கோலாலம்பூர், ஜுலை.25– மலேசியாவின் புகழ்பெற்ற பாடகர் 'சீர்காழி புகழ்' ராஜராஜ சோழன் இன்று பிற்பகலில் காலமானார். நாடு தழுவிய அளவில் நூற்றுக்கணக்கான மேடைகளில் பாடியுள்ள மூத்த கலைஞரான ராஜராஜ சோழனின் மறைவுச் செய்தி. மலேசியக் கலையுலகை கலங்கச் செய்துள்ளது.

இன்று பிற்பகல் 2.15 மணியளவில் மாரடைப்பு காரணமாக அவர் காலமானார். பிரபல தமிழகப் பாடகர் இறவா புகழ்மிக்க சீர்காழி கோவிந்தராஜனின் குரலில் அச்சு அசலாக கடந்த 30 ஆண்டுகளுக்கு மேலாக மேடைகள்தோறும் பாடி வந்த ராஜராஜ சோழன் 'மலேசியாவின் சீர்காழி' எனப் பெரிதும் போற்றப்பட்டவர் ஆவார். 

முறையாக சங்கீதம் கற்றுத் தேர்ந்த அவர், மலேசியாவில் மட்டுமின்றி ஐரோப்பிய நாடுகளிலும் சீர்காழி குரலில் எண்ணற்ற பாடல்களைப் பாடி தமிழ் ரசிகர்களை உலகளாவிய நிலையில் கவர்ந்தவர் என்பது குறிப்பிடத்தக்கது.

அவரது மறைவுச் செய்தி கேட்டு மலேசியாவின் கலையுலகத்தைச் சார்ந்தவர்கள் மட்டுமின்றி, பல்வேறு துறைகளைச் சார்ந்தவர்களும் துயர் அடைந்தனர். ராஜராஜ சோழன் என்ற கம்பீரமான பெயருக்கு ஏற்பவே கம்பீரமான தோற்றம் கொண்டவர் அவர்.

பண்பட்ட ஒரு பண்ணிசைக் கலைஞனை மலேசியா மண் பறிகொடுத்து விட்டது கேட்டு சமூக ஊடகங்களில் அரசியல் பிரமுகர்களும் கலைஞர்களும் சமூக இயக்கத்தினரும் பல்வேறு ஆலயங்களின் பொறுப்பாளர்களும் தங்ககளின் இரங்கல்களைத் தெரிவித்த வண்ணம் உள்ளனர். அவரது ரசிகர்கள் சிலர் ஆழ்ந்த துயரில் அழுத வண்ணம் தங்களின் குரல் பதிவை சமூக ஊடங்களில் பதிவு செய்திருந்தனர். 

மாரடைப்பினால் மரணமடைந்த அவரது நல்லுடல்  இன்றிரவு 9 மணியளவில் அவருடைய இல்லத்திற்குக் கொண்டுவரப்பட்டது. பாடகர் ராஜராஜ சோழனின் நல்லடக்கம் நாளை புதன் கிழமை  பிற்பகலில் நடைபெறும் என்று அவருக்கு வேண்டிய குடும்ப வட்டாரங்கள் கூறின. எண்: 20, ஜாலான் கிரிஸோபெரில் 7/20, செக்ஸன் -7, ஷாஆலம், சிலாங்கூர் என்ற இல்ல முகவரியில் அவரது இறுதிச் சடங்குகள் நடைபெறும்.

 கோலாலம்பூர், ஜூலை.25- கடந்த 6 ஆண்டுகளில் 690க்கும் மேற்பட்ட  குழந்தைகள் கைவிடப்பட்டுள்ளன என்று மகளிர், குடும்ப மற்றும் சமூக மேம்பாட்டு அமைச்சு தெரிவித்துள்ளது.

2010ஆம் ஆண்டில் 91 குழந்தைகளும், 2011ஆம் ஆண்டில் 98 குழந்தைகளும், 2012ஆம் ஆண்டில் 89 குழந்தைகளும், 2013ஆம் ஆண்டில் 90 குழந்தைகளும், 2014ஆம் ஆண்டில் 103 குழந்தைகளும், 2015ஆம் ஆண்டில் 111 குழந்தைகளும் மற்றும் 2016ஆம் ஆண்டில் 115 குழந்தைகளும் கைவிடப்பட்டிருப்பதாக அமைச்சர் டத்தோஶ்ரீ ரொஹானி அப்துல் கரிம் தெரிவித்தார்.

சிலாங்கூர், சபா, ஜொகூர், கோலாலம்பூர் மற்றும் சரவாக் ஆகிய ஐந்து மாநிலங்கள்தான் அதிகமாக சிசுக்கள் கைவிடப்படும் மாநிலங்களாக அடையாளம் காணப்பட்டுள்ளன.

