Top Stories

 

நியூயார்க், நவ.18- உலகின் எந்த மூலைக்கு வேண்டுமானாலும் துணிந்து பயணம் செய்யலாம், கூகுள் மேப் எனப்படும் வரைபட்ட வழிகாட்டியின் வசதி மட்டும் நம்முடன் இருக்குமேயானால்..!

அந்த அளவுக்கு நமக்கு அன்றாட வழ்க்கையில் 'கூகுள் மேப்' பயன்பட்டு வருகின்றது. தற்போது இந்த வசதியை வழங்கி வரும் கைத்தொலைபேசி செயலியைப் புதிய தோற்றத்திற்கு மாற்றுவதற்கு கூகுள் முடிவு செய்து விரைவில் அறிமுகப் படுத்தவிருக்கிறது.

மேலும், தற்போது இருப்பதைக் காட்டிலும் புதிதாக அறிமுகமாகும் செயலியில் 'மேப்'புகள் மிகத் தெளிவாக அமையும் என்று தெரிய வந்துள்ளது. மேலும் பயன்படுத்துவோரின் பயணங்களுடன் தொடர்புடைய பல்வேறு அம்சங்களையும் தகவல்களையும் உள்ளடக்கியதாக இந்தப் புதிய செயலி அமையும்.

அதேவேளையில் இதன் நிறங்களிலும் மாற்றம் இருக்கும். அடுத்து வரும் ஓரிரு வாரங்களுக்குள் இந்த புதிய செயலியை கூகுள் அறிமுகம் செய்யவிருக்கிறது.

 

 

 

 

 

நியூயார்க். நவ.7- இப்போது VR தொழில்நுட்பம் எனப்படும் மாயத் தோற்றத்தை தரும் தொழில்நுட்பம் மிகவும் பிரபலம் அடைந்து வருகின்றது. இதனை அடிப்படையாகக் கொண்டு கூகுள் நிறுவனம் புதிய திட்டம் ஒன்றை உருவாகி வருகின்றது.

இதில் செவ்வாய்க் கிரகத்தில் நடப்பது போன்ற உணர்வை தரக்கூடிய வசதியும் உள்ளடக்கப் படவுள்ளது. எனவே எதிர்காலத்தில் பூமியில் உள்ள ஒவ்வொருவரும் செவ்வாய்க் கிரகத்திற்கு பயணித்த அனுபவத்தினை இந்தத் தொழில்நுட்பத்தின் மூலமாக பெறமுடியும். 

'கியூரியோசிட்டி ரோவர்' விண்கலத்தின் உதவியுடன் எடுக்கப்பட்ட புகைப்படங்களைக் கொண்டு முப்பரிமாண முறையில் காட்சிகள் உள்ளடக்கப் படவுள்ளன.

 இதேவேளை, செவ்வாய்க் கிரகத்தின் முப்பரிமாண வீடியோவை வெளியிட்டுள்ள நாசா நிறுவனம், 2030-ஆம் ஆண்டளவில் VR தொழில்நுட்பத்தின் வாயிலாக அனைவருக்கும் செவ்வாய்க் கிரகத்தினை பார்த்து ரசிக்கும் வரத்தை வழங்க தீர்மானத்து இருப்பது குறிப்பிடத்தக்கது. 

 

ஜெட்டா, நவ.1- சவுதி அரேபியா தனக்குக் குடியுரிமை வழங்கி கௌரவப் படுத்தியற்காக அந்நாட்டு அரசாங்கத்திற்கு 'சோபியா' என்று அழைக்கப்படும் 'இயந்திர மனிஷி' (ரோபோ) தன்னுடைய மனமார்ந்த நன்றியை தெரிவித்துக்கொண்டது. அதே வேளையில் தேவை ஏற்பட்டால் மனிதர்களை அழிப்பேன் என்று கூறி அந்த பெண் ரோபோ அதிர்ச்சியை ஏற்படுத்தியது. 

சோபியா  என்ற இந்த ரோபோ, ஆட்ரி ஹெப்பேர்ன் என்ற நடிகையின் உடல் மாதிரியை கொண்டு உருவாக்கப்பட்ட பெண் ரோபோ ஆகும். இதை, டாக்டர். டேவிட் ஹான்சன் என்பவர் உருவாக்கினார். இவர் அச்சு அசலாக மனித உருவத்தைப் போலவே ரோபோக்களை உருவாக்குவதில் வல்லவர். 

