×

Warning

JUser: :_load: Unable to load user with ID: 56
JUser: :_load: Unable to load user with ID: 45

ரோம், மார்ச் 23- வரி ஏய்ப்பு மற்றும் பணம் பதுக்கும் மதிப்பு அனைத்துலக அளவில் 7 லட்சம் கோடி டாலர்களாக உள்ளது என்று புள்ளி விவரங்கள் வெளியாகியுள்ளன. இத்தாலி மத்திய வங்கி வரி ஏய்ப்பு குறித்த புதிய புள்ளி விவரங்களை வெளியிட்டுள்ளது.

கடந்த சில ஆண்டுகளின் புள்ளி விவரங்கள் அடிப்படையில் இந்த மதிப்பீட்டை மூன்று பொருளாதார நிபுணர்களும் மேற்கொண்டனர். இந்த ஆய்வு குழுவில் லண்டன் பொருளாதார கல்வி மையத்தைச் சேர்ந்த அறிஞர் ஒருவரும், பாஸ்டன் ஆலோசனை நிறுவனம் மற்றும் டாக்ஸ் ஜஸ்டிஸ் நெட்வொர்க் போன்ற நிறுவனங்களும் ஈடுபட்டன.

நாட்டின் கட்டுப்பாடுகள் தளர்வாக இருப்பதுதான் வரி ஏய்ப்பு செய்யப்படுவதற்கு முக்கிய காரணம் என்று இத்தாலி மத்திய வங்கியின் ஆய்வு கூறி யுள்ளது.

வரி ஏய்ப்பு செய்வது மற்றும் பணப் பதுக்கலில் ஈடுபடுவதில் அனைத்துலக அளவில் இந்தியாவின் பங்கு குறித்தும் அந்த ஆய்வு குறிப்பிட்டுள்ளது. இந்தியாவின் பங்கு 4 டாலரிலிருந்து 18,100 கோடி டாலர்களாக உள்ளது. இரண்டு அடிப்படையில் பணம் பதுக்கும் முறையை அந்த ஆய்வு மதிப்பிட்டுள்ளது.

உள்நாட்டு பொருளாதார வளர்ச்சியிலிருந்து இந்த பணம் மறைக்கப் படுகிறது. இதன் மூலம் அனைத்துலகப்  பொருளாதார வளர்ச்சிப் பங்களிப்பில் அந்நாட்டின் பங்களிப்புக் குறைகிறது என்று குறிப்பிட்டுள்ளது.

2003 ஆம் ஆண்டின் அறிக்கைபடி அனைத்துலக அளவில் பணம் பதுக்கும் நடவடிக்கைகளில் இந்தியாவின் பங்கு 2.5விழுக்காடாக உள்ளது. அதாவது 15,200 கோடி டாலர் முதல் 18,100 கோடி டாலர்களாக உள்ளது. இது இந்திய மதிப்பில் ரூ.8.9 லட்சம் கோடி முதல் ரூ.12 லட்சம் கோடியாகும். பங்குகள், கடன் பத்திரங்கள் மற்றும் வங்கி வைப்புகள் மூலம் பணப் பதுக்கல் நடக்கிறது.

இந்த ஆய்வு வரி ஏய்ப்பு குறித்து தீவிரக் கவனம் செலுத்தியுள்ளது. மேலும் அனைத்துலக வரி ஏய்ப்புக்கு எதிராக எடுக்கும் நடவடிக்கைகள் குறித்தும் ஆய்வு செய்துள்ளது. முக் கியமாக வரி செலுத்துவதிலிருந்து தவிர்ப்பதற்கான நடவடிக்கைகளை நாடு முழுவதும் நிறுவனங்கள் அதிகரித்துள்ளன என்று பொருளாதார நிபுணர்கள் குறிப்பிட்டுள்ளனர்.

 இந்த அளவுக்கு  கருப்புப் பணம் பதுக்கப்படுவதை சாதாரணமாக எடுத்துக் கொள்ளக்கூடாது என்றும் இந்த நிபுணர்கள் எச்சரித்துள்ளனர். வரி ஏய்ப்பு மற்றும் கறுப்புப் பணப் பதுக்கல் நடவடிக்கைகளில் ஈடுபடுபவர்களுக்கு கடந்த மாதத்தில் இந்திய அரசு கடுமையாக எச்சரிக்கை செய்துள்ளது குறிப் பிடத்தக்கது.