ஆகவே, இது போன்ற சம்பவங்களைத் தடுக்க ஆதரவற்றோர் நலக் காப்பு (OrphanCare) குழுவுடன் இணைந்து குழந்தைகளுக்கான பாதுகாப்பு சேவையைத் தொடங்க வேண்டும் என்று அமைச்சு கூறியது.

தற்பொழுது 8 மருத்துவமனைகளும் ஓர் அரசு சாரா அமைப்பும் குழந்தைகள் பராமரிப்பு சேவைகளை வழங்கி வருகின்றன.

இந்தச் சம்பவங்கள் பெரும்பாலும் பிறப்புச் சான்றிதழ் இல்லாத குழந்தைகள், பதிவு செய்யப்படாமல் திருமணம் செய்யும் பெற்றோர்களுக்குப் பிறக்கும் குழந்தைகள், சட்டவிரோதமாகப் பாலியல் உறவுகளின் காரணமாக பிறக்கும் குழந்தைகள்காகியவற்றைக் கொண்டுள்ளன.

'பிறப்பு மற்றும் இறப்பு பதிவுச் சட்டத்தின் 7ஆவது பிரிவு படி  மலேசியாவில் பிறந்த ஒவ்வொரு குழந்தைக்கும் பிறப்பு சான்றிதழ் பதிவு செய்யப்பட வேண்டும்' என அமைச்சர் டத்தோஶ்ரீ ரொஹானி அப்துல் கரிம் கூறினார். மேலும், தத்தெடுக்கப்படும் குழந்தைகளுக்கும் அவர்களுடைய பெற்றோர்கள் முழுமையான பிறப்புச் சான்றிதழைப் பெற வேண்டும் என அவர் சுட்டிக்காட்டினார். 

 புத்ராஜெயா, ஜூலை.25- முக்கிய உயர் அதிகாரிகளான டத்தோ யூசோப் அயோப் மற்றும் டத்தோ வி.வள்ளுவன் ஆகிய இருவரின் வேலையிட மாற்றத்தினால் சாலைப் போக்குவரத்து இலாகாவான ஆர்.டி.டி.யில் எந்தவொரு மறுசீரமைப்பும் இருக்காது எனப் போக்குவரத்து துறை துணை அமைச்சர் டத்தோஶ்ரீ அப்துல் அசிஸ் கப்ராவி திட்டவட்டமாக கூறினார். 

காலியாக உள்ள அவர்களுடைய பதவிகள் பொதுச் சேவை துறையினரின் விதிமுறைகளுக்கு ஏற்ப நிரப்பப்படும் என அவர் மேலும் தெரிவித்தார்.

மேலும் சாலைப் போக்குவரத்து சிறப்பு அமலாக்க அதிகாரிகள் மூவர் தடுப்பு காவல் விசாரணையில் இருப்பதால், அவர்கள் தற்காலிகமாக பணிநீக்கம் செய்யப்பட்டுள்ளனர். அவர்களின் மீது உள்ள விசாரணை முடியும் வரையில் பணிநீக்கம் தொடரும் என்று அசிஸ் கூறினார்.

இதனிடையே, ஆபத்து அவசர பாதையில் பயணித்த குற்றத்திற்காக நீதிமன்ற விசாரணையை எதிர்நோக்கியுள்ள சாலை போக்குவரத்து துணைத் தலைமை இயக்குனர் டத்தோ யூசோப் அயோப், பொதுச் சேவைத் துறைக்கு மாற்றப்பட்டுள்ளார்.

மேலும், சாலை போக்குவரத்து தலைமை இயக்குனரின் அலுவலகத்தில் அத்துமீறி நுழைந்த சிறப்பு அமலாக்க பிரிவு பணியாளர்களின் செயல் காரணமாக அமலாக்கப் பிரிவின் தலைவரான டத்தோ வி.வள்ளுவன் வேலு பொது சேவைத் துறைக்கு மாற்றப்பட்டுள்ளார்.

 சிம்பாங் அம்பாட், ஜூலை.25- இன்று காலை வடக்கு-தெற்கு நெடுஞ்சாலையில்ணாதிகாலையில் இரண்டு லோரிகள் ஒன்றோடு ஒன்று மோதி  விபத்துக்குள்ளாகி தீப்பிடித்த சம்பவத்தில் இருவர் கொல்லப்பட்டனர்.

நள்ளிரவு 1.10 மணியளவில் வடக்கு-தெற்கு நெடுஞ்சாலையில் 156.4 கிலோ மீட்டரிலிருந்து வந்து கொண்டிருந்த டிரைலர் லோரியின் பின்பகுதியில் மற்றொரு சிறிய லோரி மோதியது.

