கூலாய், ஶ்ரீ ராகவேந்திரா மடாலயத்தின் 346ஆவது மகா உற்சவம்; பக்தர்களுக்கு அழைப்பு!

ஆன்மீகம்
Typography

ஜொகூர்பாரு, ஜூன். 29- கூலாய்யில் அமைந்துள்ள ஶ்ரீ ராகவேந்திர சுவாமி மடாலயத்தின் 346ஆம் குரு ஆராதனை மகா உற்சவம் மிக விமரிசையாக நடைபெறவுள்ளது. இதில் பொதுமக்கள் திரளாக வருகை தருமாறு ஆலய நிர்வாகம் கேட்டுக் கொண்டது.

ஆராதனை மகா உற்சவத்தை முன்னிட்டு வரும் ஜூலை முதலாம் தேதி தொடங்கி வரும் அக்டோபர் 12ஆம் தேதி வரை 101 நாள்களுக்கு சிறப்புப் பூஜைகள் நடைபெறவுள்ளன. இந்த உற்சவத்தின் முதல் நாளன்று அதிகாலை 6.00 மணியளவில் கொடியேற்ற விழாவும் அதனைத் தொடர்ந்து சிறப்புப் பூஜைகளும் அன்னதானமும் நடைபெறும்.

இந்த 101 நாள்களுக்கு பஞ்சமுகி ஆஞ்சநேய குரு பூஜை, குரு பூர்ணிமா, ஶ்ரீ பகவதி மாஞ்சாலி அம்மன் பூஜை, அமாவாசை தர்ப்பணம், ஶ்ரீ நாகம்மா பூஜை, ஶ்ரீ வரலட்சுமி விரதப் பூஜை, மகா பூர்வ ஆராதனை, மகா உற்சவ ஆராதனை, ஶ்ரீ கிருஷ்ண ஜெயந்தி, ரத ஊர்வலம், விநாயகர் சதுர்த்தி ஆகியவற்றுடன் இறுதி நாளான 12.10.2017இல் பாகவதர் நடனமும் பூர்த்தி பூஜையும் நடைபெறும் என மடாலயத்தின் நிர்வாகத்தினர் கூறினார். 

கூலாய், ஶ்ரீ ராகவேந்திரா மடாலயத்தில் நடைபெறவுள்ள 346ஆவது ஆராதனை மகா உற்சவம் தொடர்பாக சுவாமி பாலகுரு 016-7133153, மாதாஜி லதா 017-7681112 ஆகியோருடனும் 016-7325021 என்ற எண்ணில் மடாலயத்துடன் தொடர்பு கொள்ளலாம்.

BLOG COMMENTS POWERED BY DISQUS