லஞ்ச ஊழல்: கால்பந்து வீரர்களுக்கு குறிவைத்தது எம்.ஏ.சி.சி

மலேசிய அரங்கம்
Typography

கோலாலம்பூர், ஏப்ரல் 21- கால்பந்து ஊழல் விவகாரங்களில் ஈடுபட்டதாக சந்தேகிக்கப்படும் நபர்களின் பெயர் பட்டியலை எப்.ஏ.எம் தங்களிடம் ஒப்படைத்துவிட்டதாக ஊழல் தடுப்பு ஆணையம் அறிக்கை விடுத்துள்ளது. சந்தேகிக்கப்படும் நபர்களைக் கண்காணித்து தகுந்த நடவடிக்கை எடுக்குமாறு எப்.ஏ.எம் தலைவரான ஜொகூர் இளவரசர் (டிஎம்ஜே) பணித்ததாக எம்.ஏ.சி.சி விடுத்த அறிக்கையில் குறிப்பிடப்பட்டுள்ளது. 

கால்பந்து வீரர்கள், போட்டி நடுவர்கள், எப்.ஏ.எம் அதிகாரிகள் என பலரும் அந்த பட்டியலில் இடம்பெற்றுள்ளனர். மலேசிய கால்பந்து துறையில் நிகழும் ஊழலைத் தடுக்க வேண்டும் என்ற எண்ணத்தில் டிஎம்ஜே எம்.ஏ.சி.சி ஆணையரை நேரில் சந்தித்து இந்தப் பட்டியலை ஒப்படைத்தார்.

நாட்டில் நிகழும் ஊழல் சம்பவங்களைத் தடுக்க எல்லோரும் சேர்ந்துச் செயல்பட வேண்டும் என்பதற்கு இது ஒரு நல்ல உதாரணம். ஊழலை ஒழித்து மலேசிய கால்பந்துத் துறையை டிஎம்ஜே முன்னேற்றுவார் என்ற நம்பிக்கைப் பலருக்கும் உண்டு. அவரின் இலக்கை அடைய எம்.ஏ.சி.சி கண்டிப்பாக உதவும் என்று அதன் ஆணையர் டத்தோ சுல்கிஃப்லி அகமாட் கூறினார்.

இந்தச் சந்திப்பைத் தொடர்ந்து கால்பந்து ஊழலில் ஈடுபட்ட பலர் கைது செய்யப்படுவர் என்று எதிர்ப்பார்க்கப்படுகிறது.

BLOG COMMENTS POWERED BY DISQUS