Top Stories

Grid List

கோலாலம்பூர், பிப்.28- மலேசிய இந்தியக் கலை இயக்கங்களின் பேரவையிலிருந்து (காசிம்) விலகுவதாக 11 இயக்கங்கள் நேற்று அறிவித்தவேளை, நாங்கள் யாரையும் ஒதுக்கவில்லை என எமெர்ஜென்சி விஜய் கூறினார்.

நாட்டிலுள்ள கலைஞர்களையும் அவர்கள் சார்ந்துள்ள இயக்கங்களையும் ஒன்றிணைக்கும் நோக்கில் உருவாக்கபட்ட காசிமில் முறைகேடுகளும் அதன் தலைவர் விஜய் எமெர்ஜென்சி வெளிப்படைத் தன்மை இன்றி செயல்படுவதாகவும் கூறி சுமார் 11 இயக்கங்களின் தலைவர்கள் காசிமிலிருந்து வெளியேறுவதாக அறிவித்தனர்.

இவ்விவகாரம் தொடர்பில் இன்று செய்தியாளர் கூட்டத்தில் பேசிய காசிம் தலைவர் விஜய் எதிர்த்தரப்பினர் பல விசயங்களை மாற்றி பேசியுள்ளதாக கூறினார். நட்சத்திர விழா முடிந்த பிறகே பேரவையில் பிரச்சனைகள் தொடங்கியதாக கூறிய அவர் அதற்கு தனிநபரின் தனிப்பட்ட பிரச்சனைகள் காரணம் என கூறினார்.

 

  ### காணொளி: நன்றி Jeifm

"யாரையும் ஒதுக்குவது எங்கள் நோக்கம் அல்ல. அனைத்து 23 இயக்கங்களிலும் எந்த கலைஞர்களும் சேர்ந்து கொள்ளலாம். முன்னதாக, காசிமில் அனைத்து கலைஞர்களும் கண்டிப்பாக பதிவு செய்ய வேண்டும் என்று எதிர்த்தரப்பினர் கருத்து தெரிவித்தபோது நான் மறுப்பு கூறிய பிறகு இப்பிரச்சனைகள் பூதாகரமானது" என அவர் கூறினார்.

அவர்களின் கருத்துக்கு மாற்றுத் திட்டமாக, இயக்கங்களில் இருக்கும் கலைஞர்கள் அதில் நிலைத்துக் கொண்டே காசிம் கீழ் பாடகர், நடனம், இசை என பிரிவுகளைத் திறந்து அதில் பதிவு செய்து கொள்ளலாம் என்று தாம் கூறியதாகவும் ஆனால் எதிர்த்தரப்பினர் அதற்கு மறுப்பு தெரிவித்ததாகவும் விஜய் கூறினார்.

கோலாலம்பூர், பிப்.28- மலேசிய இந்தியக் கலை இயக்கங்களின் பேரவையிலிருந்து (காசிம்) விலகுவதாக 11 இயக்கங்கள் அறிவித்த வேளை ஆர்.ஓ.எஸ் எனும் பதிவு இலாகாவின் அடுத்த நடவடிக்கைகாக காத்திருப்பதாக அவர்கள் தெரிவித்தனர்.

நாட்டிலுள்ள கலைஞர்களையும் அவர்கள் சார்ந்துள்ள இயக்கங்களையும் ஒன்றிணைக்கும் நோக்கில் உருவாக்க பட்ட காசிமில் முறைகேடுகளும் அதன் தலைவர் விஜய் எமெர்ஜென்சி வெளிப்படைத் தன்மை இன்றி செயல்படுவதாகவும் கூறி சுமார் 11 இயக்கங்களின் தலைவர்கள் காசிமிலிருந்து வெளியேறுவதாக அறிவித்தனர்.

