லண்டன். ஏப்ரல்.20- "நீண்ட ஆலோசனைக்குப் பிறகு இந்த முடிவை எடுத்துள்ளேன். இவ்வாண்டுக்கான இங்கிலீஷ் பிரிமியர் லீக் போட்டி முடிவுக்கு வந்த கையோடு நான் விடைபெறுகிறேன்" என்று அர்சனல் கால்பந்து குழுவின் 22 ஆண்டுகால நிர்வாகியான அர்செனி வெங்கர் ஓர் அதிர்ச்சியான அறிவிப்பைச் செய்துள்ளார்.

இந்த சீசன் முடிந்த கையோடு நான் அர்சனல் குழுவை விட்டு வெளியேற உள்ளேன். கிளப் நிர்வாகத்துடன் இது குறித்து மிக விரிவாகக் கலந்து பேசி  இந்த முடிவை எடுத்துள்ளேன் என்றார் அவர்.

இந்தப் பிரிமியர் லீக் போட்டியில் முடிந்த வரை சிறந்த இடத்தைப் பிடிக்க அரசனலுக்கு ரசிகர்கள் பக்கபலமாக இருக்க வேண்டும். அர்சனலை நேசிப்பவர்கள் அந்தக் கிளப்பின் மதிப்பை போற்றிப் பாதுகாக்கவேண்டும். ஆதரிக்க வேண்டும் என்று   அர்செனி வெங்கர் கேட்டுக் கொண்டார்.

இதனிடையே அர்சனல் குழுவுக்காக 22 ஆண்டுகாலம் சேவையாற்றிய வெங்கர் போற்றுதலுக்கு உரியவர் என்று குறிப்பிட்ட கிளப்பின் தலைவர் கிரோயென்கே, அவருக்கு மாற்றாக சிறந்த நிர்வாகி ஒருவரை அர்சனல் விரைவில் கண்டறியும் என்று சொன்னார்.

அடுத்த சீசனில் ஐரோப்பிய சாம்பியன்ஸ் லீக் போட்டிக்கு அர்சனல் தேர்வு பெறவேண்டுமானால்,  தற்போது நடந்து வரும் ஐரோப்பா லீக் போட்டியில் அது சாம்பியன் பட்ட்டத்தை வென்றால் மட்டுமே அது சாத்தியமாகும். அடுத்த வாரம் நடை பெறவிருக்கும் ஐரோப்பிய லீக் அரையிறுதி ஆட்டத்தில் அத்லெட்டிக்கோ மாட்ரிட் குழுவை அர்சனல் வீழ்த்தி,  இறுதியாட்டத்திற்கு தகுதி பெறவேண்டிய கட்டாயத்தில் இருக்கிறது என்பது குறிப்பிடத்தக்கது.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

லிவர்புல், ஏப்ரல் 5 –ஐரோப்பிய சாம்பியன்ஸ் லீக் கால்பந்து போட்டியின் முதல்கட்ட காலிறுதி ஆட்டத்தில் அதிரடி வேட்டையை நடத்தியது லிவர்புல் குழு. அந்த வேட்டைக்கு, பலம் பொருந்திய மென்செஸ்ட்டர் சிட்டிக் குழு பலியானது.

கால்பந்து ரசிகர்களுக்கு அதிர்ச்சியை ஏற்படுத்தும் வகையில் தனது சொந்த அரங்கத்தில் லிவர்புல் நினைவு கூரத்தக்க வகையிலான ஒரு  வெற்றியை நிலைநாட்டியது.க்கு எதிராக  ஆட்டம் தொடங்கிய 31 நிமிடங்களுக்கு உள்ளாகவே  லிவர்புல் 3 கோல்களை அடித்து   வீழ்த்தியது.

லிவர்புல் குழுவின் வெற்றிக் கோல்களை முன்னணி கோல் வீரர் முகம்மட் சாலாவும் அடுத்தடுத்து அலெக்ஸ் சேம்பர்லைன் மற்றும் சாடியோ மெனியும் மாறி மாறி இரு கோல்களைப் போட்டு மென்செஸ்ட்டர் சிட்டியை திக்கு முக்காட வைத்தனர்.

