்பிடத்தக்கது.

 

பெய்ஜிங், ஏப்ரல். 24 -உலகில் மிக அதிக அளவு கழிவுப் பொருட்களை இறக்குமதி செய்யும் நாடான சீனா, இனி அதற்கு தடை போடவுள்ளதாக அறிவித்துள்ளது.

சீனா உலக நாடுகளில் இருந்து மறுசுழற்சி பொருட்கள் மற்றும் பிளாஸ்டிக் உள்ளிட்ட குறிப்பிட்டத்தக்க பொருட்களை நீண்ட காலமாக இறக்குமதி செய்து வந்துள்ளது.

கடந்த ஆண்டு இந்தக் கழிவுப் பொருட்கள் இறக்குமதிக்கு சீனா அரசு தடை விதித்தது. அந்தக் தடை உத்தரவை மீண்டும் நீட்டித்து மறு உத்தரவு பிறப்பித்துள்ளது சீனா.

2017 ஆம் ஆண்டு உலக நாடுகளிடம் இருந்து 24 வகையிலான கழிவுப் பொருட்களை சீனா தொடர்ந்து இறக்குமதி செய்து வந்துள்ளது. தற்போது சொந்த நாட்டில் உள்ள சுற்றுச்சூழல் பாதிப்புகளை எதிர்கொள்ள இருப்பதால் உலக நாடுகளின் கழிவுப்பொருட்களை இறக்குமதி செய்வதில் சிக்கல் இருப்பதாக அறிவித்துள்ளது.

ஏற்கனவே, அமுலில் இருந்த 24 பொருட்களின் பட்டியலுடன் மேலும் 32 பொருட்களையும் சேர்ந்துள்ளது. கடந்த ஆண்டு சீனா மேற்கொண்ட குறித்த அதிரடி முடிவால் பல நாடுகள் கடும் சிக்கலுக்கு உள்ளாகின.

கழிவுப்பொருட்களின் மறு சுழற்சிக்கு சீனாவையே நம்பியிருக்கும் பல நாடுகள் இதனால் பாதிக்கப்பட்டதாக கூறும் அதிகாரிகள் தற்போது வரை குறிப்பிட்ட சில நாடுகள் தங்கள் நாட்டு கழிவுப் பொருட்களால் தத்தளித்து வருவதாகவும் தெரிவித்துள்ளனர். 

இதனிடையே சீனாவின் இந்த அதிரடி முடிவால் ஆஸ்திரேலியாவின் குயின்ஸ்லாந்து மாநிலத்தில் மலை போல் குவியும் கழிவுகளை குழி தோண்டி புதைக்கும் பணியில் இறங்கியுள்ளது.

மேலும் அமெரிக்காவில் இருந்து சீனாவுக்கு கழிவுப் பொருட்களை ஏற்றுமதி செய்யும் நிறுவனங்களுக்கு கடந்த ஒரு வார காலத்தில் மட்டும் 400  மில்லியன் டாலர் இழப்பு ஏற்பட்டுள்ளதாக தகவல் வெளியாகியுள்ளது.

 

நியூயார்க், ஏப்ரல்.24- நடிகை ஆம்பர்ரோஸ் தனது ஐந்து மகன் செபாஸ்டியன் முன் எந்த நேரத்திலும்  நிர்வாணமாக இருப்பதாக கூறியுள்ளார்.

அமெரிக்கா நடிகையும் மாடலுமான ஆம்பர்ரோஸ் கணவரை விவாகாரத்து செய்து விட்டு தன்னுடைய ஐந்து வயது மகனுடன் வசித்து வருகிறார். இந்நிலையில் அவர் கூறிய ஒரு விஷயம் அனைவரையும் அதிர்ச்சி அடைய வைத்துள்ளது.

'எங்கள் வீட்டில் நான் என் மகன் முன்பு எப்பொழுதுமே நிர்வாணமாக தான் இருப்பேன். இந்த வயதிலேயே என் மகனுக்கு பெண்ணின் உடல் உறுப்புக்கள் பற்றி நன்கு தெரியும்' என்று ஆம்பர் ரோஸ் தெரிவித்துள்ளார்.

இதுகுறித்து அவர் மேலும் கூறியிருப்பதாவது;  'பெண்கள் நிர்வாணமாக இருப்பதை பார்த்தாலும் என் மகன் சாதாரணமாகவே இருக்கவேண்டும் என்பதால் தான் அப்படி காட்சியளிக்கிறேன். அவன் பெண்களை மதிப்பவனாக வளரவேண்டும்' என்கிறார்.

'அவன் பெண்ணியவாதியாக வருவான்.வருங்காலத்தில் அவனின் நண்பர்களை ஒப்பிடும் போது  என் மகனுக்கு பெண்களின் உடல் பற்றி நன்கு தெரியும். உடல் கவர்ச்சி அவனுக்கு இருக்காது' என்று கூறியுள்ளார்.

லண்டன்,, ஏப்ரல்.24-  இங்குள்ள செயிண்ட் மேரி மருத்துவமனையில் நேற்று காலை  பிறந்த குட்டி இளவரசரின் முதல் புகைப்படம் வெளியாகியுள்ளது. லண்டனிலுள்ள செயிண்ட் மேரி மருத்துவமனையில் இளவரசி கேத் மிடில்டனுக்கு  நேற்று காலை 11 மணியளவில் ஆண்  குழந்தை பிறந்தது. இது அவருக்கு மூன்றாவது பிரசவமாகும்.