மும்பை, மார்ச் 17-  பிரபலத் தொழிலதிபர் விஜய் மல்லையாவுக்குச் சொந்தமான கிங் பிஷர் நிறுவனத்தின் அலுவலக் கட்டிடம் ஏலத்திற்கு விடப்படு கிறது. கிங் பிஷர் ஏர்லைன்ஸ் நிறுவனத்துக்காக பல்வேறு வங்கிகளில் கடன் வாங்கித் திருப்பிச் செலுத்தாமல் நிதி மோசடி செய்ததாக தொழிலதிபர் விஜய் மல்லையா மீது பல்வேறு வழக்குகள் தொடரப் பட்டுள்ளன.

வங்கிகள் மற்றும் கடன் கொடுத்துள்ள நிறுவனங்கள் தொடர்ந்துள்ள வழக்கில் நீதிமன்றங்கள் அவருக்கு சம்மன் அனுப்பி வருகின்றன. இந்த நிலை யில், வங்கிகள் அளித்த கடனுக்காக மும்பை யில் உள்ள கிங்பிஷர் இல்லத்தை ஏற்கெனவே எஸ்பிஐ கேப் டிரஸ்டி நிறுவனம் கையகப்படுத் தியிருந்தது. 2,401.70 சதுர மீட்டர் கொண்ட அந்த கட்டிடம் இன்று ஏலம் விடப்படுகிறது. 

ஆன் லைன் மூலம் இந்த கட்டிடம் ஏலம் விடப்படுகிறது. கட்டிடத்தின் மதிப்பு  கிட்டத்தட்ட ரூ.150 கோடி எனவும், ஏல அடிப்படை மதிப்பு ரூ.150 கோடி எனவும் கூறியிருந்தது. ஏலத்துக்கான முன்வைப்பு தொகை ரூ.15 லட்சமாகவும் நிர்ணயிக்கப்பட்டிருந்தது. ஏல கேட்பு தொகை ரூ.5 லட்சமாக அதிக ரிக்கும். இந்தக் கட்டிடம் கிங் பிஷர் நிறுவனத்தின் கார்ப்பரேட் அலுவலகமாக செயல்பட்டது. 

புதுடில்லி, மார்ச் 12-ஐ.எம்.எப். எனப்படும் அனைத்துலக செலாவணி நிதியத்தில் (ஐஎம்எப்) இந்தியாவின் வாக்கு உரிமையை அதிகப்படுத்துவதற்கு இந்திய அரசாங்கம் கூடுதலாக 69,575 கோடி ரூபாயை முதலீடு செய்ய இருக்கிறது.

நீண்ட காலமாக கிடப்பில் வைத்திருந்த ஒதுக்கீட்டு சீர்திருத்தத்தை ஐஎம்எப் நடைமுறைப்படுத்தியுள்ளது. இதன் மூலம் வளரும் நாடுகளான இந்தியா, பிரேசில், சீனா, ரஷ்யா ஆகிய நான்கு நாடுகள் அனைத்துலக நிதியத்தின்  அதிக முதலீட்டை கொண்டுள்ள 10 உறுப்பினர்கள் பட்டியலுக்குள் வந்துள்ளன.

ஐ.எம்.எப். ஒதுக்கீட்டை அதிகப்படுத்தி இருப்பதன் மூலம் மத்திய அரசு கூடுதலாக 69,575 கோடி ரூபாயை முதலீடு செய்ய உள்ளதாக நிதியமைச்சர் அருண் ஜேட்லி நாடாளுமன்றத்தில் தெரிவித்தார்.

ஐ.எம்.எப்.பில் இந்தியாவிற்கு வாக்குரிமை 2.34 விழுக்காடாக இருந்து வந்தது. புதிய முதலீட்டின் மூலம் 2.44 விழுக்காடாக அதிகரிக்கும் என்று எதிர்பார்க்கப்படுகிறது.

