நாளை முதல் 22 திரையரங்குகளில் 'ஜாங்கிரி' கலக்கப் போகிறது! -(VIDEO)

மலேசியச் சினிமா
Typography

கோலாலம்பூர், நவ.8- அண்மையில் பிரிமியர் திரையீடாக வெளிவந்த உள்ளூர் திரைப்படமான 'ஜாங்கிரி' நாளை 9ஆம் தேதி வெள்ளிக்கிழமை முதல் மலேசியத் திரையரங்குகளில் திரைக்கு வருகிறது. 

கிட்டத்தட்ட 22 திரையரங்குகளில் திரையீடு காணும் 'ஜாங்கிரி' படம், இளைய திரைக் கலைஞர்களின் முயற்சியில் உருவெடுத்துள்ளது. 

'ஜாங்கிரி' ஒரு 'காமெடி' திரைக்கதை என்பதால், மலேசிய ரசிகர்களின் கவனத்தை அதிக அளவில் ஈர்க்கும், திரையரங்குகளைக் கலகலக்கும் என்று இப்படத்தின் தயாரிப்பாளர் நந்தினி 'வணக்கம் மலேசியா'விடம் கருத்துரைத்தார். 

"எங்களுடைய கடும் உழைப்புக்கும், முயற்சிக்குமான வெற்றி, இப்போது மலேசியர்களின் கைகளில்தான் உள்ளது. ரசிகர்கள் குடும்பத்துடன் வந்து பார்க்கக்கூடிய வகையிலான படம் இது என்பதை இங்கு நான் சுட்டிக் காட்ட விரும்புகிறேன்" என்றார் அவர். 

'ஜாங்கிரி' படத்தைக் காண வருகின்ற ரசிகர்கள், திரையரங்கை விட்டு வெளியேறும் போது, தங்களின் மனச் சுமைகள் அனைத்தும் இறங்கிவிட்டது போன்ற சந்தோஷத்துடன் தான் செல்வார்கள் என்பது உறுதி என்று தயாரிப்பாளர் நந்தினி கூறினார். 

BLOG COMMENTS POWERED BY DISQUS