கோலாலம்பூர், ஜன.25- நாளை மலேசியாவில் திரையீடு காணவிருக்கும் பிரபல 'அதிரடி நாயகன்' ஜாக்கி சானின் 'குங்ஃபூ யோகா' படத்திற்குப் பிறகு தாம் கடுமையான சண்டை படங்கள் எதிலும் நடிக்கப் போவதில்லை என்று அவர் அறிவித்துள்ளார்.

எனினும், சீன மற்றும் போலிவுட் குழுக்கள் சேர்ந்து தயாரித்துள்ள இந்த 'குங்ஃஃபூ யோகா' படத்தில் வழக்கமான மெய்சிலிர்க்க வைக்கும் சண்டைகாட்சிகளில் அவர் நடித்திருப்பதோடு  சற்று வித்தியாசமாக போலிவுட் பாணி குத்தாட்டமும் போடுகிறார்.

'குங்ஃஃபூ யோகா' படம் தொடர்பாக கோலாலம்பூரில் இன்று நடந்த நிகழ்ச்சி ஒன்றில் ஜாக்கிச் சானுடன் சீன மற்றும் இந்திய நடிக, நடிகையர்கள் கலந்து கொண்டனர்

இந்தப் படத்தில் இந்திய நடிகர் சோனு சூட், போலிவுட் நடிகைகளான அம்ரியா தஸ்துர், திஷா பட்டாணி ஆகியோரும் நடித்துள்ளனர். இந்தப் படத்தில் ஓர் அகழ்வாய்வுத்துறை பேராசிரியராக ஜாக்கிச் சான் நடித்திருக்கிறார். 

காணாமல் போன இந்தியப் கலைப் பொக்கிஷத்தைத் தேடும் பணியில் ஈடுபட்டிருந்த போது கூலிப்படைகளின் தாக்குதலுக்கு அவர் உள்ளாகிறார். தமக்கு இருந்த வரலாற்று அறிவு மற்றும் குங்ஃபூ கலைத் திறன் ஆகியவற்றின் காரணமாக, வில்லன்களோடு போராடிய இந்தியக் கலைப் பொக்கிஷத்தைக் காப்பாற்றுகிறார் ஜாக்கி சான்.  சண்டைக் காட்சிகள் நிறை ஒரு காமெடிபடமாக இது அமைந்துள்ளது.

ஜாக்கி சானின் புகழ்பெற்ற பல சண்டைப் படங்களை எடுத்து வெற்றி கண்ட இயக்குனரான ஸ்டான்லி டோங் என்பவரே குங்ஃபூ யோகா படத்தையும் இயக்கியுள்ளனர். நாளை மலேசியாவிலுள்ள ஜிஎஸ்சி தியேட்டர்களில் திரையிடப்படவிருக்கிறது.

 

 

புதுடில்லி, டிசம்.9- ஹாலிவுட் திரைப்பட சீரியலில் நடித்து அசத்திய போலிவுட் நட்சத்திரமான பிரியாங்கா சோப்ராவின் அடுத்த அதிரடியாக, உச்சக்கட்டக் கவர்ச்சியுடன் பிரபலமான 'பே வாட்ச்' (BAYWATCH) தொடரின் புதிய 'முன்னோட்டம்கவரது ரசிகர்களைக் கவிழ வைத்திருக்கிறது.

'பே வாட்ச்' என்ற அந்தத் தொடர், கடலோர மீட்புக் குழுவினரின் சாகசங்களைப் பின்னணியாக கொண்ட தொடராகும். மிக நீண்ட காலமாக வெளிவரும் இந்தத் தொடர் பல்வேறு காலக்கட்டங்களில் புதிய வடிவங்களில் பல புதிய முகங்களுடன் தொடர்ந்து வெற்றி நடைபோடுகிறது.

இந்தத் தொடரின் வெற்றிக்குக் காரணமாக, பல கவர்ச்சி அழகிகளின் அணிவகுப்பை சுட்டிக்காட்டலாம். இந்தத் தொடரில் பிரியங்கா சோப்ரா நடிப்பது ஏற்கனவே நாம் அறிந்த தகவல்தான் என்றாலும், அது தொடர்பான முதல் முன்னோட்டத்தை இப்போதுதான் வெளியிட்டார்கள்.

இந்தப் படத்தில் நடிக்கும் பல இளசுகளுக்கு மத்தியில் பிரபல 'ரெஸ்லிங்' வீரராகத் திகழ்ந்த 'தி ரோக்' டிவெய்ன் ஜோன்சனும் நடித்திருக்கிறார். இதில், சற்று மாறுபட்ட கொஞ்சம் வில்லத்தனமான பாத்திரத்தில் பிரியங்கா இடம்பெறுகிறார்.

தற்போது வெளியாகி இருக்கும் முன்னோட்டக் காட்சி விளம்பரத்தில் பிரிங்கா இரண்டே வினாடிகள் தான் தோன்றுகிறார். அவர் மின்னலாய் வந்து போனாலும், தனது ரசிகர்களை என்னமாய் கவிழ்த்திருக்கிறார் கவர்ச்சியால்.., என்று மிரண்டிருக்கிறது போலிவுட்.

