பாறையாக இருந்த மனத்தின் இடுக்கினிலே,

ரோஜாவாக பூக்கிறாய்!!!

ஓய்ந்து முடிந்தன ரஜினி மற்றும் பா.இரஞ்சித் இருவரும் ஏற்படுத்திய ஆழிப்பேரலை ஒருவகையாக உலகமெங்கிலும், இன்னும் சொல்லப் போனால் ஆழிப்பேரலையின் தாக்கம் அவ்வுளவு எளிதில் மறைந்துவிடாது. அப்படித்தான் ரஞ்சித் அவர்களின் கபாலி திரைப்படம் ஏற்படுத்திய தாக்கமும். பலரின் மனங்களில் அது இன்னும் அழியா கலங்கரை விளக்காக எரிந்து கொண்டிருக்கின்றன குறிப்பாக மலேசியத்தமிழர்களின் ஆழ்மனங்களில்

கபாலி படத்தின் கதைக்களமானது மலேசியத்தமிழர்களின் வாழ்வியலை பிரதிபலித்தாலும், உண்மையிலே திரைக்கதையின் தன்மையானது நசுக்கப்பட்ட, ஒடுக்கப்பட்ட எந்த வகையான போராட்டங்களிலும் தங்களை ஈடுபடுத்திக் கொண்டிருக்கும் மக்களின் உயிரோட்டமான மெய்யியலாகவே அமையப்பெற்றது. நிஜமாகவே இது இயக்குனரின் தனித்திறமையா அல்லது இயற்கையாகவே அமையப்பெற்றதா என்பது புரியாத புதிர்தான், அப்படி ஒரு வேலை இயக்குனரை சந்திக்கும் வாய்ப்பு கிடைக்குமானல் நிச்சயமாக விளக்கம் கேட்பேன்.

(நான் எங்கே போனாலும் என் பின்னால் சாதி வந்து நிற்கிறது என்று அலட்சியமாக இயக்குனர் தனது பேட்டியில் குறிப்பிட்டது எத்தனை வேதனைக்குரியமான வலியை அவர் தன்னுடைய இளவயதிலியே அனுபவித்து வந்துள்ளார் என்பதை நன்குணர முடிகிறது. இனி அம்பேத்கர் போன்றோர் பிறக்க வேண்டும் அதுவும் மேல்மட்டத்தில் பிறக்க வேண்டும் என்று) அதே பேட்டியில் அவர் கூறியது இயக்குனரின் பண்பட்டுள்ள சிந்தனை தெளிவை மெய்ப்பிக்கின்றன

மேலோர் கீழோர் என்கிற தத்துவம் ஆண்டாண்டு காலமாக புரையோடிப்போன சிரங்காய் நம்மை பிடித்துள்ள நோய், இந்தியாவைத் தவிர்த்து இந்த நோய் உலகமெல்லாம் ஒவ்வொரு மூலைமுடுக்குகளிலும் பல்வேறு வடிவங்களில் இருந்து வந்துள்ளதை கடந்த காலங்களின் நடந்த கருப்பு சரித்திரங்கள் அதற்கு எடுத்துக்காட்டு.  

ஆயினும் பண்டைய இந்தியாவில் பரவலாக காட்டுத்தீப் போன்று பரவிய இந்த நோய், இன்று வேறோரு வடிவத்தில் பரிணாம வளர்ச்சி கண்டு கண்ணுக்கு தெரியாமல் உள்ளுர தீயில்லாமல் பரவி கொண்டிருப்பதை இயக்குனர் நன்கு உணர்ந்தே இருக்கின்றார், அவருக்குள்ளும் ஒரு தீ ஆழ்மனதில் பற்றி எரிந்து கொண்டிருந்ததின் விளைவின் வெளிப்பாடாய் வெடித்து சிதறியிருப்பதுதான் கபாலி திரைப்படமாக.