பிற்பகுதி ஆட்டத்தில் வீழ்ச்சியிலிருந்து மீட்சி பெற மென்செஸ்ட்டர் சிட்டி கடுமையாக போராடிய என்றாலும் அதன் முயற்சிக்கு பலன் கிட்டவே இல்லை, அடுத்து 2 ஆம் கட்ட காலிறுதி மோதல் செவ்வாயன்று நடக்கிறது.

லாஸ் ஏஞ்சல்ஸ், மார்ச். 5-  உலக சினிமாவின் உச்ச விருதாகக் கருதப்படும் ஆஸ்கார் விருது -2018  விழா அமெரிக்காவின் லாஸ் ஏஞ்சல்ஸ் நகரில் நடந்தது. இந்த 90ஆவது ஆஸ்கார் விழாவில்  தி ஷேப் ஆப் வாட்டர் ( The Shape of Water) என்ற படம் 4 ஆஸ்கார் விருது களை வாகைசூடியது.

அதிகபட்சமாக, "தி ஷேப் ஆப் வாட்டர்" என்ற திரைப்படம் 13 பிரிவுகளில் பரிந்துரைக்கப்பட்டது. இதற்கு அடுத்தப் படியாக "டன்கிர்க்" திரைப்படம் 8 பிரிவுகளுக்கும், "திரி பில்போர்ட்ஸ் அவுட்சைட் எப்பிங் மிசொளரி" என்கிற படம் 7 பிரிவுகளுக்கும் பரிந்துரைக்கப்பட்டன. 

இதில், "தி ஷேப் ஆப் வாட்டர்" படம் அதிகபட்சமாக 4 விருதுகளைக் கைப்பற்க்ச் சாதனைப் படைத்தது. இது, கடல்வாழ் உயிரினங்களின் மீது தீராத காதல் கொண்ட ஒரு பெண்ணின் கதையை  மையமாக கொண்ட படமாகும். அடுத்து  "டன் கிரிக்" படம் 3 விருதுகளைக் கைப்பற்றியது.

ஆஸ்கர் விருதுகள் பற்றிய விபரம் வருமாறு:

## சிறந்த இயக்குநர் : குல்லர்மோ டெல் டோரோ (தி ஷேப் ஆப் வாட்டர்)

## சிறந்த நடிகர் : கேரி ஓல்டுமேன் (டார்க்கெஸ்ட் ஹவர்)

## சிறந்த நடிகை : பிரான்சஸ் மெக்டார்மேண்ட் 

    (த்ரி பில்போர்ட்ஸ் அவுட்சைட் எப்பிங் மிசெளரி)

## சிறந்த படம் : தி ஷேப் ஆப் வாட்டர் 

## சிறந்த துணை நடிகர்:  சாம் ராக்வெல்

     (திரி பில்போர்ட்ஸ் அவுட்சைட் எப்பிங் மிசெளரி)

## சிறந்த துணை நடிகை : ஆலிசன் ஜேனி (ஐ டான்யா)

## சிறந்த அனிமேஷன் படம் : கோகோ

## சிறந்த வெளிநாட்டு படம் - தி பென்டாஸ்டிக் உமன் : 

     சிறந்த இயக்குனர் செபாஸ்டியன் லீலியோ

## சிறந்த இசை : தி ஷேப் ஆப் வாட்டர் 

    -அலெக்சாண்ட்ரே டெஸ்ப்லெட்

 

 

 

 

 

 

 

 

 

 

லன்டன்,பிப்.26- இங்கிலாந்தின் லீக் கிண்ண கால்பந்துப் போட்டியின் இறுதியாட்டத்தில் மன்செஸ்ட்டர் சிட்டி 3-0 என்ற கோல் கணக்கில் அர்சனல் குழுவை வேரோடு சாய்த்து வெற்றிக் கிண்ணத்தைத் தட்டிச் சென்றது. 

மன்.சிட்டி குழுவின் நிர்வாகியாக  ஸ்பெயினைச் சேர்ந்த பிரபல பயிற்சியாளர் பெப்  குவாடியோலா பதவியேற்ற பிறகு அக்குழு கைப்பற்றி முதல் வெற்றிக் கிண்ணம் இது என்பது குறிப்பிடத்தக்கது.