புதுடில்லி, மார்ச் 12-உலக அளவில் பிரபலமான இருசக்கர வாகன நிறுவனமான அமெரிக்காவின் ஹார்லி டேவிட்சன் தனது தொழிலை இந்தியாவின் இரண்டாம் நிலை நகரங்களுக்கு விரிவுபடுத்த திட்டமிட்டுள்ளது. இரண்டாம் நிலை நகரங்களிலும் ஹார்லி டேவிட்சன் மோட்டார் சைக்கிளுக்கு சிறந்த வரவேற்பு இருக்கும் என எதிர்பார்ப்பதாக நிறுவனம் கூறியுள்ளது.

 இந்தியாவில் 201இல் மிதமான வர்த்தக நடவடிக்கைகளில் நிறுவனம் இறங்கியது. இதுவரை 12 ஆயிரம் ஹார்லி டேவிட்சன் பைக்குகளை விற்பனை செய்துள்ளது என்று நிறுவனத்தின் இந்திய பிரிவு தலைவர் விக்ரம் பவா தெரிவித்துள்ளார்.

மோட்டார் சைக்கிள் கலாச் சாரத்தில் ஹார்லி டேவிட்சன் மோட்டார் சைக்கிள் வெற்றிக்கு பின்னால் மிகப்பெரிய வரலாறு உள்ளது என்று விக்ரம் பவா குறிப்பிட்டார்.

ஐகானிக் பைக் சந்தையில் ஹார்லி டேவிட்சன் நிறுவனம் 65 விழுக்காட்டுக்கும் மேற்பட்ட சந்தையை வைத்துள்ளது. இந்த வளர்ச்சிக்கு ஏற்ப எங்களது விநியோகஸ்தர்கள் எண்ணிக்கையை நாட்டின் இரண்டாம் நிலை நகரங்களுக்கும் விரிவுபடுத்திச் செல்கிறோம் என்று கூறினார்.

இந்திய சாலைகளுக்கு ஏற்ப குறைந்த சிசி திறன் கொண்ட மோட்டார் சைக்கிள்களை அறிமுகப் படுத்தலாமே என்கிற கேள்விக்குஅப்படி ஒரு திட்டமில்லை. மேலும்நிறுவனம் தென்னிந்திய சந்தை மிக முக்கியமானதாகக் கருதுகிறது என்று அவர் குறிப்பிட்டார்.

 

எதிர்வரும் மே 28, 29ஆம் தேதி உலக தமிழ் வர்த்தக சங்க  ஏற்பாட்டில் பன்னாட்டு கல்வி கண்காட்சி சென்னையில் நடைபெற உள்ளது. அக்கண்காட்சியில்  மலேசிய கல்வி நிறுவனங்கள் அரங்குகள் அமைக்கப்பட உள்ளன. மேலும் இந்தியாவை விட மலேசிய கல்வி நிறுவனங்களில் கல்வி கட்டணம் குறைவு என்பதாலும்,  மலேசியாவில் இந்திய உறவினர்கள் அதிகம் வசிப்பதாலும் இந்திய மாணவர்களுக்கு வருகை அதிகரிக்க வாய்ப்பு உள்ளது. மேலும் சென்னை மற்றும் திருச்சியிலிருந்து கோலாலம்பூருக்கு நாள் ஒன்றுக்கு 10 விமான  சேவை உள்ளது.

அதில் 8 விமானங்கள் பட்ஜெட் விமானங்கள். இது போன்ற வாய்ப்புகள் உள்ளதால் மலேசியாவில் கல்வி கற்க வரும் மாணவர்கள் இந்த ஆண்டு அதிகரிக்க வாய்ப்பு உள்ளது.  மேலும் இப்பன்னாட்டு  கல்வி கண்காட்சியில் மலேசிய கல்வி நிறுவனங்கள் இந்திய கல்வி நிறுவனங்களுடன் புரிந்துணர்வு ஒப்பந்தம்  செய்ய உள்ளன.

