சரும பிரச்சினைக்கு முற்றுப்புள்ளி வைக்கும் 'கரண்டி' மசாஜ்!

சுகாதாரம்
Typography

சளி, இருமல் போன்றவற்றை வீட்டிலிருந்தே சரி பண்ணுவது போன்று சில சரும பிரச்சினைகளையும் வீட்டிலிருந்தே சரி செய்யலாம் . தொடர்ந்து 10 நாட்கள் கரண்டி மசாஜ் செய்தால் இளமையாகக் காட்சியளிக்கலாம். இவ்வாறு மசாஜ் செய்வதால் ரத்த ஓட்டம் அதிகரித்து சுருக்கங்கள் வராமல் தடுக்கலாம். 

இதனால் எண்ணெய் எளிதில் சருமத்தால் உறிஞ்சப்படும். கரண்டியினால் கீழிருந்து மேல் நோக்கி முகத்தில் மசாஜ் செய்தால், தொங்கும் தசைகள் இறுகும். கண்களுக்கு அடியில் தங்கும் சதைப்பை மறையும். சருமத்திற்கு புத்துணர்ச்சி தரும். ரத்த ஓட்டம் அதிகரித்து இளமையை அதிகரிக்கச் செய்யும்.

முதலில் முகத்தை நன்றாக கழுவி, பருத்தி துணியால் ஒத்தி எடுக்க வேண்டும். பின்னர், வெதுவெதுப்பான ஆலிவ் அல்லது தேங்காய் எண்ணெயில் 1 நிமிடம் கரண்டியை வைத்து அதனை எடுத்து கரண்டியின் பின்பகுதியினால் நாடியிலிருந்து மேல் நோக்கி, கன்னம் வரை மெதுவாக மசாஜ் செய்ய வேண்டும். அதே போல், இரு கன்னப்பகுதியில் கீழிருந்து மேல் நோக்கி மசாஜ் செய்ய வேண்டும். இது போல் 10 நாட்கள் தொடர்ந்து செய்தால் நல்ல மாற்றத்தைக் காணலாம்.

கண்களுக்கு அடியில் உண்டாகும் சதைப்பையை போக்க சுத்தமான நீரில் சில ஐஸ் துண்டுகளைப் போட்டு அதில் கரண்டியை வைக்க வேண்டும். நன்றாக சில்லிட்டதும் அதனை கண்களுக்கு அடியில் வைத்து லேசாக அழுத்தி மசாஜ் செய்ய வேண்டும். இதுபோல் கண்களின் சதைப்பை போகும் வரை தினமும் செய்தால் நல்ல பலன் கிடைக்கும்.

BLOG COMMENTS POWERED BY DISQUS