ஏற்கெனவே எப்.ஏ. கிண்ன கால்பந்து போட்டியின் 5ஆவது சுற்றில், இரண்டாம் டிவிசனில் விளையாடி வரும் விகான் குழுவிடம் தோல்வி கண்டு தர்மசங்கடத்திற்கு உள்ளான மன்.சிட்டி, அந்தத் தோல்வியை ஈடுகட்டும் வகையில் பலம் பொருந்திய அர்சனலை அதிரடியாக வீழ்த்தி சாம்பியனானது.  

முற்பகுதி ஆட்டத்தின் 18ஆவது நிமிடத்தில் மன்.சிட்டியின் மூத்த முன்னணி வீரர் செர்ஜியோ அக்குயெரோ முதல் கோலை அடித்தார். பின்னர் பிற்பகுதி ஆட்டத்தின்58 ஆவது நிமிடத்தில் தற்காப்பு வீரர் வின்செண்ட் கொம்பெனி இரண்டாவது கோலையும் 65 ஆவது நிமிடத்தில் மத்திய திடல் ஆட்டக்காரர் டேவிட் டி சில்வா மூன்றாவது கோலையும் போட்டனர். 

அடுத்து, மன்.சிட்டி குழு பிரிமியர் லீக் சாம்பியன் பட்டத்திற்கும் ஐரோப்பிய சாம்பியன் லீக் கால்பந்து சாம்பியன் பட்டத்திற்கும் குறி வைத்திருப்பதாக அதன் நிர்வாகி பெப் குவார்டியோலா தெரிவித்தார். 

அதேவேளையில் மன்.சிட்டி குழுவிடம் அர்சனல் தோற்ற விதம்,  அக்குழு மீதும் ஆட்டக்காரர்கள் மீதும் பயிற்சி மீதும் பல கேள்விகள் எழக் காரணமாக அமைந்துள்ளது என்று அதன் நிர்வாகி வெங்கர் குறிப்பிட்டார்.

 

மன்செஸ்ட்டர், ஜன.23- அர்சனலுக்கு விளையாடி வந்த முன்னணி கோல் வீரர் அலெக்சி சான்சாஸ் இனி மன்செஸ்ட்டர் யுனைடெட் குழுவுக்கு விளையாடப் போகிறார்.  அண்மைய சில நாள்களாக பரபரப்பாக பேசப்பட்டு வந்த இந்தப் பேரத்தில் மன்.யுனை. குழு வெற்றி கண்டுள்ளது.

அதேவேளையில் மன்.யுனை. குழுவுக்கு விளையாடி வந்த மத்திய திடல் ஆட்டக்காரரான ஹென்றிக் மிக்கிதார்யான், அர்சனல் குழுவுக்கு விளையாட ஒப்பந்தமாகியுள்ளார். மன்.யுனை. குழுவுக்கும் அர்சனலுக்கும் இடையேயான இந்தப் பேரத்தில் முக்கிய அம்சமே, மிக்கிதார்யானை கொடுத்து சான்சாஸ் வாங்குவதுதான் என்பது குறிப்பிடத்தக்கது.

சிலி நாட்டின் தேசிய ஆட்டக்காரரான சான்சாஸ் ஓர் அதிரடி கோல் வீரராவார். நான்கரை ஆண்டுகால ஒப்பந்தத்தை செய்துள்ள 29 வயதுடைய சான்சாஸ் தான் இங்கிலீஸ் பிரிமியர் கால்பந்து போட்டியில் அதிகச் சம்பளம் பெறும் வீரராக உருவெடுத்துள்ளார்.

இவருக்கு வாரம் ஒன்றுக்கு 6 லட்சத்து 95 ஆயிரம்  அமெரிக்க டாலர் சம்பளமாகும். ஏற்கனவே ஸ்பெயினின் பார்சிலோனா குழுவுக்கு விளையாடி வந்த சான்ஸாஸ், 2014ஆம் ஆண்டில் அர்சனல் குழுவில் இணைந்தார். அதன் பின்னர் அந்த ஒப்பந்தம் இவ்வாண்டோடு முடிவுக்கு வரும் நிலையில் தற்போது மன்.யுனை. குழுவில் சேர்ந்துள்ளார். 