இவரது நிறுவனமான 'ஹான்சன் ரோபோடிக்ஸ்' நிறுவனம் உருவாக்கிய ரோபோக்களில் மிகவும் மேம்பட்ட தொழில்நுட்பத்தில் உருவான ரோபோ சோபியா என்பது குறிப்பிடத்தக்கது.

ஊடகங்களை மிகவும் கவர்ந்த ரோபோவாகும். ஓர் இசை நிகழ்ச்சியில் பாடல் பாடியதோடு, புகழ்பெற்ற எல் (Elle) பத்திரிக்கையின் அட்டை பக்கத்திலும் இடம் பிடித்துள்ளது.

வணிகம் தொடர்பான தொழில்களில் சோபியா மிகுந்த ஆர்வம் கொண்டுள்ளதால் வங்கிகள், வாகன உற்பத்தி தொழிற்சாலைகள், காப்பீடு நிறுவனங்கள் முதலியவற்றின் தலைவர்களை சந்திக்கவுள்ளது.

அரேபிய பெண்களுக்கு இருக்கும் உரிமைகளை விட அதிக உரிமைகளைப் பெற்றுள்ளது சோபியா. இதற்கு ஆண் பாதுகாவலர் யாரும் இல்லை, தனித்து செயல்படக்கூடியது.பொது நிகழ்வு ஒன்றின் போது, இந்த ரோபோவை உருவாக்கிய ஹான்சன், அதனிடம், ’தேவைப்பட்டால் மனிதர்களை அழிப்பாயா?' எனக் கேட்டார். அதற்கு சோபியா ’ஆம், தேவைப்பட்டால் மனிதர்களை அழிப்பேன்’ என்று கூறி திகிலை ஏற்படுத்தியது.

 

 

கராக்பூர், அக்.31- கூகுளின் செயல்திறனை விட அதிக செயல்திறனும், வேகமும் கொண்ட புதிய தேடு பொறி (Search Engine) ஒன்று மைக்ரோசாப்ட் நிறுவனத்தால் வெளியிடப்பட இருக்கிறது. இணைய ஜாம்பவனாக இருக்கும் கூகுளை முந்தும் அளவுக்கு இந்த தேடுபொறி செயல்படும் என்று கூறப்படுகிறது. 

மேலும், இந்த தேடுபொறியினை மைக்ரோசாப்ட் நிறுவனம் இந்தியாவுடன் சேர்ந்து உருவாக்கப்போகிறது. இதற்காக காரக்பூர் ஐ.டி.யில் உள்ள ஆராய்ச்சியாளர்களுடன் சேர்ந்து ஆய்வுகளில் ஈடுபட்டு வருகிறது. இந்தத் தேடுபொறி யாரும் எண்ணிப்பார்க்க முடியாத அளவில் அதிக செயல்திறனுடன் இருக்கும் என்று கூறப்பட்டுள்ளது.

மேலும், அடுத்த வருடம் இறுதிக்குள் இந்த தேடுபொறி பயன்பாட்டுக்கு வரும் என்று கூறப்படுகிறது. இணைய உலகத்தில் தற்போது முடிசூடா மன்னனாக இருப்பது கூகுள் மட்டுமே. யூ-டியூப், மேப்ஸ், டிரைவ், மெயில் என் கூகுள் வெளியிட்ட எல்லா தயாரிப்புகளும் வெற்றிநடை போட்டு வருகின்றது. இந்த நிலையில் மைக்ரோசாப்ட் நிறுவனத்துக்கு சொந்தமான பிங் தேடுபொறிக்கு தற்போது மூடுவிழா நடத்த முடிவு செய்யப்பட்டு இருக்கிறது.

இந்த தேடு பொறி நமது பேஸ்புக், டிவிட்டர் பக்கங்களுடன் இணைந்து செயல்படும். மேலும் அங்கு மக்கள் பேசிக் கொள்ளும் விஷயங்கள், மக்கள் பயன்படுத்தும் ஹேஸ்டேக்குகள் ஆகியவற்றை கொண்டு நமது சர்ச் (Search) முடிவுகளை வெளியிடும் என்று கூறியிருக்கிறது. அதுமட்டும் இல்லாமல் நமது பேஸ்புக், டிவிட்டர் பயன்பாடுகள் மூலம் நமக்கு என்று தனியான சர் முடிவுகளை வெளியிடும் என்றும் தெரிவிக்கப்படுகிறது.