இது நாள் வரை மலேசியா என்கிற ஒரு நாட்டின் எழில்மிகு அழகியல்களை மட்டுமே காண்பித்து வந்த தமிழகத்தைச் சேர்ந்த தமிழ்த்திரைப்பட இயக்குனர்களில் மத்தியில், முதன் முதலாக அந்த எழில்மிகு அழகியல்களுக்கு பின்னாளில் இருக்கும் ஒரு இனத்தின் வலியையும், சமூக சிக்கலையும் தன்னால் முடிந்தவரை வெளிக்கொணர்ந்த இயக்குனரை மனதார பாராட்ட வேண்டும் மலேசியத்தமிழர்கள் அனைவரும்

இயக்குனர் முடிந்த வரை வெளிக்கொணர்ந்துள்ளாரே தவிர முழுமையாக பதிவு செய்யவில்லை என்பது மறுக்கப்பட முடியாத உண்மை. அந்த மாபெரும் வரலாற்றுப்பணிகளை இம்மண்ணில் பிறந்து வளர்ந்து உணர்வுப்பூர்வமான இம்மண்ணின் மைந்தர்களின் பிள்ளைகளால் மட்டுமே சாத்தியப்படும் என்பதும் மறுக்கப்பட முடியாத உண்மை. அதற்கான தொடக்கத்தையும்  பொறுப்பையும் இயக்குனர் ரஞ்சித் அவர்கள் கபாலி திரைப்படத்தின் மூலம் உணராமல் உணர்த்தி சென்றுள்ளார்

ஒட்டுமொத்தமாக இயக்குனர் அவர்கள் முழுமையான ஆண்டான் அடிமை, ஒடுக்கப்பட்ட, நசுக்கப்பட்ட அல்லது விடுதலை வேட்கையில் போராடும் அனைத்துக்குமான சிக்கல்களுக்கு முழுமையான தீர்வை வழங்கவிட்டாலும், இது நாள் வரையிலும் உள்ளுக்குள்ளே புலம்பி கொட்டித் தீர்த்துக் கொண்டிருந்தோர்களின் மன தைரியத்தையும் வலிமையையும் கூட்டி தந்திருப்பது இயக்குனருக்கு கிடைத்த வெற்றியாக கருதலாம்

புரட்சியைத் தவிர்த்து மாற்று வழிக்கான எளியப்பாதை அதிகாரத்தை கைப்பற்றுதலே அதனை மலேசியத்தமிழர்களும், உலகத் தமிழர்களும் உணர வேண்டும். இது காலத்தின் கட்டாயம் என்று சொல்லி கபாலி திரைப்படத்திற்கு அனைத்து வகையிலும் உதவிப்புரிந்து, வெளியிடவும் அனுமதித்த ஆளும் மலேசியா தேசிய முன்னணி அரசாங்கமானது தனது சொந்த காசில் சூனியத்தை வைத்துக் கொண்டது என்றால் மிகையில்லை, ஆதலால் பா.இரஞ்சித் அவர்களை பாராட்டவும் என்னால் இருக்க முடியவில்லை என்று சொல்லி கொண்டு என் பேனா எழுதிய முதல் தமிழ்த் திரைப்பட விமர்சனமாகவும் அறிவித்துக் கொண்டு விடைபெறுகிறேன்.

 

ஆக்கம்,  

சிவசீலன்

தலைமை நிருபர்

ஜனநாயக செயல்கட்சி தலைமையகம்.

 

 

*வாசகர் படைப்பு முழுக்க முழுக்க வாசகர்களின் சொந்த கருத்தாகும். படைப்புகளுக்கும் வணக்கம் மலேசியா டாட்காம் நிறுவனத்திற்கும் எந்தவித தொடர்பும் கிடையாது.

 

 

என் நிழல் கூட என்னைக் கண்டு புன்னகைக்கின்றது,

உன் பெயரை என் பேனா பலமுறை தீட்டும் பொழுது!!!

இதுவரை நான் கொண்ட நட்பெனும் இப்பயணம்

உன்னுடன் தொடரும் 

என் கல்லறை வரை!!!