இதுப்பற்றி பேசிய எம்.சிவா, "காசிம் பேரவையில் பல்வேறு மோசடிகள், முறைகேடுகள் நிகழ்ந்துள்ளதால் அது குறித்து நேற்று முன்தினம் நடந்த கூட்டத்தில் கேள்வியெழுப்பினோம். ஆனால், எங்களின் புகார்களுக்கு நியாயம் கிடைக்கவில்லை. அதன் காரணமாக தேசிய சங்கப் பதிவிலாகாவில் (ஆர்.ஓ.எஸ்) இன்று புகார் அளிக்கப்பட்டுள்ளது.

எங்களது புகாரைப் பெற்றுக்கொண்ட அதிகாரிகள் அது அதன் இயக்குநரின் கவனத்திற்கு கொண்டு செல்லப்பட்டு இரண்டு தரப்புகளும் அழைக்கப்படுவார்கள் என தெரிவிக்கப்பட்டுள்ளது" என்று கூறினார்.

நேற்று நடந்த இந்த செய்தியாளர் சந்திப்பில் டி.எச்.ஆர்.ராகா அறிவிப்பாளர் மாறன், இயக்குனர் எஸ்.டி. பாலா, இயக்குனர் திவாகர் சுப்பையா, இசையமைப்பாளர் லாரன்ஸ் ஆகியோர் கலந்து கொண்டனர்.

கோலாலம்பூர், ஜன.5- நாளை நடக்கவிருக்கும் நட்சத்திர கலை விழாவில் கலந்து கொள்வதற்காக நடிகர் ரஜினிகாந்த் இன்று கோலாலம்பூர் வந்தடைந்தார். அவருக்கு ஆரத்தி எடுக்கப்பட்டு உற்சாக வரவேற்பு வழங்கப்பட்டது.

தென்னிந்திய நடிகர் சங்க கட்டிட நிதிக்காக நாளை தலைநகர் புக்கிட் ஜாலில் நட்சத்திர கலை விழா நடைபெறுகிறது. இதில் கலந்து கொள்வதற்காக நடிகர் பட்டாளம் இன்று காலையில் மலேசியா வந்தடைந்தது.

   ####காணொளி: நன்றி facebook

கார்த்தி, ஆர்யா, சிவகார்த்திகேயன், ஜீவா, சுஹாசினி, கௌதம் கார்த்திக், பிக் பாஸ் புகழ் வையாபுரி, ஆர்த்தி, கணேஷ் ஆகியோர் உட்பட 50க்கும் மேற்பட்ட நடிகர்கள் இன்று காலையில் தங்கும் விடுதிக்கு வந்தடைந்தனர்.

முன்னதாக, அதிகாலையில் நடிகர் ரஜினி கோலாலம்பூர் வந்தடைந்தார். அவரை செனட்டர் டி.மோகன் மாலை அணிவித்து வரவேற்றார். அவருக்கு சில பெண்கள் ஆரத்தி எடுத்து வரவேற்றனர். 

ரஜினி வரும் தகவல் அறிந்து தங்கும் விடுதிக்கு வெளியே காத்திருந்த பொதுமக்கள், 'தலைவா' எனக் கோஷமிட்டு ஆராவாரம் செய்தனர்.  

சென்னை, ஏப் 17- பொருளாதாரம் சூழ்நிலை மற்றும் மன உளைச்சல் போன்ற காரணங்களால் 'இம்சை அரசன் 24 ஆம் புலிகேசி' படத்தில் மேற்கொண்டு நடிக்க  நாட்கள் ஒதுக்க இயலாத நிலையில் உள்ளதாக நடிகர் வடிவேலு தெரிவித்துள்ளார்

இம்சை அரசன் 24ஆம் புலிகேசி படத்தில் நடிக்க நடிகர் வடிவேலு மறுத்து விட்டதாக அந்தப் படத்தின் தயாரிப்பாளரான இயக்குனர் சங்கர் தயாரிப்பாளர்கள் சங்கத்தில் முறைப்பாடு செய்திருந்தார். இதனைத் தொடர்ந்து நடிகர் சங்கம் வடிவேலுவிடம் கடிதங்கள் மூலம் விளக்கம் கோரியிருந்தது.