இக்கண்காட்சியில் சீனா, ரஷ்யா, கனடா, U.K,  ஐரோப்பா, ஆஸ்திரேலியா, சிங்கப்பூர் போன்ற நாடுகளும், கல்வி ஆலோசக நிறுவனங்களும் அரங்குகள் அமைக்க உள்ளன. பன்னாட்டு கல்வி கண்காட்சியை  மேதகு தமிழக  ஆளுநர்  கே. ரோசய்யா  துவக்கி வைக்க உள்ளார் என உலக தமிழ் வர்த்தக சங்க தலைவர், ஏற்பாட்டு  குழு தலைவருமாகிய செல்வகுமார் கூறினார். Whatsapp - +60166167708, மின்னஞ்சல் – This email address is being protected from spambots. You need JavaScript enabled to view it. -தொடர்பு கொள்ளவும்.

 

 

நியூயார்க், மார்ச் 12-உலக செஸ் சாம்பியன்ஷிப் போட்டி நவம்பர் 10-ஆம் தேதி முதல் 30-ஆம் தேதி வரை நியூயார்க் நகரில் நடக்கிறது. இதில் நடப்பு உலக சாம்பியன் மாக்னஸ் கார்ல்சனுடன் (நார்வே) மோதும் தகுதியான வீரர் யார்? என்பதை தேர்வு செய்வதற்கான 8 முன்னணி வீரர்கள் இடையிலான போட்டி (கேன்டிடேட்ஸ்) ரஷியாவின் மாஸ்கோ நகரில் தொடங்கியது. 

வருகிற 29- ஆம் தேதி வரை நடைபெறும் கேன்டிடேட்ஸ் செஸ் தொடரில் கடந்த ஆண்டு உலகப் போட்டியில் தோல்வி அடைந்த விஸ்வநாதன் ஆனந்த் (இந்தியா), வெசிலின் தபலோவ் (பல்கேரியா), செர்ஜி கார்ஜகின் (ரஷியா), பீட்டர் ஸ்விட்லெர் (ரஷியா), கரு நகமுரா (அமெரிக்கா), பாபியானோ காருனா (அமெரிக்கா), அனிஷ் கிரி (நெதர்லாந்து), லெவோன் ஆரோனியன் (அர்மேனியா) ஆகியோர் பங்கேற்றுள்ளனர். 

இதில் ஒவ்வொரு வீரரும் மற்ற வீரருடன் தலா 2 முறை மோத வேண்டும். 14 சுற்று முடிவில் முதலிடத்தை பிடிக்கும் வீரருக்கு உலக செஸ் சாம்பியன்ஷிப் போட்டியில் கார்ல்சனுடன் மோதும் அதிர்ஷ்டம் கிடைக்கும். 

46 வயதான தமிழகத்தை சேர்ந்த விஸ்வநாதன் ஆனந்த் 5 முறை உலச சாம்பியன் பட்டத்தை வென்றவர். ஆனால்  அண்மைய காலமாக பெரிய அளவில் சாதிக்காத அவர் கடைசி இரண்டு உலகக் கிண்ண இறுதி ஆட்டத்தில் கார்ல்சனிடம் தோல்வி அடைந்தார். 

இந்நிலையில் மீண்டும் கார்ல்சனுடன் மோதும் வாய்ப்பை பெற முடியும் என்ற நம்பிக்கையுடன் தமது முதல் சுற்றில் ஆனந்த், பல்கேரிய வீர்ர் வெசிலின் தபலோவை சந்தித்தார். 4 மணி நேரத்திற்கு மேலாக நீடித்த இந்த ஆட்டத்தில் வெள்ளை நிறக் காய்களுடன் ஆடிய ஆனந்த், 49-ஆவது நகர்த்தலில் எதிராளியை வீழ்த்தி வெற்றி பெற்றார்.

உலகின் இரண்டாவது பெரிய பொருளாதாரமான சீனா கடந்த ஆண்டில் 7 சதவீதத்துக்கு கீழான வளர்ச்சியை 26 ஆண்டுகளுக்கு முன்பு சந்தித்தது. கடந்த வருடத்தின் வளர்ச்சி 6.9 சதவீதமாகும்.