இப்போதெல்லாம் சுவரொட்டிகளில் பார்க்கும் போது தமிழ் பெயர்களுக்கு பின்னாலேயே இந்தஜிஒட்டிக் கொண்டிருப்பதைப் பார்க்கலாம். சிதம்பரம் ஜி, கோபாலன் ஜி, சங்கர் ஜி என்று ஒரே ஜிஜி பெயர்களாக இருக்கின்றன.

வடவர் ஒருவரின் பெயருக்கு பின் மரியாதையைக் குறிக்க மன்மோகன் ஜி, மோடி ஜி என்றுஜிபயன்படுத்துகின்றனர்.

தெலுங்கர் சந்திரபாபு காரு, கிருஷ்ணய்யா காரு என்று மரியாதையை குறிக்ககாருபயன்படுத்துகின்றனர்.

தமிழ் ஆர்வம் மட்டும் வளர்த்துக் கொள்ளவில்லை.

தமிழனுக்கு தமிழின் தேவையை தெரிந்துக்கொள்ள தெரிய வில்லை!

ஜி என்ற வடமொழி வார்த்தைத்தான்

மரியாதையானது என்று  நினைத்துக்கொண்டிருக்கிறார்கள்.

தமிழில் ஒருவரின் பெயருக்கு பின்னால் மரியாதையை குறிக்க பயன்படும் சொல்ஆர்

ஒளவை= ஒளவையார்

பாரதி=பாரதியார்

மாறன்=மாறனார்

கோதை=கோதையார்

கண்ணகி=கண்ணகியார்

கரிகாலன்=கரிகாலனார்

சாத்தன்=சாத்தனார்

நச்செள்ளை=நச்செள்ளையார்

பேச்சி=பேச்சியார்

இனி தமிழர் பெயருக்கு பின்னால், ஜிஜி என்று பயன்படுத்தாமல், ‘ஆர்என்று பயன்படுத்தவும்......  படித்ததில் பிடித்தது

 