 

 

 

 

 

 பெங்களூர், அக்.24- இந்திய மக்களின் வசதிக்காக இந்திய மொழிகளை பேசும் ஆர்ட்டிபிசியல் இண்டலிஜெண்ட்ஸ் ரோபோட் (artificial intelligence robot) எனப்படும் செயற்கை நுண்ணறிவு ரோபோ பெங்களூரில் உருவாக்கப்பட்டுள்ளது.

பெங்களூரில் இருக்கும் மிகச் சிறிய தொழில் முனைவோர் நிறுவனம் இதனைக் கண்டுபிடித்துள்ளது என்பது குறிப்பிடத்தக்கது. இதன் மூலம் யார் வேண்டுமானாலும் இந்தியாவில் உள்ள அனைவரிடமும் எளிதாக பேசமுடியும் எனக் கூறப்பட்டது. நாம் பேசும் மொழியை புரிந்து கொண்டு இது மற்றவருக்கு மொழிபெயர்க்கும். 

பெங்களூரில் சில வருடங்களுக்கு முன்பு தொடங்கப்பட்ட 'லிவ். ஏ.ஐ' என்ற நிறுவனம் இந்த ரோபோவை உருவக்கி உள்ளது.. இது 11 மொழிகளை பேசும் எனவும் அந்த நிறுவனம் குறிப்பிட்டுள்ளது.

சுயமாக எந்திரமே சிந்திக்கும் திறனைத் தரும் இந்த செயற்கை நுண்ணறிவு தொழில்நுட்பத்தை வைத்து நிறைய வித்திசமான செயல்களை செய்ய முடியும். 

ஆப்பிள் போனில் இருக்கும் 'சிறி' மென்பொருள், விண்டோசில் இருக்கும் 'கார்டோனா' மென்பொருள் ஆகியவை செயற்கை நுண்ணறிவு தொழில்நுட்பம் மூலம் உருவாக்கப்பட்டதுதான். 

இந்தத் தொழில்நுட்பத்தை உலகில் பெரும்பாலான நாடுகள் சோதித்து வருகின்றது. இதில் நிறைய ஆய்வுகள் நடத்தி புதிய புதிய கண்டுபிடிப்புகளை இதை கொண்டு நிகழ்த்தி வருகின்றது. 

உலகின் பல நாடுகளிலும் இந்த தொழில்நுட்பம் வளர்ந்து இருந்தாலும் இந்தியாவில் மட்டும் அதிக அளவில் இதில் யாரும் ஆராய்ச்சி நிகழ்த்தவில்லை. இந்நிலையில் இந்த தொழிநுட்பத்தில் ஆராய்ச்சி நடத்துவதற்காக 'லிவ். ஏ.ஐ' என்ற நிறுவனம் பெங்களூரில் தொடங்கப்பட்டது.

இந்நிலையில் இந்த நிறுவனம் செயற்கை நுண்ணறிவு தொழில்நுட்பத்தில் தீவிரமாக ஆராய்ச்சி நடத்தி வந்தது. உலகில் உள்ள பெரிய நிறுவனங்கள் இதை எப்படி பயன்படுத்துகிறது என்ற ஆராய்ச்சி நடத்தியது.

தற்போது இந்தியாவில் இருக்கும் மொழிப்பிரச்சனையை தீர்ப்பதற்காக இந்த நிறுவனம் இந்தத் தொழில்நுட்பத்தைப் பயன்படுத்தி இருக்கிறது. அதன்படி இந்தியாவின் 11 முக்கிய மொழிகளைப் பேசும் வகையில்  ரோபோ ஒன்றை வடிவமைத்துள்ளது. 

இந்த தொழில்நுட்பம் கூகுளை விட மிகவும் எளிமையானது என கூறப்பட்டுள்ளது. அதன்படி நாம் பேசும் மொழியை அதுவே கண்டுபிடித்து நாம் விரும்பிய மொழியில் மாற்றி கொடுக்கும். மிகவும் துல்லியமான முறையில் இந்த தொழிநுட்பம் செயல்படும் என்று கூறப்பட்டுள்ளது. 

