ஓடும் காரில் நடிகை பலாத்காரம்: ‘ஹீரோ செய்கிற காரியமா இது?’

பிற மாநிலங்கள்
Typography

 விஜயவாடா, ஆக.17 – இயக்குனர் சலபதி மற்றும் நடிகர் ஸ்ருஜன் ஆகிய இருவரும் ஓடும் காரில் தன்னை பலாத்காரம் செய்ததாக  இளம் தெலுங்கு நடிகை ஒருவர் விஜயவாடா போலீசில் புகார் செய்துள்ளார்.

அவர் தனது புகார் மனுவில் கூறியிருப்பதாவது: படப்பிடிப்புக்காக பீமாவரம் செல்ல வேண்டியிருந்தது. நான் ரயிலில் வருகிறேன் என்று கூறினேன். அதற்கு நடிகர் ஸ்ருஜன் மற்றும் இயக்குனர் சலபதி என்னை காரில் அழைத்துச் செல்வதாக கூறினார்கள். 

                                              #  நடிகர் ஸ்ருஜன்

காரில் சென்று கொண்டிருந்தபோது அவர்கள் என்னை பாலியல் பலாத்காரம் செய்ய முயன்றனர். இதை யாரிடமாவது கூறினால், உன் எதிர்காலமே காலி, பட வாய்ப்பே கிடைக்காமல் செய்துவிடுவோம் என்று மிரட்டினார்கள்.

                                                   # இயக்குனர் சலபதி

அவர்களிடம் இருந்து தப்பியோடினேன். பின்னர் நான் இருக்கும் இடத்தை வாட்ஸ் அப் மூலம் எனக்கு வேண்டிய நண்பர்களுக்குத் தெரிவித்தேன். அவர்கள் விரைந்து என்னை நேராக காவல் நிலையம் அழைத்து வந்தனர் என்று அதில் தெரிவித்துள்ளார்.

பின்னர் அந்த நடிகை மருத்துவமனையில் சேர்க்கப்பட்டு சிகிச்சை அளிக்கப்பட்டதோடு மருத்துவச் சோதனைகளும் செய்யப்பட்டதாக தகவல்கள் கூறுகின்றன.

இந்தச் சம்பவம் குறித்து இவர்கள் இருவருக்கும் எதிராக போலீசார் வழக்குப்பதிவு செய்துள்ளனர். இயக்குனரைத் தங்களுடைய காவலில் வைத்து விசாரித்து வருகிறார்கள் என்ற தகவல் வெளியாகியுள்ளது.

BLOG COMMENTS POWERED BY DISQUS