 

மொகாலி, டிசம்.14- இலங்கைக்கு எதிரான அனைத்துலக 'ஒன் டே'  கிரிக்கெட் போட்டியில் இந்திய அணி நேற்று அபார வெற்றியை சுவைத்திருக்கிறது என்பது ஒருபுறமிருக்க, அதன் தொடக்க பேட்ஸ்மேனான ரோஹித் சர்மா இரட்டை சதம் அடித்து இலங்கையை துவாம்சம் செய்ததோடு புதிய சாதனையையும் பதிவு செய்தார். 

மூன்று அனைத்துலக 'ஒன் டே' கிரிக்கெட் போட்டிகளில் இரட்டை சதங்கள் அடித்து சாதனைப் படைத்த கிரிக்கெட் வீரர் என்ற பெருமையை தட்டிச் சென்றார் ரோஹித்.  

இந்த சாதனைக்காக அவருக்கு வாழ்த்துகள் குவிந்த வண்ணம் உள்ளன. சமூக வலைத்தளங்களில் பாராட்டு மழைகள் பொழிகின்றன.

இதற்கு முன்பு 2013-ஆம் ஆண்டில் ஆஸ்திரேலியாவுக்கு எதிராக நடந்த ஆட்டத்தில் 203 ரன்கள் குவித்த ரோஹித், அதன் பிறகு 2014ஆம் ஆண்டில் இலங்கைக்கு எதிராக 264 ரன்கள் குவித்தார்.

மூன்றாவது முறையாக நேற்று இலங்கைக்கு எதிராக நடந்த ஆட்டத்தில் இரட்டை சதங்களைக் கடந்து 208 ரன்கள் எடுத்து இறுதிவரை ரோஹித் ஆட்டமிழக்காமல் இருந்தார் என்பது குறிப்பிடக்கது.    

இரட்டை சதத்ததை எட்டும் தருணத்தில், ஓரிரு முறை இலங்கை வீரர்களால் ரன் அவுட் செய்யப்படும் அபாயத்திற்கு ரோஹித் உள்ளான போது ரசிகர்கள் திகைத்து வாயடைத்துப் போயினர். 

அதேவேளையில் அரங்கில் இருந்த ரோஹித்தின் துணைவியார் ரித்திகா சாஜ்தே, அதிர்ச்சியில் நிலைகுலைந்து போனார். எனினும் அந்த அபாயங்களில் இருந்து தப்பித்து இரட்டை சதங்களை எட்டி ரோஹித், புதிய சாதனைப் படைத்த போது ரித்திகா கண கலங்கிய காட்சி, தொலைக்காட்சி நேரடி ஒளிபரப்புக்களை ரசித்துக் கொண்டிருந்த கோடிக்கணக்கான ரசிகர்களையும் கண்கலங்கச் செய்தது.      

 

மன்செஸ்ட்டர், டிசம்.11- இங்கிலீஷ் பிரிமியர் லீக் கால்பந்துப் போட்டியில் அதிரடியாக முன்னேறியிருக்கும் மன்செஸ்ட்டர் சிட்டி குழுவைத் தடுத்து நிறுத்தும் முயற்சியில் அதன் பரம வைரியான மன்செஸ்ட்டர் யுனைடெட் குழு தோல்விகண்டு விட்டது. 

நேற்று நடந்த முக்கிய ஆட்டம் ஒன்றில் மன்.சிட்டி குழுவிடம் 2-1 என்ற கோல்கணக்கில் மன்.யுனைடெட் குழு தோலி கண்டதன் வழி முதலிடத்தில் இருக்கும் மன்.சிட்டி குழு அடுத்த இடத்தில் இருக்கும் மன்.யுனைடெட் குழுவை விட 11 புள்ளிகள் முந்தியது..

செல்சீ, லிவர்புல் மற்றும் அர்சனல் ஆகிய குழுக்கள் அடுத்தடுத்த நிலையில் உள்ளன என்பதால் பிரிமியர் லீக் சாம்பியன் பட்டத்தை வெல்லும் வாய்ப்பு மன்.சிட்டிக்கு மிகப் பிரகாசமாக இருக்கிறது என்பது குறிப்பிடத்தக்கது.

