செல்பி விபரீதம்: துப்பாக்கியால் சுட்டுக்கொண்ட சிறுவன் 

பிற மாநிலங்கள்
Typography

புதுடில்லி, மே 2- வித்தியாசமான செல்பி புகைப்படத்திற்கு ஆசைப் பட்ட உயிரைப் பணயம் வைப்போரின் எண்ணிக்கை நாளுக்கு நாள் அதிகரித்து வருகிறது. அந்த வகையில் டெல்லியைச் சேர்ந்த சிறுவன் ஒருவன்  வித்தியாசமான செல்ஃபி புகைப்படம் எடுப்பதற்காக தமது தந்தையின் துப்பாக்கியுடன்  படம் எடுத்த  போது, துரதிஷ்டவசமாகத் தன்னைத் தானே சுட்டுக்கொண்டான். தலையில் பலத்த காயமடைந்த அந்த 15 வயது சிறுவன் தற்போது  பஞ்சாப், பதன்கோட் மருத்துவமனையில் சிகிச்சைப் பெற்று வருகிறான். 

கடந்த  வெள்ளிக்கிழமை, அச்சிறுவன் தமது தந்தை அலமாரியில் வைத்திருந்த உரிமம் பெற்ற ரிவால்வரை எடுத்து விளையாடியுள்ளான். 

 "அந்த துப்பாக்கியுடன் தமது மகன் செல்பி எடுக்க முயன்றார்" என போலீசார்  தெரிவித்துள்ளனர். அச்சிறுவன் எடுக்கும் அளவுக்கு  சுடும் ஆயுதத்தை அஜாக்கிரதையாக வைத்திருந்தது, முழுக்க முழுக்க அவனது தந்தையின் தவறு" என  போலீசார் வர்ணித்துள்ளனர்.  

BLOG COMMENTS POWERED BY DISQUS