Top Stories

சென்னை, மே 22- சூப்பர் ஸ்டார் ரஜினிகாந்தின் அரசியல் பேச்சுக்கு எதிர்ப்பு தெரிவித்து இன்று கதீட்ரல் சாலையில் உருவ பொம்மை எரிக்கப்பட்டது. இதனால் அச்சாலை முழுதும் கடும் வாகன நெரிசல் ஏற்பட்டது. ஆர்ப்பாட்டக்காரர்கள் ரஜினியின் வீடு நோக்கி சென்றதால் பரபரப்பு ஏற்பட்டது. 

ரசிகர் சந்திப்பின்போது அரசியல் பிரவேசம் குறித்து பேசிய ரஜினிக்கு எதிர்ப்பு தெரிவித்து இன்று சென்னையில் அவரின் உருவ பொம்மை எரிக்கப்பட்டது. தமிழர் முன்னேற்றப்படை அமைப்பினர் சென்னை கதீட்ரல் சாலையில் உருவ பொம்மையை எரிக்கப்பட்டதால் போக்குவரத்து கடுமையாக பாதிக்கப்பட்டது. 

அவ்வமைப்பின் தலைவர் வீரலட்சுமியின் தலைமையில் நடந்த ஆர்ப்பாட்டத்தில் ரஜினி அரசியலுக்கு வரக்கூடாது எனவும் அவர் அரசியல் பேசக்கூடாது எனவும் கோஷமிட்டு பொம்மையை எரித்தனர். ஆர்ப்பாட்டக்காரர்களைப் போலீசார் கைதுச் செய்தனர். 

சென்னை, மே.19- "நான் பச்சைத் தமிழன். என்னைத் தூக்கிப் போட்டால் இமயமலைக்குத்தான் போவேன்" என்று ரஜினிகாந்த் கூறியுள்ளார்.

தான் பிறந்த மண் கர்நாடகாவில் இருந்தாலும், 44 ஆண்டுகளாக தமிழகத்தில் வாழ்வதால் தான் 'பச்சைத் தமிழன்' என்று நடிகர் ரஜினிகாந்த் தெரிவித்துள்ளார்.

எட்டு ஆண்டுகளுக்குப் பிறகு ரசிகர்களைச் சந்தித்து நடிகர் ரஜினிகாந்த் மாவட்ட வாரியாக அவர்களுடன் புகைப்படம் எடுத்து வருகிறார். கடைசி நாளான இன்று ரசிகர்கள் மத்தியில் பேசிய ரஜினிகாந்த், 'தான் தமிழனா?' என்று சமூக வலைதளங்கள் மற்றும் டுவிட்டரில் வெளியாகும் விமர்சனங்கள் வருத்தமளிப்பதாக தெரிவித்தார்.

இதுகுறித்து ரசிகர்களிடையே அவர் பேசுகையில், "எனக்கு 67 வயதாகிறது, 23 ஆண்டுதான் கர்நாடகாவில் இருந்தேன். எஞ்சிய 44 ஆண்டுகள் தமிழ்நாட்டில் உங்கள் கூடவே வளர்ந்தேன். கர்நாடகத்தில் இருந்து மாராட்டியராக வந்திருந்தாலும் பேரும் புகழும் அள்ளிக்கொடுத்து என்னை தமிழனாக்கி விட்டீர்கள். அதனால் நான் பச்சைத் தமிழன்" என்று அவர் சொன்னார்.

"என்னை எங்கேயாவது போ என்று வெளியே தூக்கிப் போட்டால் இமயமலையில் போய்த் தான் விழுவேனே தவிர வேறு மாநிலத்திற்கு போகமாட்டேன். உயிரோடு இருந்தால் தமிழ்நாட்டில் இருக்கவேண்டும் இல்லாவிடில், சிவன் இருக்கும் இமயமலைக்கு செல்லவேண்டும். என்னை வாழ வைத்து அழகு பார்த்த உங்களை விட்டு நான் ஏன் செல்ல வேண்டும்?" என்று ரஜினிகாந்த் கேள்வி எழுப்பினார்.