 

 

 

 

 

கோலாலம்பூர், அக்.14- ஆப்பிள் ஐபோனின் புதிய வெளியிடான ஐபோன் 8 மற்றும் 8 பிளஸ் அதிக விலை என்று நினைக்கும் ஐபோன் பிரியர்களுக்கு ஒரு நற்செய்தி. ஐபோன் 8 மற்றும் 8 பிளஸ் வெறும் 3,649 ரிங்கிட்டுக்கு விற்கப்படுகிறது. 

ஆப்பிள் நிறுவனத்தின் ஐபோன் அறிமுகம் செய்யப்பட்ட 10-ஆவது ஆண்டு நிறைவையொட்டி, ஐபோன் எக்ஸ் அதிகம் எதிர்பார்ப்பை ஏற்படுத்தி இருந்தது.

மலேசியா ஆப்பிள் நிறுவனம் அதன் அகப்பக்கத்தில் ஐபோன் எக்ஸ் விலையை வெளியிட்டுள்ளது. 64 ஜிபி கொண்ட ஐபோன் எக்ஸ் 5,149 ரிங்கிட்டுக்கும் 256 ஜிபி கொண்ட ஐபோன் எக்ஸ் 5,899 ரிங்கிட்டுக்கும் விற்கப்படுகிறது.

ஐபோன் எக்ஸ் தொலைப்பேசியைத் திறக்க முக அடையாளத் தொழில்நுட்பத்தை  பயன்படுத்த வேண்டும். வயர்லெஸ் சார்ஜிங் முறையையும் இதில் கொண்டு வந்துள்ளனர். வயர் இல்லாமல் இந்தப் போன்களை சார்ஜ் செய்யலாம். 

வாஷிங்டன், நவ.2- அமெரிக்காவின் ‘நாசா’ மையம் ‘கெப்லர்’ டெலஸ்கோப் மூலம் விண்வெளியில் ஆய்வு மேற்கொண்டு வருகிறது. சக்தி வாய்ந்த அதி நவீன டெலஸ்கோப் மூலம் கோடிக்கணக்கான நட்சத்திரங்கள் மற்றும் பல புதிய கிரகங்களை கண்டு பிடித்து வருகின்றனர்.

இந்த நிலையில் உயிரினங்கள் வாழத்தகுதியுள்ள 20 புதிய கிரகங்களை ‘நாசா’ விஞ்ஞானிகள் கண்டுபிடித்துள்ளனர். அவற்றில் அயல் கிரகவாசிகள் வாழ்ந்து கொண்டிருக்கலாம் என்றும் சந்தேகிக்கின்றனர்.

புதியதாக கண்டுபிடிக்கப்பட்டுள்ளவைகளில் வாழத்தகுதியுள்ள கிரகங்களில் கே.ஓ.ஐ.-7923.01 என்பவையும் ஒன்று. இது பூமியை போன்று 97 விழுக்காடு பரப்பளவு கொண்டது. நாம் வாழும் பூமியை விட குளிர் சிறிது அதிகமாக உள்ளது. அதில் உள்ள நட்சத்தரங்கள் சூரியனை விட சிறிது குளிர்ச்சியானவை.

பூமியை போன்று இதமான வெப்பமும், குளிர்ச்சியான தண்ணீரும் அங்கு உள்ளது. மேலும் அக்கிரகத்தில் 70 முதல் 80 விழுக்காடு திட படிவங்கள் உள்ளன.

புதிய கிரகங்கள் பலவற்றில் சூரியனை போன்று நட்சத்திர சுற்று வட்ட பாதைகள் உள்ளன. பல கிரகங்கள் நட்சத்திரங்களை சுற்றி வர 395 நாட்கள் ஆகின்றன. சில கிரகங்கள் 18 நாட்களிலேயே சுற்றி முடிக்கின்றன.

மனிதன் எங்கிருந்து தோன்றினான் என்று யாராவது கேட்டால், புத்திசாலி எங்கே என்று யோசிப்பான், அதிபுத்திசாலியோ சட்டென்று அம்மாவின் வயிற்றில் என்பான். நமக்கு தெரிந்த விசயத்தை தானே நாம் கூறுவோம்.

