பிறந்த கிழமையைச் சொல்லுங்க, உங்களைப் பற்றி சொல்லிவிடலாம்! 

ஆன்மீகம்
Typography

கோலாலம்பூர், அக்.9- தன்னைப் பற்றி தெரிந்து கொள்ள ஒவ்வொரு மனிதனுக்கும் ஆசை இருக்கும். தானே தன்னை அறிந்து கொள்ள முடியுமே என்ற யோசனையை யார் வேண்டுமானலும் கூறலாம். ஆனாலும் அவரவர் பிறந்த நேரம் என ஒன்று உண்டல்லவா? எப்படி நீங்கள் பிறந்த நேரம், பிறந்த நாள் உங்களைப் பற்றி சொல்கிறதோ, அதே போல் நீங்கள் பிறந்த கிழமையும் உங்களது குணங்களைப் பற்றி சொல்லும்...!

ஒரு வாரத்தில் ஏழு நாட்கள் உள்ளன. இந்த ஏழு நாட்களும் ஒவ்வொரு குணங்களைக் குறிக்கின்றது. இப்போது நாம் எந்தக் கிழமையில் பிறந்தவர்கள், எம்மாதிரியான குணத்தைக் கொண்டவர்களாக இருப்பர் என்று பார்ப்போம்.

## ஞாயிற்றுக்கிழமை ## 

இந்த நாளில் பிறந்தவர்கள் எந்த ஒரு கடினமான வேலைகளையும் எளிதில் செய்து முடிக்கக்கூடிய திறமை கொண்டவர்களாக இருப்பர். இந்த கிழமையில் பிறந்தவர்கள் சொன்னதை செய்வார்கள். மிகவும் உணர்ச்சிமிக்கவர்கள்.

உதவும் குணம் கொண்டவர்கள். பிரகாசமான வாழ்க்கையைக் கொண்டவர்களாகவும், தன்னைச் சுற்றி இருப்போரை எப்போதும் சந்தோஷமாகவும் வைத்துக் கொள்வார்கள்.

## திங்கட்கிழமை ##

இந்தக் கிழமைகளில் பிறந்தவர்கள் அனைவரும் விரும்பும் படியான அமைதியான மனம் படைந்தவர்களாக இருப்பர். அனை வரிடமும் அன்புடனும், உதவும் உள்ளத்துடனும் பழகுவார்கள்.

எதிரிகளை கூட நண்பர்களாகவே கருதுவார்கள். நல்ல கற்பனைவளம் கொண்டவர்களாக இருப்பர்.இந்த கிழமையில் பிறந்தவர்களுக்கு சொந்த தொழில் நல்ல கைக்கொடுக்கும். இவர்கள் வெற்றி பெறுவதற்காக அரும்பாடுபடுவார்கள்.

## செவ்வாய்க்கிழமை ##

இந்த தினத்தில் பிறந்தவர்கள் எதிலும் வெற்றியைக் காண்பவர்கள். தான் சொல்வது தான் சரி என்னும் மனப்போக்கை கொண்டவர்கள். இவர்கள் நல்லவர்களுக்கு நல்லவராகவும், கெட்டவர்களுக்கு கெட்டவராகவும் இருப்பார்கள்.

இதனாலேயே இவர்களை பலருக்கு பிடிக்காது. இருப்பினும் இவர்களுக்கு மற்றவர்களைப் பற்றியெல்லாம் கவலையில்லை. எதிலும் நியாய தர்மத்துடன் நடந்து கொள்வார்கள்.

## புதன்கிழமை ## 

புதனில் அறிவாளிகளாக இருப்பர். பல திறமைகளைத் தன்னுள் கொண்டவர்களாகவும் விளங்குவர். இவரிடம் ஒரு இரகசிய த்தைக் கூறினால், அதை வாழ்நாள் முழுவதும் காப்பார்கள். மற்றவர்களின் உணர்வுகளைப் புரிந்து கொண்டு செயல்ப டுவார்கள். எதையும் எளிதில் புரிந்து கொண்டு வேலையை சிறப்பாக முடிப்பார்கள். எந்நேரமும் சாதுவாக இருப்பார்கள்.

## வியாழக்கிழமை ##

வியாழக் கிழமைகளில் பிறந்தவர்கள் மற்றவர்கள் போற்றத்தக்க குணங்களைக் கொண்டவர்களாக இருப்பர். எதையும் நேர்வழியில் செய்யக் கூடியவர்கள். நியாயம், தர்மத்துடன் நடப்பார்கள். உற்றார் உறவினர்களுக்கு உதவி புரிவார்கள். எந்தத் துறையிலும் வெற்றி காண்பார்கள்.

## வெள்ளிக்கிழமை ##

இந்த நாளிலில் பிறந்தவர்கள் நல்ல பேச்சாற்றல் மிக்கவர்களாக இருப்பர். தம்முடைய பேச்சாலேயே பலரை தன் வசப்படுத்திக் கொள்வார்கள். எந்த ஒரு வேலையையும் மற்றவர்களின் உதவியின்றி எளிதில் முடிக்கும் திறமை கொண்டவர்களாக இருப்பர்.

## சனிக்கிழமை ##

இத்தினத்தில் பிறந்தவர்கள் பொறுமைசாலிகளாக இருப்பர். தன்னம்பிக்கை மிக்கவர்களாக இருப்பவர். அறிவாளியாகவும் மிகவும் நம்பிக்கை  உள்ளவர்களாகவும், முழுப் பொறுப்பையும் ஏற்று நடத்துவதில் சிறந்தவர்களாகவும் இருப்பர். தான் உண்டு தன் வேலை உண்டு என்றும் இருப்பார்கள்.

 

 

BLOG COMMENTS POWERED BY DISQUS