இந்துக்களின் புண்ணிய நதி எது என கேட்டால் அனைவரும் சொல்வது கங்கா, யமுனா, சரஸ்வதி. காசிக்குப் போனால் கங்கையைக் காணலாம், தாஜ்மகாலுக்குச் சென்றால் யமுனையைக், வேதத்திலும், மகாபாரதத்திலும் கூறப்படும் சரஸ்வதி எங்கே?
 சரஸ்வதி நதி  வேதங்களில் முதன்மையான ரிக் வேதத்தில் அனைத்து நதிகளிலும் சிறப்பானதாக சரஸ்வதி நதி புகழப்படுகிறது. இத்தகைய சிறப்பு மிக்க புண்ணிய நதி 4000 ஆண்டுகளுக்கு முன்பதாகவே மறைந்துவிட்டதாக நம்பப்படுகிறது.  
 ஆனால் இந்தியாவின் கடந்த ஆண்டு மே மாதம் நடைபெற்றத் தேர்தலுக்குப் பின் ஆட்சிக்கு வந்த பாரதீய ஜனதா கட்சி, மாயமாகிப் போன சரஸ்வதி நதியைக் கண்டுபிடிக்கும் முயற்சியில் இறங்கியுள்ளது.
சரஸ்வதி நதியைத் தேடும் படலத்தில் தற்போது ஹரியானா மற்றும் ராஜஸ்தான் மாநிலங்கள் களமிறங்கியுள்ளன.
 இதற்கான முதல் கட்ட முயற்சியாக, ராஜஸ்தான் மாநிலம் மத்திய அரசாங்கத்திடமிருந்து 70 கோடி ரூபாய் ஒதுக்கீட்டுக்கு விண்ணப்பித்துள்ளது.
காணாமல் போன சரஸ்வதி நதியைத் தேடுவதற்காக,  ராஜஸ்தான் மாநிலம் வடிகால், நீர் திட்டமிடல் ஆணையத்தை அமைத்துள்ளது (RRBWRPA) .
இதனிடையே ISRO எனப்படும் இந்திய விண்வெளி ஆய்வுக்கழகம் வெளியிட்ட வரைபடத்தில், சரஸ்வதி நதி அமைந்திருந்ததாக கருதப்படும் இடத்தில் நிலத்தடி நீர் சுரப்புக்கான தடங்கள் காணப்படுவதை உறுதி செய்துள்ளது. எனினும், இந்த நிலத்தடி நீர் சுரப்பு தடங்கள் தான் காணாமல் போன சரஸ்வதி நதி என்பதற்கான சான்றுகள் எதுவும் இதுவரை உறுதி செய்யப்படவில்லை.
இந்நிலையில், கடந்த வாரம் ராஜஸ்தான் அரசாங்கம், சரஸ்வதி நதி மீதான தேடலில் இதுவரை கிடைத்த தகவல்களை அடுத்த ஆறு மாதத்திற்குள் சமர்ப்பிக்க வேண்டும் என RRBWRPA ஆணையத்தைக் கேட்டுக்கொண்டுள்ளது.
ராஜஸ்தானைப் போன்று ஹரியானா மாநிலமும் சரஸ்வதி நதி தேடலுக்காக 10 கோடி ரூபாய் ஒதுக்கீட்டில் அரியானா சரஸ்வதி பாரம்பரிய அபிவிருத்தி சபையை உருவாக்கியுள்ளது. இச்சபை ஐ.நா-வின் கீழ் இயங்கும் கல்வி, அறிவியல் மற்றும் கலாச்சார அமைப்பான யுனெஸ்கோ மற்றும்  ASI எனப்படும் இந்தியத் தொல்பொருள் ஆய்வுக்கூடத்துடன் இணைந்து செயலாற்றும்.
பல ஆயிரம் ஆண்டுகளுக்கு முன்பதாகவே வற்றிவிட்டதாகவும்,காணாமல் போனதாகவும் கூறப்படும் சரஸ்வதி நதி தற்போது கண்டுபிடிப்பதற்கான சாத்தியம் உள்ளதா என பலருக்கும் சந்தேகம் ஏற்படலாம். ஆனால், சாத்தியங்கள் இருப்பதாகவே காட்டுகின்றன இதுவரை மேற்கொள்ளப்பட்ட ஆய்வுகள்.
கடந்த 2003-ஆம் ஆண்டு முதலே இந்தியாவின் ASI எனப்படும் தொல்பொருள் ஆராய்ச்சிக் கழகம்,  ஹரியானா, ராஜஸ்தான் மற்றும் குஜராத் ஆகிய மாநிலங்களை இணைக்கும் 10 இடங்களில் தொல்லியல் ஆராய்ச்சிகளை மேற்கொண்டு வந்துள்ளது.
 இது வரை மேற்கொள்ளப்பட்ட பெரும்பாலான ஆய்வுகள், தற்போது இந்தியா மற்றும் பாகிஸ்தானுக்கிடையே பாயும் “கக்கார் நதி” தான் பண்டைய இந்திய இலக்கியங்களிலும், வேத இதிகாசங்களிலும் கூறப்படும் சரஸ்வதி நதி என்ற கணிப்பும் நிலவுகிறது.
ஆனால் இந்த கணிப்பு ஒன்றும் புதியது அல்ல.
கிழக்கு நோக்கிய கிளைநதியான கக்கார் நதி, அப்போதைய காலக்கட்டத்தில் “சர்ஸ்சுதி” என்றே அழைக்கப்பட்டுள்ளதாகவும், சரஸ்வதி என்ற சொல்லின் திரிபு தான் “சர்ஸ்சுதி” என்றானதாகாவும்,  1880-ஆம் ஆண்டு இந்த கக்கார் நதி குறித்த ஆய்வில் ஈடுபட்டிருந்த மார்க் ஆவ்ரல் ஸ்டேயின் என்கிற தொல்பொருள் ஆய்வாளர் பதிவு செய்துள்ளார்.
 இந்த கணிப்புக்கு மேலும் நம்பிக்கையளிக்கும் வகையில், கடந்த 2010-ஆம் ஆண்டு  “The Lost River; On the Trail of Saraswati’ எனும் புத்தகத்தில், பிரஞ்சு அறிஞர் மிக்கேல் டானினோ, சரஸ்வதி நதி என்பது  கற்பனை அல்ல என்றும் கக்கார் நதியுடன் தொடர்பு படுத்தப்படுவதற்கு வலுவான ஆதாரங்கள் இருப்பதாகவும் கூறியுள்ளார்.
இதனிடையே இவ்வாண்டு மே மாதம், ஹரியானா மாநிலம், சரஸ்வதி நதியைத் தேடுவதற்கான பணியைத் தொடங்கிய போது ஆற்றுப்படுகையில் சில நீர்க்குளங்களை அடையாளம் கண்டது. ஆனால் அதன் பின்னர், மற்ற ஆதாரங்கள் எதுவும் கிடைக்கவில்லை.
சரஸ்வதி நதி புண்ணிய நதியாக வேதகாலத்தினின்றே புகழப்படுகிறது. ரிக்வேதத்தின் பாடலில் சரஸ்வதியானவள் அம்பிதமே, நாதிதமே, தேவிதமே சரஸ்வதி என்று அழைக்கப்படுகிறாள். இதன் பொருள் “சிறந்த நதி, சிறந்த பெண் கடவுள்” என பொருள்படுகிறது.

