பத்மநாப சுவாமி கோயிலுக்குச் செல்ல பாடகர் கே.ஜே.யேசுதாசுக்கு அனுமதி!

பிற மாநிலங்கள்
Typography

திருவனந்தபுரம், செப்.19- இந்துக்களுக்கு மட்டுமே நுழைய அனுமதி வழங்கப்படும் கேரளாவின் பத்மநாப சுவாமி கோயிலுக்கு செல்ல கிறிஸ்துவரான பின்னணி பாடகர் கே.ஜே.ஜேசுதாசுவிற்கு அனுமதி அளிக்கப்பட்டுள்ளது.

கர்நாடக இசைக் கலைஞரும் பிரபல பின்னணி பாடகருமான கே.ஜே.ஜெசுதாஸ் திருவனந்தபுரத்தில் அமைந்துள்ள உலக பிரசித்தி பெற்ற பத்மநாப சுவாமி கோயிலுக்குச் செல்ல அனுமதி கோரி நிர்வாகத்திடம் கடிதம் அனுப்பிருந்தார்.

பொதுவாக, பத்மநாப சுவாமிகள் கோயிலுக்குள் இந்துக்கள் மட்டுமே செல்ல அனுமதி உண்டு என்பதால் அவர் கடிதம் மூலமாக இந்த அனுமதியைக் கோரியிருந்தார். வரும் செப்டம்பர் 30ஆம் தேதி விஜயதசமி அன்று கோயிலுக்கு வர திட்டமிட்டிருப்பதாக அவர் கூறியிருந்தார்.

இந்நிலையில்,  கோயில் நிர்வாகம் கமிட்டி கூட்டத்தைக் கூட்டி ஆலோசனை நடத்தி, யேசுதாசுக்கு கோயிலுக்கு வர அனுமதி வழங்கியுள்ளதாக தெரிவிக்கப்பட்டுள்ளது.

BLOG COMMENTS POWERED BY DISQUS