சீனப்பிரதமர் லி கிகுயாங் நேற்று சீனா நாடாளுமன்றத்தில் தன்னு டைய ஆய்வறிக்கையை தாக்கல் செய்தார். அப்போது நாட்டின் முக்கியமான 2000க்கும் மேற்பட்ட கொள்கை வகுப்பாளர்களும் இருந்தனர்.

உலகின் மற்ற நாடுக ளுடன் ஒப்பிடும் போது சீனாவின் வளர்ச்சி வேகமாக இருக்கிறது. நடப்பாண்டில் 6.5 சதவீதம் முதல் 7 சதவீதமாக வளர்ச்சி இருக்கும். 13-வது ஐந்தாண்டு திட்டம் 2016-ம் ஆண்டு முதல் 2020-ம் ஆண்டு வரை செயல்படும். இந்த ஐந்தாண்டு களுக்கான சராசரி வளர்ச்சி 6.5 சதவீதமாக இருக்கும் என்றார்.

அதிக உற்பத்தி காரணமாக ஸ்டீல் மற்றும் நிலக்கரி துறையில் அதிக வேலையிழப்பு ஏற்படும் என்று கணிக்கப்பட்டிருக்கிறது. அடுத்த சில ஆண்டுகளில் 50 லட்சம் நபர்கள் வேலை இழக்கலாம் என்று தகவல் வெளியானது.

 இந்த நிலையில் இந்த ஆண்டில் 1 கோடி வேலைவாய்ப்புகளை உருவாக்கி, வேலை இல்லாதவர்களின் விகிதத்தை 4.5 சதவீதத்துக்குள் குறைப்போம்.

மந்த நிலை இருந்தாலும், கடந்த ஐந்தாண்டுகளில் சமூக பொருளாதார மேம்பாட்டு திட்டங் களை அரசு செய்தது. கடந்த ஐந்தாண்டுகளில் பல முக்கிய விஷயங்கள் நிறைவேற்றப்பட்டன. கடந்த ஐந்தாண்டுகளில் (2011-15) சீனாவின் சராசரி வளர்ச்சி விகிதம் 7.8 சதவீதமாக இருந்தது என்று பிரதமர் தெரிவித்தார்.

 

 

சொகுசு கார் தயாரிப்பு நிறுவனமான மெர்சிடஸ் பென்ஸ் நிறுவனம் அதிக விலை கொண்ட மேபாஷ் 600 ரகக் காரை இந்தியாவில் அறிமுகப்படுத்தியுள்ளது. இதன் விற்பனை விலை ரூ.10.60 கோடியாகும்.

தனி நபர் பயன்படுத்தும் கார்களில் அதிக பாதுகாப்புத் தன்மை கொண்ட காராக இது கருதப்படுகிறது. ஜெர்மனியில் உள்ள ஆலையில் தயாரிக்கப்பட்டு இது இறக்குமதி செய்யப்பட்டு இங்கு விற்பனை செய்யப்படுகிறது.

மெர்சிடஸ் பென்ஸ் நிறுவனத்துக்கு புணேயில் உள்ள சக்கன் தொழிற்பேட்டையில் ஆலை உள்ளது. இங்கு பிற மாடல் கார்கள் தயாராகின்றன. இப்புதிய ரக அதிக பாதுகாப்பு அம்சங்களைக் கொண்ட மேபாஷ் 600 கார் மட்டும் முற்றிலும் இறக்குமதி செய்யப்பட்டுள்ளது.

அனைத்துலக சந்தையில் இந்த கார் அறிமுகமான 15 நாளில் இந்தியாவில் இந்தக் கார் அறிமுகம் செய்யப்படுவதாக நிறுவனத்தின் நிர்வாக இயக்குநரும் தலைமைச் செயல் அதிகாரியுமான ரோலண்ட் ஃபோல்கர் தெரிவித்தார்.

இந்தக் காரின் கதவுகள் மற்றும் கண்ணாடிகள் துப்பாக்கி தோட்டாக்களைத் தடுக்கும் திறன்கொண்டது. 