மன்.சிட்டிக்கு எதிராக முதலிடத்தை பிடிக்கும் மற்ற குழுக்களின் போராட்டம் கிட்டத்தட்ட முடிவுக்கு வந்து விட்டது. அதேவேளையில் 2ஆம் இடத்திற்கான போராட்டம், மன்.யுனைடெட், செல்சீ, லிவர்புல், அர்சனல் ஆகிய குழுக்களுக்கிடையே சூடு பிடித்திருக்கிறது.

அர்சனல் தலைதப்பியது!

அரசனல் குழுவுக்கும் சவுத்ஹாம்டன் குழுவுக்கும் இடையே நடந்த ஆட்டத்தில் கடைசி நேரத்தில் கோலடித்து ஆட்டத்தை 1-1 என்ற கோல்கணக்கில் அர்சனல் சமாக்கியது.

இந்த ஆட்டத்தில் சவுத்ஹாம்டனின் சார்லி அடாம் 3ஆவது நிமிடத்தில் ஒரு கோலைப் போட்டு தம்முடைய குழுவை முன்னிலைக்குக் கொண்டுவந்தார்.

ஆட்டத்தின் இறுதி நிமிடங்கள் வரை அரசனலின் பதில் தாக்குதல்களை சவுத்ஹாம்டன் முறியடித்த வண்ணம் இருந்தது. எனினும் அவர்களுக்கு அதிர்ஷ்டம் கைகொடுக்கவில்லை. 

ஆட்டத்தின் 88ஆவது நிமிடத்தில் அர்சனல் வீரர் ஆலிவர் ஜீரோத் ஒரு கோலை அடித்து 1-1 என்ற கோல்கணக்கில் ஆட்டத்தைச் சமமாக்கி சவுத்ஹாம்டனுக்கு ஏமாற்றதை அளித்தார்.

செல்சீ வீழ்ச்சி கண்டது!

மற்றொரு முன்னணிக் குழுவான செல்சீ 1-0 என்ற கோல்கணக்கில் வெஸ்ட்ஹாம் குழுவிடம் தோல்வி கண்டு தனது ரசிகர்களுக்கு அதிர்ச்சியைத் தந்தது.

ஆட்டத்தின் 6ஆவது நிமிடத்தில் வெஸ்ட்ஹாம் குழு வீரர் மார்க்கோ அர்னாட்டொவிக் முதலில் கோலை அடித்து செல்சீயை திகைக்க வைத்தார். அதன் பின்னர் செல்சீ கடுமையாகப் போராடியது என்றாலும் வெஸ்ட்ஹாம் குழுவின் தற்காப்பை முறியடிக்க முடியாமல் தோல்வியைத் தழுவியது.

பிரிமியல் லீக் போட்டியில் மன்.சிட்டி குழு, தான் ஆடியுள்ள 16 ஆட்டங்களில் 46 புள்ளிகளுடன் முதலிடத்தில் உள்ளது. அடுத்து 35 புள்ளிகளுடன் மன்.யுனைடெட் குழு 2ஆவது இடத்திலும் செல்சீ 32 புள்ளிகளுடன் 3ஆவது இடத்திலும் உள்ளன.

டோட்டன்ஹாம் மீண்டும் எழுச்சி

லிவர்புல் மற்றும் எவர்ட்டனுக்கும் இடையேயான ஆட்டம் 1-1 என்ற கோல்கணக்கில் சமநிலை கண்ட நிலையில், ஒரு சரிவுக்கு பிறகு டோட்டன்ஹாம் குழு 5-1 என்ற கோல்கணக்கில் ஸ்டோக் சிட்டி குழுவை வீழ்த்தி தன்னுடைய ரசிகர்களுக்கு உற்சாகத்தை அளித்துள்ளது.

இதற்கு முந்தைய வாரத்தில் டோட்டன்ஹாம் 1-1 என்ற கோல்கணக்கில் வாட்ஃபோர்டிடம் சமநிலை கண்டது என்பது குறிப்பிடத்தக்கது. 

 

 

 

 

 

 

 

More Articles ...