சென்னை மே 18 - "எதைப் பற்றி வேண்டுமானாலும் கேள்வி கேளுங்கள், ஆனால் அதை (அரசியல்) பற்றி மட்டும் கேட்க வேண்டாம்" என்று நடிகர் சூப்பர்ஸ்டார் ரஜினிகாந்த் செய்தியாளர்களிடம் கேட்டுக் கொண்டார். நடிகர் ரஜினி கடந்த 15-ம் தேதி முதல் ரசிகர்களை சந்தித்து அவர்களுடன் புகைப்படம் எடுத்து வருகிறார். 4ம் நாளான இன்று கடலூர், தஞ்சாவூர், பாண்டிச்சேரி, காரைக்கால் மாவட்ட ரசிகர்கள் புகைப்படம் எடுத்தனர். 

சென்னை கோடம்பாக்கத்தில் உள்ள ராகவேந்திரா திருமண மண்டபத்தில் நடந்து வரும் ரசிகர்கள் சந்திப்பில், முதல் நாளில் கன்னியாகுமரி, திண்டுக்கல், கரூர் மாவட்ட நிர்வாகிகள் ரஜினியுடன் புகைப்படம் எடுத்துக்கொண்டார். 2-வது நாளில் திருநெல்வேலி, தூத்துக்குடி, தேனி மாவட்டங்களை சேர்ந்த ரசிகர்கள் ரஜினி சந்தித்து புகைப்படம் எடுத்துக்கொண்டனர். 3வது நாளான நேற்று விழுப்புரம், திருவண்ணாமலை, சிவகங்கை மாவட்டங்களை சேர்ந்த ரசிகர்களை சந்தித்து புகைப்படம் எடுத்துக் கொண்டார்.

4-வது நாளான இன்று கடலூர், தஞ்சாவூர், பாண்டிச்சேரி, காரைக்கல் மாவட்ட ரசிகர்களை ரஜினி சந்தித்து புகைப்படம் எடுத்தார். நாளையோடு முதல் கட்ட சந்திப்பு முடிவடைகிறது. இந்தச் சந்திப்பின் போது ரசிகர்கள் தங்களது குடும்பத்தை கவனித்து கொள்ள வேண்டும், ரசிகர்ளுடனான சந்திப்பு மகிழ்ச்சி அளிக்கிறது, ரசிகர்களுக்கு வயதாகிவிட்டாலும் இன்னும் உற்சாகம் குறையாமல் இருக்கின்றனர், ரசிகர்கள் அனைவரும் தீய பழக்கங்கள் இல்லாமல் ஆரோக்கியமாக இருக்க வேண்டும் என்றும் அவர் கேட்டுக் கொண்டார்.

அப்போது ரஜினியிடம் அரசியல் குறித்து செய்தியாளர்கள் கேள்வி கேட்டப்போது அதற்கு அவர், எதைப்பற்றி வேண்டுமானாலும் கேள்வி கேளுங்கள் பதில் அளிக்கிறேன், ஆனால் அரசியல் பற்றி மட்டும் எதையுமே என்னிடம் கேட்க வேண்டாம் கையெடுத்து கேட்டுக்கொண்டார்.

கவுகாத்தி, மே 23- அசாம் வானவெளியில் பறந்து கொண்டிருந்தபோது போர் விமானம் ஒன்று தொடர்பிலிருந்து துண்டிக்கப்பட்டது. மாயமான விமானம் விபத்துக்குள்ளானதா அல்லது தீவிரவாதிகளால் கடத்தப்பட்டதா என இராணுவம் விசாரித்து வருகிறது.