இந்த விபத்தில் சிறிய லோரியின் ஓட்டுனரான  61 வயதுடைய தியோ பெங் கூன் என்பவரும் 58 வயதுடைய லோவ் குவான் தாய் என்ற அவரது மனைவியும் லோரியின் இருக்கையில் சிக்கி மாண்டனர். டிரெய்லர் லோரி ஓட்டுனர் காயமின்றி உயிர் தப்பினார்.

பெங் கூன் தூக்கக் குறைவு காரணமாக லோரியை ஒட்டியதால் முன்னே சென்றுக் கொண்டிருந்த டிரைலர் லோரியின் பின்பகுதியில் மோதி விபத்துக்குள்ளாக்கி இருக்கலாம் என செப்பாராங் பிரை செலாத்தான் போலீஸ் தலைமை ஆணையர் சஃபி சமாட் கூறினார்.

அந்தத் தம்பதியினரின் உடல் பிரேத பரிசோதனைக்காக சுங்கை பாக்காப் மருத்துவமனைக்கு கொண்டு செல்லப்பட்டது. மேலும், கவனக்குறைவின் காரணமாக உயிரிழப்பு ஏற்பட்டதால், சாலைப் போக்குவரத்து சட்டத்தின் 41(1னாவது பிரிவின் கீழ் இச்சம்பவம் விசாரிக்கப்பட்டு வருகிறது.

கோலாலம்பூர், ஜூலை.25-  கடந்த சில மாதங்களுக்கு முன்பு கிறிஸ்துவ சமய போதகரான ரேய்மண்ட் கோ கடத்தப்பட்ட சம்பவத்தில் தென் தாய்லாந்தைச் சேர்ந்த மனிதக் கடத்தல் கும்பல் சம்பந்தப் பட்டிருக்கலாம் என்று தான் சந்தேகிக்கப் படுவதாக மலேசிய போலீஸ் படைத்தலைவர் டான்ஶ்ரீ காலிட் அபு பக்கார் இன்று கூறினார்.

அண்மையில் கைது செய்யப்பட்ட மூன்று மனிதக் கடத்தல் சந்தேகப் பேர்வழிகளிடம் நடத்தப்பட்ட விசாரணையில் இருந்து இத்தகைய கும்பலால் ரேய்மண்ட் கோ கடத்தப்பட்டிருக்கலாம் எனத் தெரிகிறது என்றார் அவர். 

இதனிடையே, தாய்லாந்தில் உள்ள அதிகாரிகளின் உதவியோடு வைது குறித்து மேலும் விரிவாக விசாரணை செய்யப்படுவதாக டான்ஶ்ரீ காலிட்  சொன்னார்.

கடந்த ஜூன் 17ஆம் தேதி கெடா, கம்போங் வாங் டாலாமில் உள்ள ஒரு வீட்டில் கடத்தல் சம்பவம் தொடர்பாக நடத்தப்பட்ட அதிரடி வேட்டையில்  ரேய்மண்ட் கோவின் வீடு மற்றும் அவரின் வாகனங்களின் படங்களும் அங்கே கைப்பற்றப்பட்டன.

இந்தப் படங்கள் யாவும் கோவின் கடத்தல் வழக்கில் புதிய தடயங்கள் என காலிட் குறிப்பிட்டார். கடந்த பிப்ரவரி மாதம் 13ஆம் தேதி பெட்டாலிங் ஜெயாவில் முகமூடி அணிந்த நபர்களால் கடத்தப்பட்ட கோ இன்று வரையிலும் என்ன ஆனார் என்பது மர்மமாகவே உள்ளது.

கோலாலம்பூர், ஜுலை.25– மலேசியாவின் புகழ்பெற்ற பாடகர் 'சீர்காழி புகழ்' ராஜராஜ சோழன் இன்று காலமானார். நாடு தழுவிய அளவில் நூற்றுக்கணக்கான மேடைகளில் பாடியுள்ள மூத்த கலைஞரான ராஜராஜ சோழனின் மறைவுச் செய்தி மலேசியக் கலையுலகை அதிர்ச்சிக்கு உள்ளாக்கி இருக்கிறது. 

இன்று பிற்பகல் 2.15 மணியளவில் மாரடைப்பு காரணமாக அவர் காலமானார். காலஞ் சென்ற பிரபல தமிழகப் பாடகர் சீர்காழி கோவிந்தராஜனின் குரலில் அச்சு அசலாக கடந்த 30 ஆண்டுகளுக்கு மேலாக மேடைகள்தோறும் பாடி வந்த ராஜராஜ சோழன் 'மலேசியாவின் சீர்காழி' எனப் போற்றப்பட்டவர் ஆவார்.  

