வீடியோவைப் பரபரப்பாக்க இப்படியா பண்ணுவார், தனுஷ் பட நடிகை லெனா? -(VIDEO)

தமிழகம்
Typography

திருவனந்தபுரம், மே.18- மலையாள நடிகை லெனா, கண்ணாடி துண்டை சர்வ சாதரணமாக கடித்து மென்று சாப்பிடும் வீடியோ வெளியாகி சமூக ஊடகங்களில் பெரும் பரபரப்பை ஏற்படுத்தி இருக்கிறது.

மலையாள படங்கள், தொலைக்காட்சி தொடர்களில் நடித்து வருபவர் லெனா. திரைக்கதை ஆசிரியர் அபிலாஷ் குமாரை திருமணம் செய்த அவர் பின்னர் பிரிந்துவிட்டார். கணவரை பிரிந்த லெனா படங்களில் கவனம் செலுத்தி வருகிறார்.

விடியோ: நன்றி - Celebrity Vibez

தனுஷின் 'அனேகன்' படம் மூலம் கோலிவுட் வந்தவர் லெனா. அந்த படத்தில் டாக்டர் ராதிகா என்ற கதாபாரத்தில் நடித்திருக்கிறார். தற்போது அவர் ஒரு தமிழ் படத்திலும் நடித்து வருகிறார்.

லெனா, கண்ணாடி துண்டு ஒன்றை மிகச் சாதாரணமாக கடித்து சாப்பிடும் வீடியோவை இன்ஸ்டாகிராமில் வெளியிட்டார். அந்த வீடியோவை பார்த்தவர்கள் அதிரிச்சி அடைந்தனர்.

கண்ணாடி துண்டை 'பிஸ்கட்' சாப்பிடுற மாதிரி சாப்பிடுகிறாரே என்று பலரும் வியந்தனர். இந்நிலையில் தான் கண்ணாடி துண்டு பற்றி லெனா விளக்கம் அளித்துள்ளார்.

வீடியோவில் நான் சாப்பிட்டது நிஜ கண்ணாடி அல்ல. படங்களில் 'ஆக்சன்' காட்சிகளில் பயன்படுத்தும் கண்ணாடி போன்று இருக்கும் மெழுகு. நான் வெளியிட்ட வீடியோ இந்த அளவுக்கு பரபர்ப்பாகும் என எதிர்பார்க்கவில்லை என்று லெனா தெரிவித்துள்ளார்.

இதனால் கடுப்பேறிய 'நெட்' வாசிகள் 'கன்னபின்னா' என்று லெனாவை வெளுத்து வாங்கிகொண்டிருக்கிறார்கள்.

BLOG COMMENTS POWERED BY DISQUS