'அனாபெல்' திரைப்படத்தைப் பார்த்து பெண் அலறல்! பேய் பிடித்ததா?-VIDEO

மலேசியச் சினிமா
Typography

கோலாலம்பூர், ஆக.10- 'அனாபெல்' திரைப்படத்தைப் பார்த்துக் கொண்டிருக்கும் போது 'ஹிஸ்டீரியா'விற்கு உள்ளான பெண்ணொருவர் திடீரென்று அலறியடித்து கத்திக் கூச்சலிட்டு திரையரங்கையே கதிகலங்க வைத்தார். 

அனாபெல் கிரியேஷன் என்ற அந்த திகிலூட்டும் ஆங்கில பேய் படம் நேற்று மலேசிய திரையரங்குகளில் முதல் காட்சியாக ஒளியேறியது. இந்நிலையில், அந்தப் படத்தைப் பார்க்க வந்த ஓர் இளம் பெண் படம் ஓடிக்கொண்டிருக்கும் போதே திடீரென்று கத்தி கூச்சலிட்டு திரையரங்கத்தையே பீதிக்கு உள்ளாக்கினார்.

இந்நிலையில் ஓடிக்கொண்டிருந்த படம் உடனடியாக நிறுத்தப்பட்டது. அந்தப் பெண்ணுக்கு சிகிச்சை அளிப்பதில் முதலுதவிக் குழு ஈடுபட்டது.

இதனிடையே, இச்சம்பவத்தை குறித்து முகநூல் பக்கத்தில் ஒரு நபர் கீழ் கூறியுள்ளார்:

"நான் F-11 இருக்கையில் அமர்ந்திருந்தேன் அந்தப் பெண்  E-9 இருக்கையில் அமர்ந்திருந்தார் .எனக்கும் அவருக்கும் தூரம் அதிகம் இல்லை. அவர் திரையரங்கினுள் நுழைந்ததிலிருந்தே நான் கவனித்துக் கொண்டு தான் இருந்தேன்.

அந்தப் பெண் வந்ததிலிருந்தே ஏதோ கால் வலியால் அவதிப்பட்டுக் கொண்டிருந்தது போலக் காணப்பட்டார்.. இதனிடையே, திரையரங்கின் குளிரும் அளவுக்கு மீறி போனதால் அந்தப் பெண் கால் வலியால் துடித்துப் போனார். அதனால் தான் அவர் அலறினார் என்று கூறுகின்றார்.

BLOG COMMENTS POWERED BY DISQUS