அனைத்துலக அளவில் அதிக பாதுகாப்பு அம்சங்கள் கொண்ட இந்தக் காரை வெளிநாட்டு தூதர்கள், பெரும் தொழிலதிபர்கள், சினிமா பிரபலங்கள் பெரிதும் தேர்வு செய்வர் என்று ஃபோல்கர் தெரிவித்தார்.

இந்தக் காரின் எடை 4.7 டன் (4,700 கிலோ) ஆகும். மெர்சிடஸ் பென்ஸ் நிறுவனத் தயாரிப்புகளில் அதிக விலை கொண்டதும் இந்தக் கார்தான். கேபினில் வெளிக்காற்று வரும் வசதி. தீயணைப்பு வசதி உள்ளது. இவை தாமாக ஆபத்து காலத்தில் செயல்படும் வகையில் வடிவமைக்கப்பட்டுள்ளது.

அதிக எடையுள்ளதாக இருந்தாலும் 7.9 விநாடிகளில் இந்தக் கார் 100 கி.மீ. வேகத்தை தொட்டுவிடும். இதில் அதிகபட்சம் மணிக்கு 190 கி.மீ. வேகத்தில் செல்ல முடியும்.

முகேஷ் அம்பானியின் ரிலையன்ஸ் இண்டஸ்ட்ரீஸ் நிறுவனம் தொலைக் காட்சி துறையில் முதலீடு செய்ய திட்டமிட்டுள்ளது. இது அவரது சகோதரர் அனில் அம்பானிக்கும் போட்டியாக உருவாகும் என்று கருத்து பரவியுள்ளது. தகவல் மற்றும் தொலைதொடர்பு துறையில் ஒரு பகுதியாக உள்ள இந்த தொலைக்காட்சி துறையில் முதலீடு செய்வதன் மூலம் அவரது சகோதரருக்கு எதிராக மன கசப்பு உருவாகியுள்ளது வெளிப்படையாக தெரிய வந்துள்ளது.

முகேஷ் அம்பானியின் ரிலையன்ஸ் இண்டஸ்ட்ரீஸ் நிறுவனம் எண்ணெய் சுத்திகரிப்பு மற்றும் எரிவாயு துறையில் மிக லாபகரமாக இயங்கி வரும் முக்கிய தனியார் துறை நிறுவனமாக உள்ளது. நுகர்வோர் துறையிலும் இந்த நிறுவனம் சமீப காலமாக கவனம் செலுத்தி வருகிறது. அதன் ஒரு பகுதியாக தொலைத்தொடர்பு துறையில் 4ஜி தொலைத் தொடர்பு சேவையை வழங்கும் ஆர்ஜியோ நிறுவனத்தை இந்த ஆண்டு தொடக்கத்தில் அறிமுகப்படுத்தியது. இதற்காக நிறுவனம் 1,800 கோடி டாலர் முதலீடு செய்தது. இந்திய ரூபாய் மதிப்பில் ரூ.1,20,000 கோடி ஆகும். தற்போது அதன் தொடர்ச்சியாக மேலும் 200 கோடி டாலரை தொலைக்காட்சி துறையில் முதலீடு செய்ய முடிவு செய்துள்ளது. இந்திய ரூபாயில் 13,000 கோடி முதலீடு செய்கிறது. அடுத்த மூன்று ஆண்டுகளில் தொலைக்காட்சி நிறுவனம் தொடங்க திட்டமிட்டுள்ளது. இந்த திட்டம் குறித்து நிறுவனம் கருத்து எதுவும் தெரிவிக்கவில்லை.

முகேஷ் அம்பானி இதன் மூலம் கேபிள் அல்லது சாட்டிலைட் டிவி துறையில் பெரிய நிறுவனத்தை உருவாக்கத் திட்டமிட்டுள்ளார். ஏற்கெனவே இவரது சகோதரர் அனில் அம்பானியின் ரிலையன்ஸ் கம்யூனிகேஷன் நிறுவனம் இந்த துறையில் முக்கிய நிறுவனமாக இருந்து வரும் நிலையில் இதற்கு போட்டியாக ரிலையன்ஸ் ஜியோ உருவாக்கப்பட்டுள்ளது என்று கருத்து உருவாகியுள்ளது.

