சென்னை, ஏப் 17- பொருளாதாரம் சூழ்நிலை மற்றும் மன உளைச்சல் போன்ற காரணங்களால் 'இம்சை அரசன் 24 ஆம் புலிகேசி' படத்தில் மேற்கொண்டு நடிக்க  நாட்கள் ஒதுக்க இயலாத நிலையில் உள்ளதாக நடிகர் வடிவேலு தெரிவித்துள்ளார்

இம்சை அரசன் 24ஆம் புலிகேசி படத்தில் நடிக்க நடிகர் வடிவேலு மறுத்து விட்டதாக அந்தப் படத்தின் தயாரிப்பாளரான இயக்குனர் சங்கர் தயாரிப்பாளர்கள் சங்கத்தில் முறைப்பாடு செய்திருந்தார். இதனைத் தொடர்ந்து நடிகர் சங்கம் வடிவேலுவிடம் கடிதங்கள் மூலம் விளக்கம் கோரியிருந்தது.

 இது குறித்து கடிதத்துக்கு பதிலளிக்கையில் வடிவேலு மேற்கண்டவாறு தெரிவித்துள்ளார்.இம்சை அரசன் 24 ஆம் புலிகேசி படத்தில் நடிக்க 2016 ஜூன் மாதம் 1ஆம் தேதி ஒப்புக் கொண்டிருந்ததாகவும் 2016 ஆம் ஆண்டு டிசம்பருக்குள் படத்தை முடித்து விடுவதாகவும் அதுவரை எந்தப் படத்திலும் நடிக்க ஒப்புக் கொள்ள வேண்டாம் என்றும் தன்னிடம் உறுதி அளித்ததால் வேறு படங்களில் நடிப்பதை தான் தவிர்த்ததாகவும் எனினும் 2016 டிசம்பர் வரை படப்பிடிப்பை தொடங்காமலேயே காலம் தாழ்த்தினார்கள் என தெரிவித்துள்ளார்.

 மேலும் தயாரிப்பாளர் மற்றும் சினிமா தொழிலின் நலன் கருதி அதன் பிறகும் பல்வேறு தேதிகளில்  அந்தப் படத்தில் நடித்து கொடுக்கும் நிலையில் தன்னுடைய பிரத்தியேக ஆடை வடிவமைப்பாளரை எஸ் பிக்சர்ஸ் நீக்கியது.

 அத்துடன் கெட்ட நோக்கத்தோடு தனது புகழுக்கும் பெயருக்கும் களங்கம் விளைவிக்கும் வகையில் தயாரிப்பாளர் சங்கத்தில் முறைப்பாடு கடிதத்தை கொடுத்து அந்தக் கடிதத்தில் ஏதோ தனக்கு இந்த ஒரு படத்தின் மூலம் தான் சினிமா உலகின் புகழ் ஏற்பட்டது போன்ற ஒரு மாய தோற்றத்தை உருவாக்கி உள்ளனர்.

 இதனால், தனக்கு பொருளாதார இழப்பும் மன உளைச்சலும் ஏற்பட்டது. இந்தப் படத்தில் நடிக்க வேண்டும் என்று நடிகர் சங்கம் தன்னை வற்புறுத்தியதோடு முன்பு தன்னை நேரில் அழைத்து கருத்து கேட்காதது விதிகளுக்கு முரணானது.

 இதனால், பொருளாதாரம், குடும்ப சூழ்நிலை மற்றும் மன உளைச்சல் காரணங்களால் இம்சை அரசன் 24 ஆம் புலிகேசி படத்தில் மேற்கொண்டு நடிக்க நாட்கள் ஒதுக்க இயலாத நிலையில் உள்ளேன் என்று வடிவேலு தெரிவித்துள்ளார்

ஹைதராபாத், ஏப்ரல்.6- பிரபல திரைப்பட நடிகையான பிந்து மாதவி சொந்த ஊரில் ஆடு மேய்ப்பது போன்ற புகைப்படத்தை தனது டுவிட்டர் பக்கத்தில் பதிவேற்றம் செய்துள்ளார். 

தமிழ் சினிமாத்துறையில் தற்போது நிறுத்தம் நடந்து வருவதால் திரைப்படபிரபலங்கள் பலர் தங்கள் குடும்பத்தினருடன் நேரத்தை செலவிட்டு வருகின்றனர்.

அதில் குறிப்பாக நடிகர் விக்ரம் தனது குடும்பத்துடன் கேரளாவுக்கும், நடிகை நயன்தாரா நீண்ட நாட்களுக்கு பின் கொச்சினில் உள்ள  தனது சொந்த வீட்டிற்கு சென்றிருந்தார்.

