கமலுக்கு  செம அதிர்ச்சி தந்த ஹாலிவுட் தயாரிப்பாளர் நோலன்!

இந்தியச் சினிமா
Typography

மும்பை, மார்ச் 31 – அண்மையில் பிரபல ஹாலிவுட் திரைப்படத் தயாரிப்பாளர் கிறிஸ்தோபர் நோலனைச் சந்தித்துப் பேசிய உலக நாயகன் கமலஹாசனுக்கு எதிர்பாராத இன்ப அதிர்ச்சியை அளித்தார் இயக்குனர் நோலன்.

நோலன் தயாரித்திருக்கும் டங்கிரிக் படம் மிகப் பிரபலமானதாகும். இந்தச் சந்திப்பின் போது கமலஹாசன், தான் டங்கிரிக் படத்தைப் பார்த்து ரசித்ததாகவும்,  ஆனால், அந்தப் படத்தை தியேட்டரில் போய் பார்க்காமல் வீடியோவில் பார்த்ததற்காக மன்னித்து விடுங்கள் என்றும்  கூறினார்.

மேலும் அதற்குப் பதிலாக தாம் நடித்த 'ஹேய் ராம்' படத்தின் சிடியை கொடுத்து,  'நீங்கள் என் படத்தை பார்த்திருக்க வாய்ப்பில்லை. இந்தப் படத்தை பாருங்கள், என்று ஆர்வத்துடன் கூறினார் கமல்!

ஆனால், நோலன், சொன்ன பதில் கமலை இன்ப அதிர்ச்சிக்கு உள்ளாக்கியது.

"யார் சொன்னது உங்கள் படங்களை நான் பார்த்தது இல்லை என்று ஆகக் கடைசியாக நான் 'பாபநாசம்' பார்த்தேன்" என்று நோலன் சொன்னார்.

இந்தச் சந்திப்பு மும்பையில் ஒரு விருந்து நிகழ்ச்சியின் போது இடம் பெற்றது என்பது குறிப்பிடத்தக்கது.

BLOG COMMENTS POWERED BY DISQUS