 இது குறித்து கடிதத்துக்கு பதிலளிக்கையில் வடிவேலு மேற்கண்டவாறு தெரிவித்துள்ளார்.இம்சை அரசன் 24 ஆம் புலிகேசி படத்தில் நடிக்க 2016 ஜூன் மாதம் 1ஆம் தேதி ஒப்புக் கொண்டிருந்ததாகவும் 2016 ஆம் ஆண்டு டிசம்பருக்குள் படத்தை முடித்து விடுவதாகவும் அதுவரை எந்தப் படத்திலும் நடிக்க ஒப்புக் கொள்ள வேண்டாம் என்றும் தன்னிடம் உறுதி அளித்ததால் வேறு படங்களில் நடிப்பதை தான் தவிர்த்ததாகவும் எனினும் 2016 டிசம்பர் வரை படப்பிடிப்பை தொடங்காமலேயே காலம் தாழ்த்தினார்கள் என தெரிவித்துள்ளார்.

 மேலும் தயாரிப்பாளர் மற்றும் சினிமா தொழிலின் நலன் கருதி அதன் பிறகும் பல்வேறு தேதிகளில்  அந்தப் படத்தில் நடித்து கொடுக்கும் நிலையில் தன்னுடைய பிரத்தியேக ஆடை வடிவமைப்பாளரை எஸ் பிக்சர்ஸ் நீக்கியது.

 அத்துடன் கெட்ட நோக்கத்தோடு தனது புகழுக்கும் பெயருக்கும் களங்கம் விளைவிக்கும் வகையில் தயாரிப்பாளர் சங்கத்தில் முறைப்பாடு கடிதத்தை கொடுத்து அந்தக் கடிதத்தில் ஏதோ தனக்கு இந்த ஒரு படத்தின் மூலம் தான் சினிமா உலகின் புகழ் ஏற்பட்டது போன்ற ஒரு மாய தோற்றத்தை உருவாக்கி உள்ளனர்.

 இதனால், தனக்கு பொருளாதார இழப்பும் மன உளைச்சலும் ஏற்பட்டது. இந்தப் படத்தில் நடிக்க வேண்டும் என்று நடிகர் சங்கம் தன்னை வற்புறுத்தியதோடு முன்பு தன்னை நேரில் அழைத்து கருத்து கேட்காதது விதிகளுக்கு முரணானது.

 இதனால், பொருளாதாரம், குடும்ப சூழ்நிலை மற்றும் மன உளைச்சல் காரணங்களால் இம்சை அரசன் 24 ஆம் புலிகேசி படத்தில் மேற்கொண்டு நடிக்க நாட்கள் ஒதுக்க இயலாத நிலையில் உள்ளேன் என்று வடிவேலு தெரிவித்துள்ளார்

ஹைதராபாத், ஏப்ரல்.6- பிரபல திரைப்பட நடிகையான பிந்து மாதவி சொந்த ஊரில் ஆடு மேய்ப்பது போன்ற புகைப்படத்தை தனது டுவிட்டர் பக்கத்தில் பதிவேற்றம் செய்துள்ளார். 

தமிழ் சினிமாத்துறையில் தற்போது நிறுத்தம் நடந்து வருவதால் திரைப்படபிரபலங்கள் பலர் தங்கள் குடும்பத்தினருடன் நேரத்தை செலவிட்டு வருகின்றனர்.

அதில் குறிப்பாக நடிகர் விக்ரம் தனது குடும்பத்துடன் கேரளாவுக்கும், நடிகை நயன்தாரா நீண்ட நாட்களுக்கு பின் கொச்சினில் உள்ள  தனது சொந்த வீட்டிற்கு சென்றிருந்தார்.

 நகைச்சுவை நடிகர் கருணாகரன் தன்னுடைய டுவிட்டர் பக்கத்தில் வேலைநிறுத்தத்தினால் வீட்டில் சும்மாயிருக்கிறதே பழகி விடும் போல இருக்கு எனவும் பதிவிட்டிருக்கிறார்.