தாயும் சேயும் நலமாக இருப்பதாக கென்சிங்டன் மாளிகையின் அதிகாரப்பூர்வ டுவிட்டர் பக்கத்தில் செய்தி  அறிவிக்கப்பட்ட நிலையில் தற்போது குட்டி இளவரசரின் புகைப்படம் வெளியாகியுள்ளது. 

முன்னதாக மருத்துவமனையில் இருந்து வெளியே வந்த இளவரசர் வில்லியம், தாம் மிகவும் மகிழ்ச்சியாகவும் ஆனால், அதே அளவு கவலையும் தொற்றிக் கொண்டுள்ளது என குறும்பாக தெரிவித்திருந்தார்.

பிறந்த குட்டி இளவரசர் 3.8 கிலோ எடை இருப்பதாகவும் சராசரியாக பிரிட்டனில் பிறக்கும் குழந்தைகளின் எடை 3.5 கிலோ எனவும் மருத்துவமனை வட்டாரங்கள் தெரிவித்துள்ளன. மேலும் குட்டி இளவரசர் "பிரின்ஸ் ஆப் கெம்பிரேஜ்" என அறியப்படுவார் எனth தெரிய வந்துள்ளது.  

இதன் மூலம் அரியணை ஏறும் பட்டியலில் குட்டி இளவரசர் ஐந்தாவது இடத்தில் இருக்கிறார். இவரது பிறப்பால் அரச குடும்பத்தின் அரியணை பட்டியலில் சில மாற்றங்கள் நிகழ்ந்துள்ளன. இவர் ஐந்தாவது இடத்தில் இருப்பதால் இளவரசர் ஹரி ஆறாவது இடத்திற்கு மாற்றம் ஆகியுள்ளார். 

அது மட்டுமின்றி பிரிட்டனின் குட்டி இளவரசி சார்லெட் (இளவரசர் வில்லியன்- கேத் மில்டனில்) இரன்டாவது பெண் குழந்தை விரைவில் அரசியாக அரியணை ஏறி புதிய வரலாற்றை உருவாக்கவிருக்கிறார்.  மூன்றாவது குழந்தை பிறந்து விட்டதால் அரச குடும்பத்தில் சார்லெட் முக்கியத்துவம் பெற்றுள்ளார். 

 

லண்டன், ஏப்ரல்.23- பிரிட்டனின் தென்மேற்கு கடல் பகுதியில் உலகின் முதன் முறையாக கருமை நிறத்திலான சுறா ஒன்று கண்டுபிடிக்கப்பட்டுள்ளது.

உலகில் ஏராளமான வகையைச் சேர்ந்த சுறா மீன்கள் உள்ளன. அவற்றில் பெரும்பாலான சுறாக்கள் வெள்ளை மற்றும் சாம்பல் நிறத்தில் தான்  இருக்கும். 

இந்நிலையில் மிகவும் அரிதான கருமை நிறத்திலான சுறா ஒன்று  பிரிட்டனின் தென்மேற்கு கடல் பகுதியில்  கண்டுபிடிக்கப்பட்டுள்ளது. இந்த சுறா ஏறத்தாழ 24 ஆடி நீளமுடையது.

இந்த சுறா மீனை ரேச்சல் ஓஸ்கென் என்பவர் முதன் முறையாக படம் பிடித்துள்ளார். இவர் படம் படிக்கும் போது இந்த சுறா மீன் பொறுமையாக இருந்தாக அவர் குறிப்பிட்டுள்ளார். 

நியூயார்க்க், ஏப்ரல்.23- எதிர்வரும் 2020ஆம் ஆண்டில் செவ்வாய்க்க் கிரகம் நோக்கிய புதிய விண்கலன்கள் அனுப்பப்படவுள்ளன. இந்த விண்கலன்களை ஐரோப்பிய விண்வெளி மையம் அனுப்பவிருக்கிற்ற்து.
மூன்று விண்கலங்கள் ஏவப்படவுள்ள நிலையில் அவற்றில் ஒரு விண்கலத்தின் மாதிரி தெர்மல் மாடல் வெளியாகிவுள்ளது. அமெரிக்காவின்  'ஏர்பஸ்' நிறுவனத் தொழிற்சாலையில் இந்த விண்கலம் வடிமைக்கப்படுகிறது.  

இதற்கு முன்பே செவ்வாய்க் கிரகத்திற்கு   'கியூரியோசிட்டி'  என்ற விண்கலம் அனுப்பப்பட்டுள்ளது.  தற்போது அனுப்பப்படவிருக்கும்  விண்கலத்திற்கு ரோவர் எனும் பெயரே இதற்கும் சூட்டப்பட்டுள்ளது.

மேலும், இந்த விண்கலம் தொடர்பில் ஐரோப்பிய விண்வெளி மையத்தில் பணிபுரிபவர்கள் எதிர்வரும் மேமாதம் 8 ஆம் தேதி ஒன்றிணைந்து விவாதிக்க உள்ளதாகவும் தகவல் வெளியானது.

Advertisement