அவர் மலேசியாவில் மட்டுமின்றி ஐரோப்பிய நாடுகளிலும் சீர்காழி குரலில் எண்ணற்ற பாடல்களைப் பாடி, தமிழ் ரசிகர்களை உலகளாவிய நிலையில் கவர்ந்தவர் என்பது குறிப்பிடத்தக்கது.

மாரடைப்பினால் மரணமடைந்த அவரது நல்லுடல்  இன்றிரவு 9 மணியளவில் அவருடைய இல்லத்திற்குக் கொண்டுவரப்பட்டது. பாடகர் ராஜராஜ சோழனின் நல்லடக்கம் நாளை புதன் கிழமை  பிற்பகலில் நடைபெறும் என்று அவருக்கு வேண்டிய குடும்ப வட்டாரங்கள் கூறின. எண்: 20, ஜாலான் கிரிஸோபெரில் 7/20, செக்சன் -7, ஷாஆலம், சிலாங்கூர் என்ற இல்ல முகவரியில் அவரது இறுதிச் சடங்குகள் நடைபெறும்.

கோலாலம்பூர், ஜூலை.25- அண்மையில்தான் குழந்தைப் பிறந்து பத்தியத்தில் இருந்த குடும்ப மாதுவின் வயிற்றில் இளம் பெண் ஒருவர் எட்டி உதைத்த காட்சி பரவலாக சமூக வலைத்தளங்களில் பரபரப்பை ஏற்படுத்தியது. இது தொடர்பாக இருவர் மேல் விசாரணைக்காக கைது செய்யப்பட்டுள்ளனர்.

வீடியோ-நன்றி: - VETRI VEL

 இந்தச் சம்பவம் இருதினங்களுக்கு முன்னர் கோத்தா டாமான்சராவிலுள்ள பி.பி.ஆர். அடுக்குமாடி குடியிருப்பில் அந்தக் மாதுவின் வீட்டின் முன்புறத்தில் நடந்தது. இரவு 8.30 மணியளவில் தன் வீட்டின் முன் இளைஞர்கள் கத்திக் கூச்சலிட்டு பேசிக் கொண்டிருந்தனர். 

தன் குழந்தை உறங்கிக் கொண்டிருப்பதால் 'மெதுவாக பேசுங்கள்' என்று அவர்  அவர்களிடம் கூறினார். ஆனால், அந்தக் கும்பல் அவர் சொல்வதைப் பொருட்படுத்தாமல் இன்னும் சத்தமாக பேசிக் கொண்டிருந்தது. 

அவர் மறுபடியும் தன் குழந்தை உறக்கத்திலிருந்து விழித்து விட்டது, 'மெதுவாக பேசுங்கள்' என்று கூறினார். உடனே, அக்கும்பலில் உள்ள ஓர் இளம்பெண், அண்மையில் தான் பிரசவம் கண்டிருக்கும் பெண் என்று கூட பார்க்காமல் அவரின் வயிற்றிலேயே எட்டி உதைத்து விட்டு தனது சகாக்களுடன் அங்கிருந்து சென்று விட்டார்.

அதனால், வலிதாங்காமல் துடித்தார் அதிக இரத்தம் கசியத் தொடங்கிய நிலையில் ஏற்பட்டு வலியால் அவதியுற்ற அவரை மருத்துவமனைக்குக் கொண்டு செல்லப்பட்டார். இச்சம்பவம் குறித்து அந்த மாதுவின் கணவர் போலீசில் புகார் செய்தார். 

அந்த அடுக்குமாடி குடியிருப்பில் இருந்த பாதுகாப்பு கேமிராவில் இந்தக் காட்சி பதிவாகி இருந்தது. பின்னர், அந்தக் காட்சி, சமூக ஊடகங்களில் பரவியது. இதனைக் கண்ட பொதுமக்கள் கடும் கோபமடைந்து, அந்தக் கொடுஞ்செயலைக் கண்டித்து கண்டனக் குரல் எழுப்பினர்.

இச்சம்பவம் தொடர்பில் முப்பது வயது மதிக்கத்தக்க இரு ஆடவர்களை போலீசார் கைது செய்துள்ளதாக பெட்டாலிங் ஜெயா மாவட்ட தலைமை உதவி ஆணையர் முகம்மட் ஜானி ஷே டின் கூறினார். இச்சம்பவம் குற்றவியல் சட்டம் 147-இன் கீழ் விசாரிக்கப்பட்டு வருகிறது என்று முகம்மட் ஜானி சொன்னார்.

More Articles ...