'குரங்கிலிருந்து பிறந்தவன் மனிதன்' என்று சொல்லியே பழக்கப்பட்ட நாம், உண்மையில் எங்கு தான் மனித இனம் தோன்றியது என்பதைப் பார்ப்போம். மனித இனம் முதலில் தோன்றியது ஆப்ரிக்காவில் அல்ல, ஐரோப்பாவில் தான் என்று ஜெர்மன் ஆராய்ச்சியாளர்கள் கண்டுபிடித்துள்ளனர்.

மனிதனின் மூதாதையர்களான ஏப்ஸ் வகை குரங்குகள் 70 லட்சம் ஆண்டுகளுக்கு முன் மத்திய ஆப்பிரிக்காவில் தோன்றியதாக ஆராய்ச்சியாளர்கள் நம்பி வருகின்றனர். இந்த நிலையில் மனித இனம் முதலில் தோன்றியது ஐரோப்பாவில்தான் என ஜெர்மன் ஆராய்ச்சியாளர்கள் கண்டறிந்துள்ளனர். 

ஜெர்மனியைச் சேர்ந்த டுபிங்கன் பல்கலைக்கழக விஞ்ஞானி மாடேலைன் போமே தலைமையிலான ஆராய்ச்சியாளர்கள் மற்றும் பல்கேரியன் அறிவியல் அகாடமியை சேர்ந்த நிகோலாய் ஸ்பேஷவ் ஆகியோர் அடங்கிய குழுவினர் இந்த ஆய்வை மேற்கொண்டனர். 

இவர்கள் ஐரோப்பா கண்டத்தில் உள்ள கிரீஸ் நாட்டில் கிடைத்த மனிதனின் மூதாதையர்களான ஹோமினிட்களின் கீழ்தாடை, பல்கேரியாவில் கிடைத்த அந்த இனத்தின் கடைவாய்ப்பல் படிமங்கள் ஆகியவற்றை ஆராய்ச்சி செய்ததில் இந்த முடிவு கிடைத்துள்ளது. இதன்படி மனித இனம் தோன்றியது ஐரோப்பா கண்டத்தில் தான் என்று அவர்கள் கூறுகின்றனர்.

இவர்கள் ஆப்பிரிக்காவை சேர்ந்த மனித மூதாதையர்களை விட 50 லட்சம் ஆண்டுகளுக்கு முன்பே வாழ்ந்துள்ளதும் தெரியவந்துள்ளது. ஆராய்ச்சி தொடர்பாக அந்த குழுவின் தலைவர் போமே கூறுகையில், `‘இந்த படிமங்கள் 70 லட்சம் ஆண்டுக்கு முந்தையது. சிம்பன்சியும் மனிதனும் என 2 ஆக பிரிந்தது கிழக்கு மத்திய தரைக்கடல் பகுதியில் தான். ஆப்ரிக்காவில் அல்ல’’ என்றார்.

ஹவாய், ஏப்ரல்.2- விண்கல் ஒன்று பூமியை வந்து கொண்டிருக்கிறது. இதனால் பூமிக்கு ஆபத்து ஏற்படும் வாய்ப்பும் உண்டு என்று அமெரிக்கா விண்வெளி ஆய்வுக் கழகமான நாசா எச்சரித்து இருக்கிறது.

அமெரிக்காவின் ஹவாய் தீவில் அமைந்துள்ள ஹலீயகாலா எரிமலை பகுதியில் யான்-ஸ்பார்ஸ்-1 என்று சக்தி வாய்ந்த டெலிஸ்கோப் நிறுவப்பட்டிருக்கிறது. இந்த டெலிஸ்கோப் கடந்த மாதம் 25 ஆம் தேதியன்று பதிவு செய்த ஓர் ஆபூர்வப் புகைப்படம் நாசா விஞ்ஞானிகளை அதிர்ச்சிக்கு உள்ளாக்கியது.

அதில் பூமியை நோக்கி ஒரு விண்கல் பூமியை நோக்கி வருவதாக அந்தப்படத்தின் வழி கண்ட விஞ்ஞானிகள், அது குறித்து ஆய்வு நடத்தி உறுதிப்படுத்தினர். 