அசாமின் தேஸ்பூரில் வடக்கு பகுதியில் சென்றபோது சுகோய் 30 ரக விமானம் ரேடாரிலிருந்து மறைந்ததாக கூறப்படுகிறது. மாயமான விமானத்தில் இரு போர் வீரர்கள் இருந்ததாகவும் விமானம் விபத்தில் சிக்கியிருக்கலாம் என நம்புவதாகவும் தெரிவிக்கப்பட்டது. அதேவேளையில், விமானத்தை தீவிரவாதிகள் கடத்திருக்க வாய்ப்பு இருப்பதாகவும் அந்த கோணத்தில் விசாரணை நடப்பதாகவும் கூறப்பட்டுள்ளது.

போர் விமானம் காணாமல் போனது ராணுவ மட்டத்தில் மட்டுமல்லாது பொதுமக்களிடையேயும் பரபரப்பை ஏற்படுத்தியுள்ளது.

பெங்களூர், மே 19- ஒன்பது வயது மட்டுமே நிரம்பிய சிறுவனைப் பாலியல் கொடுமைக்கு ஆளாக்கிய பின்னர் கொலைச் செய்த காமுகனைக் கர்நாடகப் போலீசார் கைதுச் செய்தனர். 

மன்னனயகான கோப்பா கிராமத்தைச் சேர்ந்த ஒன்பது வயது சிறுவன் கொலைச் செய்யப்பட்டு கிடந்ததை அடுத்து போலீசார் விசாரணை நடத்தினர். அப்போது அச்சிறுவன் பாலியல் துன்புறுத்தலுக்கு ஆளாகி இருந்தது கண்டுப்பிடிக்கப்பட்டது. சம்பவம் தொடர்பாக போலீசார் துருவி துருவி விசாரித்ததில் ஆடவன் ஒருவனைப் போலீசார் கைதுச் செய்தனர்.

அவ்வூருக்கு அருகில் உள்ள இடத்தைச் சேர்ந்த 42 வயது சுபாஷ் ஆகாசிமாணி என்பவனைப் போலீசார் கைதுச் செய்தனர். அவன் பொக்சோ சட்டத்தின் கீழ் குற்றஞ்சாட்டப்பட்டான். கைதுச் செய்யப்பட்ட சுபாஷ் ஓரின சேர்க்கையாளன் என ஆரம்பக்கட்ட விசாரணையில் தெரியவந்ததாக போலீசார் கூறினர். 

புதுடில்லி, மே 18 - இந்தியாவின் மத்திய சுற்றுச் சூழல் துறை அமைச்சர் அனில் மாதவ் தேவ் உடல் நலக்குறைவு காரணமாகக் காலமானார். பிரதமர் மோடி அமைச்சரவையில் சுற்றுச்சூழல் துறை அமைச்சராகப் பணியாற்றி வந்த 60 வயதான இவருக்கு உடல் நடலக் கோளாறு காரணமாக இன்று காலை அவர் மரணமடைந்தார். 

மத்திய பிரதேசத்தைச் சேர்ந்த இவர் பாஜகவின் முக்கிய தலைவராக திகழ்ந்து வந்தார். கடந்த சில வாரங்கள உடல் நலம் குன்றியிருந்துள்ளது. மத்திய பிரதேச மாநிலத்தின் ராஜ்ய சபா எம்பியாக இருந்த வந்த அனில் தேவ்வை 2016-ம் ஆண்டு சுற்றுச்சூழல் துறை அமைச்சராகப் பிரதமர் மோடி நியமித்தார். மத்திய பிரதேசத்த்தில் பாஜகவின் முக்கிய தலைவராக இருந்து கட்சியை வளர்த்தவராகவும் இவர் திகழ்கிறார். 

மறைந்த அமைச்சரின் உடல் தலைவர்களின் அஞ்சலிக்காக டெல்லியில் வைக்கப்பட்டு, பின்னர், சொந்த மாநிலமான மத்திய பிரதேச மாநிலத்தில் இறுதிச் சடங்கு நடைபெறவுள்ளது. அமைச்சரின் மறைவிற்கு பிரதமர் மோடி, மத்திய அமைச்சர் வெங்கய்யா நாயுடு உள்ளிட்ட அமைச்சர்கள் இரங்கல் தெரிவித்துள்ளனர்.

Advertisement