இந்நிலையில் நடிகை பிந்து மாதவி தனது சொந்த ஊரான ஆந்திர பிரதேசத்திலுள்ள தேவரிந்து ச் சென்றுள்ளார்.  அங்கு சென்ற அவர்,  தான்ஆடு மேய்க்கும் காட்சி ஒன்றை பதிவிட்டுள்ளார்.

மண்பானையில் சமைப்பது, கொளுத்தும் வெயில் என்று கூட பார்க்காமல் குலதெய்வ கோவில்களுக்கு நடந்து சென்று பிராத்தனை செய்வது போன்ற புகைப்படங்களை பதியேற்றம் செய்துள்ளார். நகரத்திலிருந்து கிராமத்தில் இருப்பது கூட மிகவும் மகிழ்ச்சியாக இருக்கிறது என்று  அவர் குறிப்பிட்டுள்ளார்.

மும்பை, ஏப்ரல்.4- அண்மையில் ரஷ்யாவைச் சேர்ந்த தொழிலதிபர் ஆண்ட்ரேவ் கோஷ்சேவை காதலித்து திருமணம் செய்து கொண்ட நடிகை ஸ்ரேயா,  கணவருடன் ரஷ்யாவில் குடியேறத்  திட்டமிட்டுள்ளார். 

தமிழ்- தெலுங்கு ஆகிய மொழிப் படங்களில் நடித்தவர் ஸ்ரேயா. இவர் 2003 ஆம் ஆண்டில் "எனக்கு 20 உனக்கு 18" படத்தில் அறிமுகமானார். 'சிவாஜி' படத்தில் ரஜினிகாந்த் ஜோடியாக நடித்து பிரபலமானார். 

'மழை', 'திருவிளையாடல்', 'ஆரம்பம்',, 'அழகிய தமிழ் மகன்', 'தோரணை', 'குட்டி', 'ரவுத்திரம்' ஆகிய  தமிழ் படங்களிலும் தெலுங்கிலும் முன்னணி நடிகையாக வலம் வந்தார் ஸ்ரேயா.

தற்போது தமிழில் அரவிந்தசாமியுடன் 'நரகாசுரன்' படத்தில் நடித்து முடிந்துள்ளார். இந்நிலையில் தனது நீண்ட நாள் காதலரை அண்மையில் திருமணம் செய்து  கொண்டார். 

கைவசம் வேறு திரைப்படங்கள் எதுவும் இல்லாலதால்  சினிமாவுக்கு முழுக்கு போட்டு விட்டு கணவருடன் ரஷ்யாவில் குடியேறத் திட்டமிட்டு வருவதாக ஸ்ரேயா தெரிவித்துள்ளார்.

நியூயார்க், மார்ச்.19-  கடந்த   மாதம் வெளியான 'பிளாக் பந்தர்' ( Black panther) ஆங்கிலத் திரைப்படம்  உலக அளவில் பிரம்மாண்டமான  வசூல் சாதனைப் படைத்து வருகிறது. 

இதுவரை இந்த படம் 110 கோடி டாலருக்கு மேல்  மேல் வசூலை வாரிக் குவித்திருக்கிறது.  இதுவரையில் வசூல் சாதனையில் தொடக்க வாரங்களில் முந்திநின்ற 'அவதார்' (Avatar)படத்தின் சாதனைக்கு 'பிளாக் பந்தர்' இப்போது சவாலாக விளங்குகிறது.

2009ஆம் ஆண்டு வெளிவந்த 'அவதார்' படத்தின் ஒரு முக்கிய சாதனையை இந்தப் படம்  சமன் செய்துள்ளது. கடந்த வாரங்களாக தொடர்ந்து 'பிளாக் பந்தர்' வசூல் சாதனைப் பட்டியலில் முதலிடத்தில் இருந்து வருகிறது.