இரண்டு நிமிட முன்னோட்டத்தை 'ரோக்' தனது முகநூலில் பதிவு செய்திருக்கிறார். அதில், பிரியங்கா தோன்றிய அந்த இரண்டு வினாடிகள் இன்னும் கொஞ்சம் நீண்டிருக்கக்கூடாதா? என்ற ஏக்கத்தை இந்திய ரசிகர்களுக்கு எற்படுத்தி இருக்கிறது அந்த முன்னோட்டம். அடுத்த முன்னோட்டத்தில் பிரியங்காவை காண அவர்கள் ஆவலோடு காத்திருக்கிறார்கள்.

 

 

லாஸ் ஏஞ்சல்ஸ், செப்டம்பர் 2- திரைத்துறையில் இதுவரை ஆற்றிய வாழ்நாள் சேவைக்காக, சீனத் திரைப்பட நடிகர் ஜேக்கி சானுக்கு ஆஸ்கர் விருது வழங்கப்படுகிறது.  ஹாங்காங்கில் பிறந்த ஜாக்கி சானுக்குத் தற்போது 62 வயதாகிறது. சீனத் திரைப்படங்களில்  அசாத்தியமான சண்டை காட்சிகளில் நடித்ததன் மூலம் தனது திறமையை வெளிப்படுத்தியவர்.  இதன்மூலம்  ஹாலிவுட் திரைப்படங்களில் காலடி வைத்து "ரஷ் ஹவர்", "கராத்தே கிட்" போன்ற திரைப்படங்களில் நடித்து புகழ்ப்பெற்றவர். 

இதுவரை 30 திரைப்படங்களை இயக்கியுள்ள ஜாக்கி சான் திரைத்துறையில் அவர் ஆற்றியுள்ள பங்கை கவுரவிக்கும் வகையில் ஆஸ்கர் விருது வழங்கி கெளரவிக்கப்படவுள்ளது. 

இதன் அறிவிப்பை  ”THE ACADEMY OF MOTION PICTURE ARTS AND SCIENCE” எனும் அமைப்பு அறிவித்துள்ளது.  எதிர்வரும்  நவம்பர் மாதம் லாஸ் ஏஞ்சல்ஸ் நகரில்  ஜாக்கி சானுக்கு ஆஸ்கர் விருது வழங்கப்படுகிறது. 

சென்னை, ஆக.21- பிரான்ஸ் நாட்டின் மிக உயரிய கலைத்துறை விருதான 'செவாலியே விருது' நடிகர் கமல்ஹாசனுக்கு வழங்கப்படுகிறது. இதனை அந்நாட்டின் கலாசசாரத்துறை அறிவித்திருக்கிறது.

கடந்த 1997 ஆம் ஆண்டில் நடிகர் திலகம் சிவாஜிகணேன், இந்த விருதினைப் பெற்றார். தற்போது அவரது கலையுலக வாரிசாகக் கருதப்படும் கமலுக்கு இந்த விருது வழங்கப்பட்டுள்ளது.

தமிழ் சினிமா துறையில் மட்டுமின்றி, இந்தியத் திரையுலகில் கமல்ஹசான் பெரும் போற்றுதலுக்கு உரியவராகத் திகழ்ந்து வருகிறார். தமிழ், தெலுங்கு, கன்னடம், இந்தி மற்றும் மலையாளம் எனப்  பல்வேறு மொழிகளில் நடிப்பாற்றலை வெளிப்படுத்தி வருபவர் நடிகர் கமல். தமிழில் 'களத்தூர் கண்ணம்மா' படத்தில் குழந்தை நட்சத்திரமாக அறிமுகமானவர்.

ஏற்கனவே, இந்திய அரசின் பத்மஸ்ரீ, பத்மபூசன் மற்றும் மாநில அரசின் கலைமாமணி போன்ற விருதுகளைப் பெற்றவர் கமல். இது தவிர தேசிய விருது 3 முரையும், 19 முறை ஃபிலிம்பேர் விருதுகளையும் அவர் பெற்றுள்ளார்.

தற்போது சிறந்த நடிப்பாற்றலுக்காக பிரான்ஸ் நாட்டின் மிக உயரிய விருதான செவாலியே விருது கமலுக்கு வழங்கப்படுவதாக அந்நாட்டின் கலாச்சாரத் துறை அறிவித்துள்ளது. 'செவாலியே விருது' குறித்த அறிவிப்பைத் தொடர்ந்து கமலுக்கு திரையுலகினர் தங்களது வாழ்த்துக்களை குவித்து வருகின்றனர்.

நடிப்புக்கு அப்பால், கமல் நடிகராக மட்டுமல்லாதுஇயக்குநர், திரைக்கதையாசிரியர், தயாரிப்பாளர், பின்னணி பாடகர், பாடாலாசிரியர் என சினிமாவின் பல்வேறு துறைகளிலும் சிறப்பான பங்களிப்பை கமல் வழங்கியுள்ளார் என்பது குறிப்பிடத்த க்கது.

More Articles ...

Page 1 of 3