அது தற்போது பூமிக்கு அருகே 20 லட்சத்து 2 ஆயிரம் மைல் தொலைவை எட்டியிருப்பதாக விஞ்ஞானிகள் எச்சரித்துள்ளனர்.

அது மட்டுமின்றி அந்த விண்கல்லினால் பூமிக்கோ அல்லது சந்திரனுக்கோ எவ்வித அச்சுறுத்தலும் இல்லை என உறுதிப்பட தெரிவிக்க முடியவில்லை. பூமியை தாக்கும் அபாயமும் உள்ளதாக நாசா விஞ்ஞானிகள் கருதுகின்றனர். மேலும் அந்த விண்கல் பூமியை நெருங்கும் போது டெலிஸ்கோப் இன்றியும் பார்க்கமுடியும் எனவும் விஞ்ஞானிகள் தெரிவித்துள்ளனர்.

வாஷிங்டன், பிப்.23- சுமார் 40 ஒளி ஆண்டுகளுக்கு அப்பால், ஒரு சிறிய நட்சத்திரத்தைச் சுற்றி வலம் வந்து கொண்டிருக்கும் 7 கிரகங்களில் குறைந்தபட்சம் மூன்று கிரகங்களில் உயிரினங்களுக்கான வாய்ப்பு இருப்பதாக அமெரிக்காவின் நாசா விண் ஆய்வுக்கழகம் பரபரப்பான தகவலை அறிவித்திருக்கிறது.

இந்தக் கிரகங்கள் அளவில் பூமியை ஒத்ததாக உள்ளன. மேலும், இவை உயிரினப் பரிணாமங்களுக்கு உகந்த பாறைப் படிவ திடநிலை கிரகங்களாக அமைந்திருக்கின்றன என்று நாசா விஞ்ஞானிகள்  தெரிவித்தனர்.

மனிதர்கள் வாழ்வதற்கு உகந்ததாக இந்தக் கிரகரங்கள் இருக்கக்கூடும் என்ற அபிப்ராயம் பரவியதால் இது சமூக வலைதளங்களில் இது பெரும் பரபரப்பை ஏற்படுத்தி இருக்கிறது. 

விண் தொலை நோக்காடியான 'ஸ்பிட்சர்' தொலைநோக்காடி இந்த நட்சத்திரம் சார்ந்த குடும்பத்தை கண்டுபிடித்தது. மேலும் பூமியிலுள்ள இதர தொலை நோக்காடிகளின் வழி இது மறு உறுதிப்படுத்தப்பட்டது என்று நாசா விஞ்ஞானி நிக்கோல் லெவிஸ் நேற்று மிகப்பெரிய செய்தியாளர்கள் கூட்டம் ஒன்றில் அறிவித்தார்.

பூமியைப் போன்ற சூழலைக் கொண்ட அதாவது, உயிரினங்கள் இருப்பதற்கான அல்லது தோன்றுவதற்கான வாய்ப்பினைக் கொண்ட கிரகங்கள் சிலவற்றை கடந்த காலங்களில் நாசா கண்டுபிடித்து அறிவித்துள்ளது என்றாலும் இந்தப் புதிய கண்டு பிடிப்பு முற்றிலும் மாறுபட்ட ஒன்று என விஞ்ஞானிகள் கருதுகின்றனர்.

வேற்றுக் கிரகங்களில் உயிரினங்களைத் தேடும் முயற்சிகளுக்கு இந்தக் கண்டுபிடிப்பு புதிய உந்துதலை ஏற்படுத்தி இருப்பதாக அறிவியல் உலகம் கருதுகிறது.

ஒட்டுமொத்தமாக, இந்த நட்சத்திரக் குடும்பத்திற்கு 'டிராப்பிஸ்ட்-1' எனப் பெயரிடப்பட்டுள்ளது. இந்த நட்சத்திரத்தைச் சுற்றியுள்ள 7 கிரகங்களும் பூமியை ஒத்தவை என்றாலும் அதில் மூன்று மிக மிகப் பொருத்தமானவை எனக் கருதப்படுகின்றன.

