பிக்பாஸ் வீட்டில் இருந்து ஓவியா வெளியேறினார்! ரசிகர்கள் ஏமாற்றம்!

தமிழகம்
Typography

சென்னை, ஆக.6- பிக்பாஸ் வீட்டில் இருந்து நடிகை ஓவியா வெளியேறினார். அந்த காட்சிகள் நேற்றைய பாகத்தில் அதிகாரப்பூர்வமாக காட்டப்பட்டன. ஓவியாவால் அந்த வீட்டில் தொடர்ந்து இருக்க முடியவில்லை. காதல் தோல்வியும் சக பங்கேற்பாளர்களின் இம்சையும் அவரை வெளியேற்றிவிட்டது.

இப்போது மன அழுத்தம் காரணமாக அவரை வெளியில் கொண்டு வந்து நட்சத்திர தங்கும் விடுதியில் தங்க வைத்துள்ளனர் நிகழ்ச்சி ஏற்பாட்டாளர்கள். அவரது வெகுளித்தனம், அழகு, யாருக்கும் பயப்படாதது, தவறு என்று தெரிந்ததும் மன்னிப்புக் கேட்கும் குணம், சுலபத்தில் ஒருவரை நம்புவது போன்ற தன்மைகள் மக்களை வெகுவாகக் கவர்ந்துவிட்டன.

தமிழகத்தில் இன்றைய தேதிக்கு எந்த நடிகைக்கும் இல்லாத அளவு ரசிகர்கள் ஓவியாவுக்கு மட்டுமே உள்ளனர் என்றால் மிகையல்ல. ஓவியாவை தொல்லை செய்த காயத்ரி, நமீதா, ஜூலி, ஆரவ், சக்தி போன்றவர்களைக் கடுமையாக வெறுக்கிறார்கள் பார்வையாளர்கள். 

அதே நேரம், ஓவியாவை எப்படியாவது வீட்டுக்குள்ளேயே இருக்க வைக்க வேண்டும் என்று நிகழ்ச்சி நடத்தும் என்டமோல் நிறுவனம் விரும்புகிறது. இதற்காக அவருடன் நட்சத்திர தங்கும் விடுதியில் பேச்சுவார்த்தை நடத்துகிறதாம்.

BLOG COMMENTS POWERED BY DISQUS