'இந்தியர்களுக்கான தே.மு.வாக்குறுதி: வெட்டிப் பேச்சல்ல.. நிஜம்! நிஜம்!' -நஜிப்

அரசியல்
Typography

செர்டாங், அக்.8- இந்திய சமுதாயத்திற்காக தேசிய முன்னணி அரசாங்க வழங்கும் வாக்குறுதிகள் வெறும் 'வெட்டிப் பேச்சு' அல்ல. அந்த வாகுறுதிகள் 'நிஜம்' என்று பிரதமர் டத்தோஶ்ரீ நஜிப் திட்டவட்டமாக கூறினார். 'வெட்டிப்பேச்சு' மற்றும் 'நிஜம்' ஆகிய வார்த்தைகளைப் பிரதமர் தமிழிலேயே உச்சரித்தார்.

இங்கு ஐபிஎப் கட்சியின் 25 ஆவது ஆண்டு பேராளர் மாநாட்டை முடித்து வைத்துப் பேசிய போது அவர் மேற்கண்டவாறு கூறினார். மலேசியாவிலுள்ள இந்திய சமுதாயத்திற்கு உதவுவதற்கான தனது வாக்குறுதிகளை பாரிசான் நிறைவேற்றும் நோக்கத்துடன் செயல்பட்டு வருகிறது என்று அவர் சொன்னார்.

இந்திய சமுதாயத்தை மேல்நிலைக்கு கொண்டுவருவது என்பது என்னுடைய கடப்பாடு. இதுவொரு 'வெட்டிப் பேச்சல்ல'..., 'நிஜம்'.. 'நிஜம்'.. என்பதை நிருபித்துக் காட்டுவேன் என்றார் அவர்.

இப்போதைக்கு பாரிசான் நேஷனலின் நண்பர்கள் என்ற அடிப்படையில் ஐபிஎப் தொடர்ந்து செயல்பட்டுவரும். ஐபிஎப்பிற்கு கூடுதல் ஒத்துழைப்பு வழங்கவேண்டும் என பாரிசான் கூட்டணி கட்சிகளுக்கு உணர்த்துவதற்காக தொடர்ந்து தாம் பாடுபடப்போவதாக அவர் சொன்னார்.

ஐபிஎப்பிற்கு கூடுதல் அங்கீகாரத்தைப் பெற்றுத் தர, இதர பங்காளிக் கட்சிகளிடமிருந்து தமக்கு கூடுதல் ஒத்துழைப்புத் தேவைப்படுகிறது என்று ஐபிஎப் தேசியத் தலைவர் செனட்டர் டத்தோ சம்பந்தன் முன்னிலையில் பிரதமர் நஜிப் குறிப்பிட்டார். 

 

BLOG COMMENTS POWERED BY DISQUS