இந்தியாவைப் பொறுத்தவரை வீட்டு பொழுதுபோக்கு என்கிற வகையில் தொலைக்காட்சி துறை மிகப் பெரிய சந்தை கொண்டது. குறைந்த லாபம் என்றாலும் மிகப்பெரிய சந்தையாக உள்ளது. மிகச்சிறிய அளவில் உள்ளூர் அளவில் பலரும் ஈடுபட்டுள்ள துறை இது. தற்போது அம்பானி தொடங்க உள்ள தொலைக்காட்சி நிறுவனம் தீவிரமாக இவர்கள் ஒவ்வொருவரோடும் ஒப்பந்தம் செய்து கொள்ள உள்ளது. இதன் மூலம் கேபிள் டிவி இணைப்பில் எந்த தடையும் இல்லாமல் பார்த்துக் கொள்ள முடியும் என்று இது குறித்து தகவல அறிந்தவர்கள் கூறுகின்றனர். தொலைக்காட்சி செயல்பாடுகளை தொடங்குவதற்கான வேலைகளில் ஒரு பகுதியாக ஹாத்வே கேபிள், டென் நெட்வொர்க்ஸ் மற்றும் சிட்டி கேபிள் நிறுவனங்களுடன் கூட்டு வைக்க உள்ளது என்றும் தகவல் அறிந்தவர்கள் கூறுகின்றனர்.

இது குறித்து பெயர் குறிப் பிடாமல் தகவல் தெரிவித்த ரிலையன்ஸ் அதிகாரிகள், மூன் றாண்டுகளில் 2 கோடி வாடிக்கை யாளர்களை கொண்டு வருவது என்று இலக்கு வைத்துள்ளோம். முதற்கட்டமாக 10 லட்சம் வாடிக்கை யாளர்கள் என்றும், அடுத்த ஆண்டில் 50 லட்சம் வாடிக்கை யாளகள் என்றும் நிறுவனம் இலக்கு வைத்துள்ளதாகக் குறிப்பிட்டார். தற்போது இந்தியாவில் 2 கோடி மக்கள் அகண்ட அலைவரிசை அல்லது இதர இண்டர்நெட் இணைப்புகளை வைத்துள்ளனர். 130 கோடி மக்கள் தொகை கொண்ட இந்தியாவில் தற்போதுவரை 1,70,000 நபர்கள்தான் ஆப்டிக்கல் பைபர் (கண்ணாடியிழைக் கேபிள்) வழி ஒயர் இல்லாத இண்டர்நெட் இணைப்பு வைத்துள்ளனர். ரிலையன்ஸ் நிறுவனம் தங்களது இலக்கை அடைந்துவிட்டால், இந்த துறையில் அசைக்க முடியாத நிறுவனமாக இருக்கும் என்று முன்னணி கேபிள் நிறுவனமான டென் சாட்டிலைட் நெட்வொர்க் நிறுவனத்தின் நிர்வாக இயக்குநர் ராஜிவ் கவி குறிப்பிட்டுள்ளார்.

இது குறித்து கூறிய ரிலையன்ஸ் நிறுவன அதிகாரிகள், இண்டர்நெட் இணைப்புடன் உயர்தர தொழில்நுட்பத்தில் நூறுக்கும் மேற்பட்ட சேனல்கள் மற்றும் வீடியோ ஆன் டிமாண்ட் சேவையும் கிடைக்கும். டிவி சீரியல்கள், படங்கள் போன்றவற்றை உயர்தரத்தில் கொடுக்க முடியும் என்று குறிப்பிட்டனர்.

 

தங்க நகைகளுக்கு ஒரு சதவீத கலால் விரி விதிக்கப்பட்டதற்கு எதிர்ப்பு தெரிவித்து தமிழகம் முழுவதும் 35 ஆயிரம் தங்க நகைக்கடைகள் இன்று முதல் 3 நாட்களுக்கு மூடப்படுகின்றன.

2016-2017 ஆம் ஆண்டுக்கான மத்திய பட்ஜெட்டை நிதியமைச்சர் அருண் ஜேட்லி நாடாளுமன்றத்தில் தாக்கல் செய்தார்.