ஏனெனில், இந்த மூன்று கிரகங்கள், கடல்களைத் தக்க வைத்துக்கொள்ளக் கூடியவையாக தோன்றுகிறது. இதன் பாறைப் படிவங்களும் நீர் ஆதாரங்களைத் தக்கவைக்கும் திறனும் மனிதர்கள் வசிப்பதற்கான சூழலை உருவாக்குவதற்கு உதவக்கூடியவை என்று நாசா அறிவியல் பணித் துறையின் நிர்வாகி தோமஸ் ஷுர்பக்சென் தெரிவித்துள்ளார்.

எனவே, பூமிக்கு அப்பால் இன்னொரு பூமியை நாம் வெகு விரைவில் கண்டுபிடித்து விடுவோம். அது, இந்த மூன்று கிரகங்களில் ஒன்றாகக் கூட இருக்கலாம் என அவர்  தெரிவித்திருக்கிறார்.

இந்த டிராப்பிஸ்ட்-1 கிரகக் கூட்டமைப்பு நமது சூரிய குடும்பத்தின் இயல்பைக் கொண்டுள்ளது. நமது சூரியன் கிட்டத்தட்ட 460 கோடி ஆண்டு வயதைக் கொண்டது என்றால் புதிதாக கண்டிபிடிக்கப்பட்டுள்ள கிரகங்களைக் கொண்ட அந்த நட்சத்திரம் 500 கோடி ஆண்டு வயதைக் கொண்டது. 

இந்த நட்சத்திரதிற்கு மிக அருகில் இந்த 7 கிரகங்களும் சுற்றி வருகின்றன. அதேவேளையில், இந்த நட்சத்திரம் நமது சூரியனை விட அளவில் சிறியது என்பதால் கிரகங்கள் மீதான வெப்பத் தாக்கம் பூஜ்ஜியம் செல்சியஸில் இருந்து 100 செல்சியஸிற்குள் தான் இருக்கிறது.

அடுத்து விரைவில் விண்வெளியில் செயல்படவிருக்கும்  மிகப்பெரிய இரண்டு விண் நோக்காடிகள் முழுமையாக செயல்படும் போது குறிப்பிட்ட அந்த மூன்று கிரகங்களின் உட்புறங்களையும் நாம் ஊடுருவிப் பார்க்க முடியும். உயிர்க்கூறுகளின் தடயங்கள், ஆக்ஸிஜன், மற்றும் அதன் தெளிவான புறச்சூழல்களை நாம் கண்டுகொள்ள முடியும் என்று நாசா கூறுகிறது.

 

 

 

 

 

 

 வாஷிங்டன், பிப்.21- நாம் வாழும் சூரியக் குடும்பத்திற்கு வெளியே உள்ள பூமியைப் போன்ற அமைப்பைக் கொண்ட கோள்கள் பற்றிய மிக முக்கியத் தகவல் ஒன்றை அமெரிக்காவின் விண்வெளி ஆய்வுக் கழகமான 'நாசா' நாளை அறிவிக்கக்கூடும் என்ற பெரும் பரபரப்பு உருவாகி இருக்கிறது.

மிக முக்கியத்துவம் வாய்ந்த செய்தியாளர்கள் கூட்டம் ஒன்றை அது நடத்தவிருப்பதாக தகவல் வெளியாகி இருக்கிறது. இந்தக் கூட்டம் நாளைக் காலையில் நடைபெறும் என்று அறிவிக்கப்பட்டுள்ளது.

சூரியக் குடும்பத்துக்கு அப்பாலுள்ள கோள்களைப் பற்றிய புதிய கண்டுபிடிப்புத் தகவல்களை நாசா விண்வெளி ஆய்வு மையம்  இந்தச் செய்தியாளர்கள் சந்திப்பில் வெளியிடக்கூடும் என்ற யூகம் நிலவுகிறது.

மேலும், வேற்றுக் கிரக உயிரினம் தொடர்பான தகவலாகவும் அது இருக்கக்கூடும் என வேற்றுக்கிரகவாசிகள் மீதான ஆர்வலர்கள் தெரிவித்திருப்பதால் புதிய பரபரப்பு ஏற்பட்டிருக்கிறது. 

இந்தச் சந்திப்பின் போது நாசா அறிவிக்கவிருக்கும் புதிய கண்டுபிடிப்புகள் பற்றி 'தி ஜர்னல் நேட்சர்' தளத்திலும் வெளியாகவிருக்கிறது.