முற்றிலும் காணாமல் போன ஒரு நதியைத் தேடுவது அவ்வளவு சுலபம் அல்ல. அதற்கு எத்தனைக் காலம் தேவைப்படும் என்றே குறிப்பிட்டுச் சொல்ல முடியாது. ஆனால்,மோடி தலைமையிலான அரசாங்கம் காணாமல் போன நதியை கண்டுபிடிக்கும் முயற்சியில் இறங்கியுள்ளது. சரஸ்வதி நதி தேடல் வசமாகுமா? காத்திருப்போம்.

குரு ஒருவரிடம் செல்வந்தர் ஒரு கேள்வி கேட்டார். 

என் மனம் மிகவும் குழப்பத்தில் இருக்கிறது.

என் பணியாட்கள்கூட எனக்கு உண்மையாக இல்லை. என் மனைவி, பிள்ளைகள் உள்பட உலகமே சுயநலக் கூட்டமாக உள்ளது. யாருமே சரியில்லை என்றார்.

புன்னகைத்த குரு, கதை ஒன்றைச் சொன்னார்.

ஓர் ஊரில் ஆயிரம் கண்ணாடிகள் இருக்கிற அறை ஒன்று இருந்தது. அதற்குள் சென்று ஒரு சிறுமி விளையாடினாள். தன்னைச் சுற்றி ஆயிரம் குழந்தைகளின் மலர்ந்த முகத்தைக் கண்டு மகிழ்ந்தாள். அவள் கை தட்டியவுடன், ஆயிரம் பிம்பங்களும் கை தட்டின. உலகிலேயே மகிழ்ச்சியான இடம் இதுதான்! என்று எண்ணி, அடிக்கடி அங்கே சென்று விளையாடினாள்.

அதே இடத்துக்கு ஒருநாள் மனநிலை சரியில்லாத ஒருவன் வந்தான். தன்னைச் சுற்றி ஆயிரம் கோபமான மனிதர்களைக் கண்டான். அச்சம் கொண்ட அவன், அந்த மனிதர்களை அடிக்க கை ஓங்கியவுடன், ஆயிரம் பிம்பங்களும் அவனை அடிக்க கை ஓங்கின. உலகிலேயே மோசமான இடம் இதுதான்! எனக் கூறி, அங்கிருந்து வெளியேறினான்.

இந்த சமூகம்தான் ஆயிரம் கண்ணாடிகள் இருக்கிற அறை. நாம் எதை வெளிப்படுத்துகிறமோ அதையே சமூகம் பிரதிபலிக்கிறது.

உன் மனதைக் குழந்தையைப் போல் வைத்திரு.

உலகம் உனக்கு சொர்க்கமாகும்! என்றார், குரு.