 அந்த பட்ஜெட்டில், வெள்ளி நீங்கலான தங்கநகை உள்பட பிறவகை ஆபரணங்களுக்கு ஒரு சதவீதம் கலால் வரி விதிக்கப்படும் என்று அறிவித்தார்.

 இந்த அறிவிப்பு தங்க நகை நிறுவனங்கள், வியாபாரிகள், நகை தொழில் சார்ந்த தொழிற்கூடங்கள், கைவினை கலைஞர்கள் மத்தியில் அதிருப்தியை ஏற்படுத்தியுள்ளது.

 எனவே, இந்த கலால் வரி விதிப்புக்கு எதிர்ப்பு தெரிவித்து, தங்க நகை நிறுவனங்கள் இன்று(02.03.2016) முதல் 3 நாட்களுக்கு கடைகளை அடைப்பதாக அறிவித்துள்ளன.

 இதுகுறித்து, சென்னை வைரம் மற்றும் தங்கம் வியாபாரிகள் சங்க தலைவர் ஜெயந்திலால் ஷலானி செய்தியாளர்களிடம் கூறியதாவது:-

 உற்பத்தி செய்யப்படும் தங்கத்தின் மீது ஒரு சதவீத கலால் வரி விதிக்கப்படும் என்று மத்திய பட்ஜெட்டில் நிதியமைச்சர் அறிவித்துள்ளார்.

 இந்த வரி விதிக்கப்படுவதால், நகை வாங்கும் நுகர்வோருக்கு, ஒரு சவரனுக்கு ரூ.250 கூடுதலாக சுமை ஏற்படும். மேலும், உற்பத்தி செய்யும் நிறுவனங்கள் அதற்குரிய ஆவணங்களை சரியாக பராமரிக்கவேண்டும். ஏற்கனவே உள்ள வேலைப்பளுவில் மிக அதிகமான சுமையாக இது அமையும். தமிழகம் உட்பட இந்தியா முழுவதும் உள்ள நகை நிறுவனங்கள், வியாபாரிகள், நகை சார்ந்த தொழிற்கூடங்கள், கைவினை கலைஞர்கள் இன்று( 02.03.2016 புதன்கிழமை) முதல் 3 நாட்களுக்கு கடைகளை அடைத்து, கலால் வரி விதிப்புக்கு எதிர்ப்பு தெரிவிக்க உள்ளோம்.

 இந்தியா முழுவதும் லட்சக்கணக்கான நகைக்கடைகள் அடைக்கப்பட உள்ளன. தமிழகத்தில் 35 ஆயிரம் நகைக்கடைகள் மற்றும் அதனை சார்ந்த 12 லட்சம் தொழிலாளர்கள் இந்த கடை அடைப்பில் பங்கேற்க உள்ளனர்.

 இதனால், அரசுக்கு ரூ.1,000 கோடி வர்த்தக மற்றும் வருவாய் இழப்பு ஏற்படும். இதை ஒரு அடையாள போராட்டமாக தான் செய்கிறோம்.

 தங்க நகைகளுக்கு கலால் வரி ஒரு சதவீதம் விதிப்பதைவிட, தங்கம் இறக்குமதியில் ஒரு சதவீதத்தை ஏற்றி இருக்கலாம்.

 ஏற்கனவே தங்கம் இறக்குமதிக்கு 10 சதவீதம் வரி விதிக்கப்பட்டு வருகிறது. இந்த ஒரு சதவீதத்தை அதில் ஏற்றி எங்களிடம் இருந்து மத்திய அரசு பெற்றிருக்கலாம்.

 ஆனால் கலால் வரி மூலம் அதை பெறுவதை ஏற்க முடியாது. கலால் வரி சட்டம் மிக கடுமையான சட்டம். இதை சாதாரண தொழில் செய்யும் நிறுவனங்கள் மீது திணிப்பது அச்சுறுத்தலை ஏற்படுத்தி இருக்கிறது. உடனடியாக மத்திய அரசு இதை திரும்ப பெற வேண்டும் இவ்வாறு ஜெயந்திலால் ஷலானி கூறினார்.