'அவதார்' படத்திற்கு முன் 1999 இல் வெளியான  'சிக்ஸ்த்   சென்ஸ்'   என்ற படம் தான் இந்த சாதனையைப் படைத்திருந்தது. கிட்டத்தட்ட 10 வருடங்களுக்கு ஒரு படம் மட்டுமே  இந்தச் சாதனையை நெருங்கியுள்ள து என்பது குறிப்பிடத்தக்கது.

கோலாலம்பூர், ஜூலை.12- கடந்த 2012ஆம் ஆண்டு ஒரு பாடல் உலகையே கலக்கியது என்றால் அது ஓப்பா கங்காம் ஸ்டைல் பாடல் தான். யூடிப்பில் அதிகம் பேர் பார்த்த பாடல் என்ற பெருமையை ஐந்து ஆண்டுகளாக தக்க வைத்துக் கொண்டிருந்த இப்பாடலை முந்தி புதிய சாதனை படைத்துள்ளது 'சீ யூ அகெய்ன்' எனும் கார் பந்தய படத்தின் பாடல்.

2012ஆம் ஆண்டு பட்டி தொட்டி தொடங்கி ஏன் இந்தியர்களின் திருமண நிகழ்ச்சிகளிலும் கூட தவறாமல் ஒலித்த பாடல் கங்காம் ஸ்டைல். பாட்டின் இசைக்கும் அதன் காட்சியமைப்பிற்கும் கிரங்கி போன ரசிகர்கள் யூடியூப்பில் மட்டும் ஏறக்குறைய 289 கோடி மக்கள் பார்த்துள்ளனர். யூடிப்பில் அதிகம் பார்க்கப்பட்ட காணொளி என்ற அந்தஸ்த்தையும் இந்த பாடல் பெற்றது. 

ஆனால், இந்த பாடலை முந்தி அதிகம் பேர் பார்த்த பாடலாக தனி முத்திரை பதித்துள்ளது 2015ம் ஆண்டில் வெளியான பார்ஸ்ட் அண்ட் ஃப்யூரியஸ் 7 எனும் படத்தின் சீ யூ அகெய்ன் பாடல். இந்த பாடலை மறைந்த நடிகர் பால் வாக்கருக்கு இசை அஞ்சலியாக வழங்கப்பட்டது என்பது குறிப்பிடத்தக்கது. இதுவரை இப்பாடலை 290 கோடி பேர் யூடியூப்பில் பார்த்துள்ளனர்.

குளுவாங், மார்ச் 18:- ஓரின சேர்க்கைக் காட்சியை நீக்கி விட்டு பியூட்டி அன் பீஸ்ட் படத்தைத் திரையிடலாம் என்று உள்துறை துணை அமைச்சர் வால்ட் டிஸ்னி நிறுவனத்திடம்அறிவுறுத்தியிள்ளார்.

டிஸ்னி, மலேசிய திரைப்பட தணிக்கை வாரியத்திற்கு ஏற்ப ஓரின சேர்க்கைக் காட்சியைநீக்கிவிட்டால் மட்டுமே இந்த படத்தைத் திரையிட டிஸ்னிக்கு அனுமதி வழங்கப்படும் என உள்துறை துணை அமைச்சர் டத்தோ நூர் ஜஸ்லான் முகமது கூறினார்.

டிஸ்னி படத்தில் ஒரு காட்சியை நீக்க வேண்டும் என உள்துறை அமைச்சு ஒரு முறையீட்டு தாக்கலை வியாழக்கிழமை அறிவித்தது. இந்தப் படத்தில் உள்ள ஓரின சேர்க்கைக் காட்சியைநீக்கினால் மட்டுமே மலேசியாவில் திரையிட முடியும் எனப் படத் தணிக்கை வாரிய தலைவர் டத்தோ அப்துல் ஹலிம் அப்துல் ஹமீத் மற்றும் அமைச்சரவையும் முடிவெடுத்துள்ளனர்

Advertisement