பாலாவின் 'நாச்சியார்' பட டீசர்; ஜோதிகா பேசும் தகாத வார்த்தையால் சர்ச்சை! (VIDEO)

இந்தியச் சினிமா
Typography

சென்னை, நவ.16- இயக்குனர் பாலாவின் படங்கள் என்றாலே சர்ச்சைகளுக்கு பஞ்சமே இருக்காது. பொதுவாக படம் வெளிவந்த பிறகு தான் பாலாவின் படங்களுக்கு எதிர்ப்பு வரும். ஆனால் ஜோதிகா நடிப்பில் பாலா இயக்கிய புதிய படமான நாச்சியார் படத்தின் டீசர் நேற்று வெளியிடப்பட்ட உடனே சர்ச்சையும் தொடங்கி விட்டது.

பாலாவின் புதிய படம் நாச்சியார். இதில் ஜோதிகா போலீஸ் அதிகாரியாக நடிக்கிறார். இதில் கதாநாயகனாக ஜி.வி.பிரகாஷ் நடிக்கிறார். படத்தின் மொத்த படப்பிடிப்பும் முடிந்து பின் ஆக்கப்பணி வேலைகள் நடந்து வருகின்றன.

இந்நிலையில், நேற்று இயக்குனர் பாலா இப்படத்தின் டீசரை யூடியூப்பில் வெளியிட்டார். டீசர் வெளியான உடனே சர்ச்சைகள் எழுந்தன. இதற்கு காரணம் டீசரின் இறுதியில் 'தே' என்று தொடங்கும் தகாத வார்த்தையை ஒரு இளைஞனை நோக்கி ஜோதிகா பேசுவது போல் காட்சி அமைந்திருப்பதே.

பொதுவாக படங்களின் கெட்ட வார்த்தைகள் சென்சார் போர்ட்டினால் நீக்கப்படும் அல்லது பீப் சத்தம் இணைக்கப்படும். ஆனால் இந்த டீசரில் ஜோதிகா கெட்ட வார்த்தை பேசுவது பலருக்கு அதிருப்தியை ஏற்படுத்தியுள்ளது.

BLOG COMMENTS POWERED BY DISQUS