இந்நிலையில், நாசா தரப்போகும் தகவல் என்னவாக இருக்கும் என்ற எதிர்பார்ப்பும் பரபரப்பும் அனைத்துலக அளவிலான விண்வெளி ஆய்வாளர்களிடையே அதிகரித்திருக்கிறது.

முன்கூட்டியே அனுமதிபெற்ற ஊடகங்களுக்கு மட்டுமே செய்தியாளர்கள் கூட்டத்தில் கலந்து கொள்ள அனுமதி அளிக்கப்படும்., இந்தச் சந்திப்பு நாசா தொலைக்காட்சியில் நேரடியாக ஒளிபரப்பு செய்யப்படவிருக்கிறது. இந்தச் செய்தியாளர்கள் சந்திப்பை http://www.nasa.gov/nasatv என்ற இணைய முகவரியில் காணலாம். 

 

 

 வெலிங்டன், பிப்.14- நியூசிலாந்தின் தென் தீவின் கடலோரப் பகுதியில் வரலாறு காணாத அளவுக்கு கூட்டம் கூட்டமாகக் கரை ஒதுங்கி உயிர்நீத்த திமிங்கலங்கள் வெடித்துச் சிதறும் அபாயத்தில் உள்ளன.

கிட்டத்தட்ட 400க்கும் அதிகமான திமிங்கலங்கள் கரைகளில் ஒதுங்கி மீண்டும் கடல் சேர முடியாமல் உயிர் நீத்துள்ளன. இந்த அளவுக்கு திமிங்கலங்கள் கரை ஒதுங்கி உயிர்நீப்பது இதுவரை நடந்திராத ஒன்று எனச் சுற்றுச் சூழல் நிபுணர்கள் தெரிவித்தனர்.

இறந்து கிடக்கும் திமிங்கலங்கள் தொடர்ந்து வீக்கமடைந்து வருகின்றன. ஒரு குறிப்பிட்ட சில நாள்களுக்குப் பின்னர் அவை வெடித்துவிடும். அவை மிகப்பெரிய சப்தத்துடன் வெடிக்கக் கூடியவை என்பதால் சுற்றுச் சூழல் மிகுந்த மாசுபடும் என்பது குறிப்பிடத்தக்கது.

இந்தச் சங்கடத்திலிருந்து தப்புவதற்காக நிபுணர்கள், இறந்து கிடக்கும் திமிங்கலங்களின் உடல்களில் பல இடங்களில் துவராங்களை உருவாக்கி வருகின்றனர். இதன் மூலம் அவை வெடிப்பதைப் தவிர்க்க முடியும் என அவர்கள் கூறுகிறார்கள்.

மடிந்து விட்ட திமிங்கலங்களின் உடலுக்குள் ஒருவகை வாயு உருவாகி, அவை பெருக்கமடையும் போது அவை வெடித்துச் சிதறி விடும். இத்தகைய துவாரங்களின் வழி அந்த வாயு வெளிறே வழிவகுத்து விட்டால் அவை வெடிக்காது என்று நியூசிலாந்து நிபுணர் திரிஷ் கிரேண்ட் கூறினார்.

எனினும், இப்பிரச்சனை மேலும் பூதகரமாக உருவெடுக்கும்  அபாயம் இருப்பதாக அவர் சொன்னார். இப்பகுதியின் கடலோரத்தில் இருந்து சற்று தொலைவான இடங்களில் இன்னும் நிறைய திமிலங்கலங்கள் சுற்றித் திரிந்து கொண்டிருக்கின்றன. 

இவை திசைதப்பி கடலோரப் பகுதிகளில் ஒதுங்குமேயானால் மேலும் பல மடிய நேரும். கரைக்கு வந்த திமிங்கலங்களை மீண்டும் கடலுக்குள் கொண்டு போய்விடும் தங்களின் முயற்சிகளுக்கு எதிர்பார்த்த மாதிரி பலன்கள் கிடைப்பதில்லை. அவை கடலுக்கு திரும்ப மறுத்து கரையிலேயே மடிகிற பரிதாபநிலை தொடர வாய்ப்புள்ளது என்று திரிஷ் கிரேண்ட் கூறினார்.

 

 
 
Advertisement