ஸாயிட்டுக்கு எதிராக  நிந்தனைச்  சட்டம் பாயலாம்! -ஐஜிபி 

அரசியல்
Typography

 

கோலாலம்பூர், டிச.8- சிலாங்கூர் சுல்தான், சுல்தான் ஷராஃபுடின் இட்ரீஸ் ஷாவை விமர்சித்ததற்காக, 1948-ஆம் ஆண்டின் நிந்தனைச் சட்டம் 4-ஆவது பிரிவின் கீழ், முன்னாள் அமைச்சர் ஸாயிட் இப்ராஹிம், விசாரணைக்கு உட்படுத்தப்படலாம் என்று போலீஸ் படைத் தலைவர் டான்ஶ்ரீ முகமட் ஃபுஸி கூறினார். 

தனது டுவிட்டர் பக்கத்தில், சிலாங்கூர் சுல்தானை அவமதிக்கும் வண்ணம் அவர் குறித்து கருத்து தெரிவித்த குற்றத்தின் பேரில், 1998-ஆம் ஆண்டின் தொலைத் தொடர்பு மற்றும் பல்லூடக சட்டத்தின் 233-ஆவது பிரிவின் கீழும் ஸாயிட் விசாரிக்கப்படலாம் என்று முகமட் ஃபுஸி மேலும் சொன்னார்.

திங்கட்கிழமையன்று, தனது டுவிட்டர் பக்கத்தில், சிலாங்கூர் சுல்தான் 'அரசியல் விளையாடுகிறார்' என்றும், நாடே பற்றி எரியும் போது, எல்லாரும் பாதிக்கப்படுவர். ஆதலால், சிலாங்கூர் சுல்தான் வார்த்தைகளை விட்டு விடாமல், பேசும் போது கவனமாகப் பேசவேண்டும் ஸாயிட் 'டுவீட்' செய்திருந்தார். 

பொதுமக்களின் வாக்குகளை ஈர்ப்பதற்காக சில அரசியல்வாதிகள் இன, மதப் பேதத்தைச் சார்ந்தே செயல்படுகின்றனர் என்று 'தி ஸ்டார்' நாளேட்டில் வெளியான சிறப்பு பேட்டியில் சிலாங்கூர் சுல்தான் ஷராஃபுடின் கூறியிருந்தார்.  

அதனை விமர்சித்து ஸாயிட் தனது டுவிட்டர் பக்கத்தில் பதிவு செய்திருந்ததைத் தொடர்ந்து அவரை பலர் சாடினர் என்பது குறிப்பிடத்தக்கது.  

BLOG COMMENTS POWERED BY DISQUS