 நகைச்சுவை நடிகர் கருணாகரன் தன்னுடைய டுவிட்டர் பக்கத்தில் வேலைநிறுத்தத்தினால் வீட்டில் சும்மாயிருக்கிறதே பழகி விடும் போல இருக்கு எனவும் பதிவிட்டிருக்கிறார்.

இந்நிலையில் நடிகை பிந்து மாதவி தனது சொந்த ஊரான ஆந்திர பிரதேசத்திலுள்ள தேவரிந்து ச் சென்றுள்ளார்.  அங்கு சென்ற அவர்,  தான்ஆடு மேய்க்கும் காட்சி ஒன்றை பதிவிட்டுள்ளார்.

மண்பானையில் சமைப்பது, கொளுத்தும் வெயில் என்று கூட பார்க்காமல் குலதெய்வ கோவில்களுக்கு நடந்து சென்று பிராத்தனை செய்வது போன்ற புகைப்படங்களை பதியேற்றம் செய்துள்ளார். நகரத்திலிருந்து கிராமத்தில் இருப்பது கூட மிகவும் மகிழ்ச்சியாக இருக்கிறது என்று  அவர் குறிப்பிட்டுள்ளார்.

மும்பை, ஏப்ரல்.4- அண்மையில் ரஷ்யாவைச் சேர்ந்த தொழிலதிபர் ஆண்ட்ரேவ் கோஷ்சேவை காதலித்து திருமணம் செய்து கொண்ட நடிகை ஸ்ரேயா,  கணவருடன் ரஷ்யாவில் குடியேறத்  திட்டமிட்டுள்ளார். 

தமிழ்- தெலுங்கு ஆகிய மொழிப் படங்களில் நடித்தவர் ஸ்ரேயா. இவர் 2003 ஆம் ஆண்டில் "எனக்கு 20 உனக்கு 18" படத்தில் அறிமுகமானார். 'சிவாஜி' படத்தில் ரஜினிகாந்த் ஜோடியாக நடித்து பிரபலமானார். 

'மழை', 'திருவிளையாடல்', 'ஆரம்பம்',, 'அழகிய தமிழ் மகன்', 'தோரணை', 'குட்டி', 'ரவுத்திரம்' ஆகிய  தமிழ் படங்களிலும் தெலுங்கிலும் முன்னணி நடிகையாக வலம் வந்தார் ஸ்ரேயா.

தற்போது தமிழில் அரவிந்தசாமியுடன் 'நரகாசுரன்' படத்தில் நடித்து முடிந்துள்ளார். இந்நிலையில் தனது நீண்ட நாள் காதலரை அண்மையில் திருமணம் செய்து  கொண்டார். 

கைவசம் வேறு திரைப்படங்கள் எதுவும் இல்லாலதால்  சினிமாவுக்கு முழுக்கு போட்டு விட்டு கணவருடன் ரஷ்யாவில் குடியேறத் திட்டமிட்டு வருவதாக ஸ்ரேயா தெரிவித்துள்ளார்.

சென்னை, மார்ச்.31- 'மீண்டும் மீண்டும் சொல்கிறேன், நான் சினிமாவில் நடிக்கவில்லை' என்று மறுப்பு தெரிவித்துள்ளார் நடிகர் சத்யராஜ் மகள் திவ்யா. 

சத்யராஜ் மகள் திவ்யா ஊட்டச்சத்து நிபுணராகப் பணியாற்றி வருகிறார். அந்தத் துறையில் பிஎச்டி படிப்புக்கான ஆய்வுகளையும் மேற்கொண்டு வருகிறார். 

அவர் சினிமாவில் நடிகப் போவதாக அடிக்கடி செய்திகள் வந்த வண்ணம் உள்ளன. இதனை அவரும் அவ்வப்போது மறுத்து வந்தார். இந்நிலையில் வடிவேல் என்பவர் தயாரிக்கும் படத்தில் திவ்யா நாயகியாக நடிப்பதாக செய்திகள் வெளியாகின.

இதனை திவ்யா மீண்டும் மறுத்துள்ளார். இந்த முறை ரொம்பவே அழுத்தம் கொடுத்து மறுப்புத் தெரிவித்துள்ளார். 

அந்தப் படத்தில், என் தந்தை சத்யராஜ் தான் நடிக்கிறார்.  என் கிளினிக்கிலிருந்து வீடு திரும்பவே இரவு 9 மணிக்கு மேலாகிறது. இதில் நான் எங்கே சினிமாவில் நடிப்பது?  சினிமா துறை மீது எனக்கு பெரிய மரியாதை உண்டு. ஆனால், இந்தப் படத்தில் நான் நடிக்கவோ, தயாரிக்கவோ இல்லை என்று அவர் தெரிவித்துள்ளார். 

More Articles ...